Yohanes 8:12 - Tuntu i mPue ri Basa Taa

¹² Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

Sura Magali Nuntu Ngkatuwu

¹² Mompau woʼu i Yesu ndatoʼoka tau sondo Ndatoʼo, “Yakumo reme lino. Tau anu mangalulu Yaku bareʼe da melinja ri ntongo mbani, paikanya da mampotumpu reme ngkatuwu.”

Yohanes 8:12 Referans Kwoze

Yohanes 12:46

Wali Aku ma’i ri lino si’i damawali ewa pansona to mampakaremeka to lino jaya to monso, see samparia tau to mangaya Aku si’amo ewa tau to ojo malinja-linja ri raya mburi.

Yohanes 9:5

Wali tempo Aku re’ewa ri lino si’i, Aku semo to ewa pansona to mampakaremeka to lino jaya to monso.”

Yohanes 12:35

Wali i Yesu mangansono, to’oNya, “Aku tamo masae kojo maroo ri oyo ngkomi. Aku maya raporapaka ewa pansona to mampakaremeka komi jaya to monso apa Aku mampotundeka komi jaya to monso etu. Wali lulu Aku tempo Aku tiroowa re’i resi komi see komi mangansani jaya to monso. Apa tamo masae Aku dayau, wali tempo Aku yau etu tamore pansona resi komi see naka kodi majoli komi ewa tau to malinja ri raya mburi. Pei ane tau to malinja ri raya mburi, ia taa maya mangkita jaya, wali ia taa mangansani bara imbanjo nakanjo’u.

Matius 5:14

“Pasi komi raporapaka seja ewa pansona to mampakareme tampa to mawuri. Pobuuka kota to ndate rapa mpantana. Ane kota to etu taa maya rawuni apa remenya nakita ntau boros. Wali ewa see seja gombo ngkomi pasi lengko ngkatuwu ngkomi mawali ewa reme to taa seja maya rawuni pasi to mampaponsanika sa’e jaya damangarata katuwu.

Yohanes 3:19

Naka pei tau to taa mangaya Aku etu rahuku, apa sira taa mangaya kareba to Aku ma’i mampakarebaka sira. Kareba etu kareba to monso to yako resi i Pue Allah pasi kareba etu raporapaka ewa reme. Pei to lino taa rani reme etu. Sira maja’a lengkonya, pasi lengkonya to maja’a etu, to raporapaka ewa kawuri, etu semo to naporani nsira.

2 Petrus 2:4

Wali kita manasa resi kita, sira matantu darahuku apa sakowa pomakau-pomakau i mPue Allah ndate saruga, sira to nangika dosa tempo owi, sira taa raporayang. Sira napanasoka yau i mPue Allah lo’u lipu ntau mate. Wali sira rapunguka rante pasi maroo-roo ri tampa to mawuri la’u ria mangampeas temponya darapangabotus.

Palaong mPomakau i mPue Yesu 13:47

Apa ewa see porenta i mPue Allah resi kami. Ia manganto’oka kami, to’oNya ‘Aku room mangampilis komi damampaponsanika resi tau to si’a to Yahudi mangkonong Aku. Wali komi damawali ewa reme to mangansindo tampa to mawuri. Pasi Aku mampokau komi see komi damampakarebaka resi tau ri suogi lino mangkonong ewa wimba sira maya mangarata katuwu to singkasaenya.’ (Yesaya 49:6) Etu semo gombo i mPue Allah resi kami.”

Palaong mPomakau i mPue Yesu 26:23

Apa sira nanganto’o i Kerisitu Ia darasesai pei darapopate yau, pasi Ia semo to uyunya damambangu muni yako ri kapateNya pei taa damate wo’u. Wali yako pambanguNya muni etu Ia damampaponsanika yunuNya to Yahudi pasi tau to si’a to Yahudi jaya to danalulu nsira see maya rapalaes. Palaong etu raporapaka ewa tau mampakaremeka sa’e jaya ri raya mburi.”

