Yohanes 8:28 - Tuntu i mPue ri Basa Taa

²⁸ Wali see naka i Yesu manganto’oka sira, “Darata temponya komi damangansani monso pu’u anu to Aku roomo manganto’o mangkonong i sema kamonsonya Aku. Etu semo temponya komi roomo mangokotaka Aku, Wiyaa nto Lino, ri kaju pasape. Pasi tempo etu komi damangansani Aku taa mangika bara kesaa ane korongKu ngkalio, pei anu to napotundeka mPa’angKu Aku, ojo to etu semo to Aku manganto’o.

Sura Magali Nuntu Ngkatuwu

²⁸ Inceʼe puʼunya painaka ndatoʼo i Yesu ri tau seʼe, “Ane manyombamo komi ri Ana Manusia, nepa da ndiincani ka-Yakunyamo anu ndatoʼo, ‘YAKU REʼE’, pai nepa da ndirata ndaya pura-pura anu Kupowia banya podo elo ndaya-Ku ngkalio-Ku. Anu Kupetumbu pura-puranya anu ndapatadaka yaku i mPapa.

Yohanes 8:28 Referans Kwoze

Yohanes 5:30

“Wali Aku taa maya mangika bara kesaa ane ojo yako pamporani to si Aku. Tempo Aku mangabotus tau Aku mangika singkonong pei to nato’oka mPa’angKu Aku. Wali tempo Aku mangabotus tau etu, samparia to to’ongKu paka kono kojo pasi masipato rato’o, apa Aku taa rani mangalulu pamporani ndayangKu. Aku ojo rani mangalulu pamporani mPa’angKu to nampokau Aku etu.” Etu semo gombo i Yesu resi to Yahudi etu.

Yohanes 5:19

Wali i Yesu manganto’oka to Yahudi etu, “Aku manganto’oka komi, monso pu’u Aku, Ana i mPue Allah, taa maya mangika bara kesaa ane ojo yako pamporani to si Aku. Pei ewa naika nu ana kodi mangalo’a pa’anya mangika palaonginya roo see ana etu mangika seja palaong sewaju ewa pa’anya etu, ewa see seja Aku. Wali ojo palaong to Aku mangangkita Pa’angKu mangika, palaong to etu semo to Aku maya mangika.

Yohanes 6:38

Apa Aku ma’i yako ndate saruga si’a damangalulu pamporani ndaya to si Aku. Pei Aku ma’i damangalulu pamporani mPa’angKu to nampokau Aku.

Yohanes 3:14

Wali palaong to damawali resi Aku ewa palaong to mawali resi ule tambaga to naika i Musa nja’u pada bone tempo owi. Ule tambaga etu naposaka i Musa ri sampole kaju panewa inokotakanya ri tango ntau boros see tau to mangalo’aka maya rapalaes. Wali ewa wetu seja damawali resi Aku, Wiyaa nto Lino. Apa Aku taa maya taa darapaku ri kaju pei raokotaka seja ri tango ntau boros.

Palaong mPomakau i mPue Yesu 4:4

Pei tau to roomo mangandonge anu to napotundeka nsira dua ri katawanya sira ratarungku etu, boros to mangaya i Yesu. Wali tau to mangaya tidugang wo’u kaborosinya kira-kira lima nsowu owo to langkai.

Palaong mPomakau i mPue Yesu 2:41

Wali tempo i Petrus magombo etu boros tau to mangaya anu to nato’o pasi sira rabaptis. Wali ri eo etu kaborosinya tau to mangaya i Yesu radugangika wo’u bara togo nsowu tau.

Yohanes 19:18

Wali rata nja’u Golgota etu, sira mangampaku i Yesu ri kaju pasape. Pasi sira mangampaku seja dua mba’a tau to yusa. Kaju pasape ntau dua etu rapokore ri awe nu kaju pasape i Yesu, samba’a ri sambali tondo ngkana pasi samba’a wo’u ri sambali tondo ngkii. Wali i Yesu semo to ri tongonya.

Yohanes 16:10

Pasi Ia damampakanasaka sira see sira damangansani lengkongKu singkonong pei i Pue Allah, apa Aku yau resi Pa’angKu, wali manasa lengkongKu singkonong pei Ia. Pasi tempo Aku yau resi Ia, tempo etu komi tamo maya mangkita Aku.

Yohanes 11:42

Kamonsonya Aku mangansani Komi sangkani mampodongeka pokai-kaingKu. Pei Aku manganto’o gombo etu apa saba tau boros to makore ri awengKu si’i, see sira damangaya monso pu’u Komi semo to nampokau Aku.”

Yohanes 8:24

Aku roomo manganto’oka komi ngena komi damate re’e katawanya dosa ngkomi ralapas. Naka pei Aku manganto’o ewa wetu apa etu semo to damawali ane komi taa mangaya anu to Aku roomo manganto’o mangkonong i sema kamonsonya Aku.”

Yohanes 3:11

Roo see i Yesu manganto’oka wo’u i Nikodemus, to’oNya, “Aku manganto’oka korom, monso pu’u Aku pasi joangKu magombo mangkonong anu to kami mangansani. Pasi kami mangansaritaka tau mangkonong anu to kami re’e mangkita. Pei komi to tau tu’a nto Israel, komi taa mangaya anu to nato’o mami etu.

Posuwunya 3:14

Wali i Pue Allah manganto'oka i Musa, “Aku rato’oka, ‘I AKU SEMO AKU TO RE’EMO YAKO RI SINGKASAENYA’. Wali to'oka tau Israel etu, ‘I Pue Yawe to rato’oka i AKU TO RE’EMO, Ia semo to nampokau aku ma'i resi komi.’”

Matius 24:5

Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Wali malagi tau to danatipu nsira.

Markus 13:6

Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Wali malagi tau to danatipu nsira.

Lukas 21:8

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

Yohanes 4:26

Wali i Yesu manganto’oka ia, “Aku to mampogomboka korom si’i, Aku semo Makole parajanji i mPue Allah.”

Yohanes 8:27

Pei tau to mangandonge gombo i Yesu etu, sira taa mangansani batuanginya gomboNya etu mangkonong Pa’aNya.

Yohanes 8:58

Panewa i Yesu manganto’oka sira, “Aku manganto’oka komi, monso pu’u re’e katawanya kare’e i Abraham, Aku re’emo!”

Yohanes 13:19

Wali Aku manganto’oka yami komi mangkonong palaong to damawali etu, see ane roomo mawali palaong to etu, komi damangaya Aku semo to re’emo yako ri singkasaenya.

Yohanes 18:32

Wali tempo sira manganto’o gombo etu, palaong etu mangabanang gombo to nato’o i Yesu seore. Tempo etu Ia magombo yami mangkonong ewa wimba Ia darapopate yau. Apa Ia manganto’o Ia damate rapaku ri kaju pasape, pei ojo to Roma semo to mangika palaong to etu.