Yohanes 8:9 - Tuntu i mPue ri Basa Taa

⁹ Wali ojo pangandonge ntau to mangkeni tau we’a gombo to nato’o i Yesu etu, sira mangansani monso pu’u sira paka madosa. Wali see naka sira miyai samba’a pei samba’a, mula yako ri tau to tu’anginya rataka sira samparia miyai yau. Yako etu jamo i Yesu sira dua tau we’a to nja’uwa nja’u ria.

Sura Magali Nuntu Ngkatuwu

⁹ Butu nadonge ntau seʼe pompau i Yesu ewanceʼe, nggoyamo tau seʼe painaka malai nteasambaʼa pai montepuʼu ungka ri anu tetukaka. Kapusa-pusanya jamo i Yesu ngkalio-A pai weʼa setu njau mekakore bareʼe molengko-lengko.

Yohanes 8:9 Referans Kwoze

Roma 2:15

Wali yako ri lengko nsira etu kita tansani i Pue Allah roomo mampakanasaka ri raya nsira mangkonong porenta to nato’o mporenta i Musa. Pasi yako ri pampobuuka nsira seja sira mangansani re’e porenta ri raya nsira, apa re’e to magombo ri raya nsira manganto’oka sira, “Lengkomu etu maja’a,” pasi manganto’o, “Lengkomu etu matao.”

Roma 2:22

Pasi komi manganto’oka tau ne’e masala, pei wimba ane komi, bara re’e seja masala? Komi manganto’o maja’a kojo ane mampue resi tau-tau, pei wimba ane komi, bara masua ri raya banua to nakanja’u tau-tau etu damampolima yau ngaya-ngaya to nja’u ria? Gete, ane ewa see, komi seja mangika palaong to taa masipato raika sewaju ewa tau to mampue resi tau-tau etu.

Yohanes 8:10

Wali i Yesu makore wo’u pei Ia mangkita jamo sira dua tau we’a, wali Ia mampotanaka resi tau we’a etu, Ia manganto’o, “A’ingKu, imbare tau to nampakasala korom etu? Wimba bara tamo re’e tau to damangantasoka korom watu?”

Yohanes 8:12

Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

Lukas 13:17

Wali tau to mangewa i Yesu, sira mea mangandonge pasonoNya etu. Pei ane tau boros, sira ndende kojo rayanya mangkita samparia palaong to magaya kojo to inikaNya.

Yohanes 8:2

Pei ojo kaeonya rao Ia mawolili muni njo’u raya ngkota Yerusalem pei yau ri banua i mPue Allah. Rata nja’u ria, boros kojo tau mangampago Ia, wali Ia matunda pei mampotunde sira.

Yohanes 8:3

Yako etu ma’i bara sawei mba’a tau to mampoguru porenta i Musa pasi tau to aliran Parisi. Sira mangangkeni samba’a tau we’a to nasoko ntau tempo masala. Wali sira mampapokore ia ri tango ntau boros etu.

Yohanes 8:8

Roo see Ia mamongka muni mangantulis wo’u ri tana.