Yohanes 8:20 - Tuntu i mPue ri Basa Taa

²⁰ Wali i Yesu manganto’o gombo etu tempo Ia mampotunde tau nja’u banua i mPue Allah. Tempo etu Ia ri raya nsongi to nja’u peti to napamposaka ntau doi to rawaika resi i Pue Allah. Pei tempo Ia magombo etu, tare tau to mangansoko Ia apa tawa rata temponya to napilis i mPue Allah.

Sura Magali Nuntu Ngkatuwu

²⁰ Pura-pura setu ndatoʼo i Yesu ri sindara Sira mompaguru ri Banua i mPue, mosu ri waʼa mpeti mpadika doi mpanyomba. Paikanya bereʼe tau anu mantaha mancoko Sira maka bareʼepa jela temponya.

Yohanes 8:20 Referans Kwoze

Yohanes 7:30

Wali ojo pangandonge ntau boros gombo i Yesu etu, re’e ri oyo nsira to ranimo mangansoko Ia apa Ia manganto’o yako resi i Pue Allah kama’iNya. Pei ane ewa songka i mPue Allah tawa rata temponya Ia darasoko, wali see naka tau taa mawali mangansoko Ia.

Yohanes 7:8

Wali intamo komi njo’u roa etu. Aku tawa dayau, apa tawa rata temponya to masipato Aku dayau.”

Markus 12:41

Wali yako etu, tempo i Yesu re’ewa ri tongonata banua i mPue Allah, tempo etu Ia yau matunda ri tango mpeti to napamposaka ntau doi to rawaika resi i Pue Allah. Tempo Ia matunda ri tango mpeti etu Ia mangalo’a pei mangkita tau boros mamposaka doi ri raya mpeti etu. Boros tau to sugi sira bae doi naposaka.

Yohanes 7:44

Re’e sira to rani mangansoko Ia, pei tare tau to mangansoko.

Markus 12:43

Wali i Yesu mampokio anaguruNya, Ia manganto’o, “Mai rire.” Wali sira yau resi Ia panewa Ia manganto’o, “Aku manganto’oka komi, monso pu’u ane ri pangkita i mPue Allah, anu to nawai ntau balu to masiasi etu semo to bae-bae batuanginya pei anu to nawai nsa’e.

Matius 27:6

Wali payunya ia yau, kepala-kepala nto pampue sira mangoko muni doi pera etu pei manganto’o, “Doi si’i doi olinya raa ntau wali see naka ane ewa porenta ngkita taa maya raposaka ri raya mpeti to rapamposaka nu doi banua i mPue Allah.”

Yohanes 10:39

Wali ojo pangandonge nto Yahudi gombo i Yesu etu, sira rani wo’u mangansoko Ia apa saba Ia mampoanika i Pue Allah, pei taa mawali apa Ia miyai yako resi sira.

Yohanes 8:59

Wali ojo pangandonge nto Yahudi gombo i Yesu etu, sira maja’a rayanya mampobuuka Ia mampoanika i Pue Allah, wali sira mangoko watu daratasoka i Yesu, pei taa mawali apa Ia masaya yau pei miyai yako ri banua i mPue Allah.

Lukas 20:19

Wali ojo pangandonge ngkepala-kepala nto pampue pasi tau to mampoguru porenta i Musa ligi to nato’o i Yesu etu, sira manasa batuanginya mangkonong sira semo. See naka sira rani kojo mangansoko Ia. Pei taa mawali apa sira mampokeka tau boros.

Matius 26:55

Wali roo see i Yesu manganto’oka tau boros, to’oNya, “Maka pei komi mangangkeni wada pasi pampomobak ma’i damangansoko Aku? Wimba, komi mampobuuka Aku si’i bara tau to kara-kara? Gete, ponto-ponto eo Aku matunda mangampotundeka tau nja’u banua i mPue Allah, pasi komi nja’u seja tempo etu. Wali maka pei komi taa mangansoko Aku nja’u ria?

Lukas 21:1

Wali tempo i Yesu re’ewa ri tongonata banua i mPue Allah, tempo etu Ia mangalo’a pei mangkita tau to sugi to mamposaka doi ri raya mpeti to napamposaka ntau doi to rawaika resi i Pue Allah.

Yohanes 2:4

Pei i Yesu manganto’oka ia, “Indo, to tao-tao komi ne’e mamporentangika Aku ewa wimba palaong to Aku damangika. Apa tawa rata temponya Aku damampaponsanika resi tau mangkonong kuasangKu.”

Yohanes 7:14

Wali ri tongonya roa etu, i Yesu yau ri banua i mPue Allah pei mula mampotunde tau nja’u tongonatanya.

Yohanes 8:2

Pei ojo kaeonya rao Ia mawolili muni njo’u raya ngkota Yerusalem pei yau ri banua i mPue Allah. Rata nja’u ria, boros kojo tau mangampago Ia, wali Ia matunda pei mampotunde sira.