Yohanes 8:56 - Tuntu i mPue ri Basa Taa

⁵⁶ Wali i Abraham, bue ngkomi, ia ndende kojo rayanya tempo owi mampobuuka temponya Aku dama’i ri lino si’i. Pasi ia roomo mangkita kama’ingKu etu, wali masanang kojo rayanya.”

Sura Magali Nuntu Ngkatuwu

⁵⁶ papami i Burahima da mawongko kojo rayaa da mangkita eo-Ku. Sira ndakitamo pai ndapokawongko!”

Yohanes 8:56 Referans Kwoze

Ibrani 11:13

Wali i Habel, i Henokh, i Nuh, i Abraham pasi indo nu ana i Abraham, samparia tau to etu paka mangaya i Pue Allah rataka tempo ngkapate nsira. Pasi tempo etu sira tawa mangarata anu to naparajanjika i mPue Allah sira, pei sira ewa mangangkita nja’u longko. Wali taa bata-bata raya nsira, sira masanang kojo. Pasi sira mampongakung ane ri lino si’i sira ojo ewa tau to rata yako lipu to longko pasi ewa tau to maroo ri oyo ntau to yusa.

Pomulanya 22:18

Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba korom mampalaika gombongKu.’” Etu semo parajanji i mPue Yawe resi i Abraham.

Yohanes 8:39

Wali tau boros manganto’o wo’u, “I Abraham semo pa’a mami.” Pei i Yesu manganto’o, “Ane monso pu’u komi ngana i Abraham, komi damampolengkoka lengko to naika i Abraham tempo owi.

Matius 13:17

Pasi Aku manganto’oka komi, monso pu’u komi semo to sana-sanang pei tau to tempo owi. Apa tempo owi etu boros to pantuntu tuntu i mPue Allah pasi tau to yusa to lengkonya singkonong pei i Pue Allah, sira rani kojo mangkita palaongingKu to nukita ngkomi ri tempo si’i, pei sira taa rapapokitaka. Pasi sira rani kojo mangandonge gombongKu to nudonge ngkomi ri tempo si’i, pei sira taa seja rawaika mangandonge.”

Lukas 10:24

Apa Aku manganto’oka komi, ane tempo owi boros to pantuntu tuntu i mPue Allah pasi makole-makole, sira rani kojo mangkita palaong to nukita ngkomi ri tempo si’i, pei sira taa rapapokita. Pasi sira rani kojo mangandonge anu to nudonge ngkomi ri tempo si’i, pei sira taa rawaika mangandonge apa tawa rata temponya to napilis i mPue Allah damampaponsanika to lino. Pei komi rawaika mangkita pasi mangandonge anu to taa nakita pasi to taa nadonge nsira etu, wali masipato komi masanang!” Ewa wetu nato’oka i Yesu anaguruNya.

Ibrani 11:39

Wali i Pue Allah masanang resi samparia tau etu apa sira mangaya. Pei nempo ewa see, tawa re’e pasi samba’a sira to ri raya ngkatuwu nsira ri lino si’i sira mangarata anu to naparajanjika i mPue Allah.

Yohanes 8:37

Aku Kunsani komi wiyaa i Abraham, pei nempo ewa see, komi taa mangika lengko to masipato naika mbiyaa i Abraham. Kasimbalinya yako etu, komi rani mampopate yau Aku apa komi bo’omu mangantima anu to Aku mampotundeka komi.

Yohanes 10:25

Wali i Yesu mangansono, to’oNya, “Aku roomo manganto’oka komi, pei komi taa rani mangaya. Pobuuka palaong to taa rapobiasa to inikangKu yako kuasa mPa’angKu, apa palaong etu mawali tondong to mampakanasaka komi i sema kamonsonya Aku.