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 7:17

Wali i sema tau to monso pu’u rani mangika pamporani i mPue Allah, matantu tau etu damangansani anu to Aku mampotundeka bara yako resi i Pue Allah semo pu’unya, bara ojo gombo to si Aku semo.

Pangkita 21:24

Wali samparia to lino to si’a to Yahudi to roomo napalaes i mPue Allah, sira damalinja ri raya ngkareme nu kota etu. Pasi makole-makole nto lino damangkeni kasuginya nja’u raya ngkota etu.

Lukas 2:32

Wali Ia ewa pansona to mampakaremeka tau to si’a to Yahudi jaya to monso see sira maya mangansani Komi. Pasi apa saba Ia see naka tau ngKomi, to Israel semo, darabarong apa Ia seja samba’a to Israel.” Wali etu semo gombo i nSimeon mangabarong i Pue Allah.

I Yudas 1:13

Pasi sira raporapaka ewa bombang to bae ri wawo ntasi. Apa yako ri bombang etu re’e mawali to ewa wuranya ri wii ntasi, wuranya etu makarika pasi tare batuanginya. Wali palaong to masipato rapokea to naika ntau etu raporapaka ewa wura to nakita ntau ri wii ntasi etu. Pasi tau etu raporapaka seja ewa batu’e to ojo pangkewakanya palinjanya. Wali i Pue Allah room mampasigenaka sira tampa to mawuri kojo to la’u raya nu lino. Tampa etu danakaroos nsira rataka ri singkasaenya.

2 Petrus 2:17

Wali tau to mampotunde anu to taa monso etu, sira ewa mata nue to otim. Pasi sira ewa limu to roomo natawuis yau nu ngoyu. Apa gombo nsira tabaro kojo pei kamonsonya tare batuanginya. Wali gombo nsira etu mangakal tau to owo roo maga’a yako resi yununya to mangika lengko ngkatuwu to sala. Apa sira manganto’oka tau to owo room mampoga’aka yununya etu, manganto’o, “Taa mawei nempo mangaluluka yau pamporani ngkoro to maja’a pasi mangika palaong to masipato rapokea.” Pasi sira manganto’o, “Ane komi mangalulu jaya mami, nempo tamo mampalaika i Pue Allah, taa mawei.” Wali ewa wetu nato’o nsira. Pei kamonsonya tau to manganto’o gombo to etu sira semo to ewa watua. Apa sira nakuasang nu lengko to mampakaja’aka sira. Wali nempo bara kesaa to mangkuasang tau, etu semo to mampowatua ia. Wali lipu to mawuri kiji roomo napasigenaka i mPue Allah sira, pasi sira damaroo ri lipu to mawuri kiji etu rataka ri singkasaenya.

I Yudas 1:6

Pasi aku rani seja mampatiendoka komi anu to mawali resi pomakau i mPue Allah seore. Sira taa mangkongko pangka to nawaika i mPue Allah sira, sira ojo mampiyaika yau tampa to nakaroos nsira. Wali pomakau to etu room rapunguka yau rante to singkasaenya pasi room seja rata’amaka ri raya ntampa to mawuri to la’u raya nu lino. Sira nata’amaka i mPue Allah la’u ria sampe rata temponya sira darabotus ri eonya darapangabotus.

Yohanes 12:36

Wali monso pu’u Aku mampotundeka komi jaya to monso. Wali tempo Aku tiroowa re’e resi komi, sarumaka Aku see komi maya mawali tau to mangansani anu to monso. Apa ane ewa see komi raporapaka ewa tau to tuwu ri raya ngkareme.” Wali ojo karoonya i Yesu manganto’oka sira gombo etu, Ia mayoko pei maroo nja’u tampa to taa nansani nsira.

1 Yohanes 1:6

Wali ane kita manganto'o kita masingkatao pei i Pue Allah, pei kita tiroo mangalulu anu to mawuri, ane ewa see, batuanginya kita mawuti. Pasi kita taa mangalulu anu to monso.