Yohanes 7:28 - Tuntu i mPue ri Basa Taa

²⁸ Wali tempo sira manganto’o gombo etu, i Yesu tiroowa mampotunde ri tongonata banua i mPue Allah etu. Pei Ia mangandonge gombo ntau to manganto’o sira mangansani yako imba kama’iNya. See naka Ia mampakaroso looNya manganto’o, “Ane ewa pampobuuka ngkomi, komi mangansani Aku pasi mangansani yako imba kama’ingKu, pei taa monso! Apa Aku taa ma’i ojo mangalulu songka to si Aku. Aku ma’i napokau i mPue Allah. Ia masipato rasarumaka, pei komi taa mangansani i sema kamonsonya Ia.

Sura Magali Nuntu Ngkatuwu

²⁸ Ntongo mompaguru i Yesu ri raya Banua i mPue, meboo Sira marimbo oni nganga-A ndatoʼo, “Mewali komi ndiincani kaʼisemanya Yaku seʼi, pai ungka ri mbeʼi kamaʼi-Ku? Yaku bareʼe rata malulu tangara-Ku ngkalio-Ku. Anu mampokau Yaku inceʼe Sira anu makuasa mampokau Yaku, pai Sira ndasarumaka. Paikanya komi bareʼe ndiincani Sira.

Yohanes 7:28 Referans Kwoze

Yohanes 8:42

Wali i Yesu manganto’oka sira, “Ane monso pu’u i Pue Allah Pa’a ngkomi, komi damamporayang Aku. Apa Aku ma’i yako resi i Pue Allah semo, see naka Aku re’i rire. Aku taa ma’i mangalulu songka to si Aku, Aku ma’i napokau i mPue Allah.

Yohanes 8:19

Wali to Yahudi to aliran Parisi etu, sira mampotanaka resi Ia, “Imbare Pa’aMu?” I Yesu mangansono, “Komi taa mangansani i sema kamonsonya Aku, pasi komi taa seja mangansani i sema kamonsonya Pa’angKu. Apa ane komi mangansani i sema kamonsonya Aku, komi damangansani seja i sema kamonsonya Pa’angKu.”

Yohanes 8:26

Pei ane mangkonong komi, boros wo’u gombo to maya Aku manganto’o manganseko lengko ngkomi to sala. Pei Aku tawa damangika ewa see apa Ia to mampokau Aku, Ia tawa manganto’oka Aku mangika palaong to etu. Ia masipato kojo rasarumaka, wali anu to Aku re’e mangandonge yako resi Ia, ojo to etu semo to Aku mamparata resi komi to lino.” Wali ewa wetu pasono i Yesu.

Yohanes 8:14

Wali i Yesu mangansono, “Nempo Aku semo to mawali matamanasangKu, pei gombongKu etu masipato rasarumaka, apa Aku Kunsani yako imbare kama’ingKu pasi Aku Kunsani seja tampa to daKukanjo’u. Pei komi taa mangansani yako imbare kama’ingKu pasi taa seja mangansani tampa to daKukanjo’u etu.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Yohanes 12:49

Apa tempo Aku manganto’o gombo etu, si’a Aku pu’unya. Pa’angKu to nampokau Aku, Ia semo to mamporentangika Aku mangkonong gombo to Aku damanganto’o pasi to Aku damangamporata.

Yohanes 5:43

Pei nempo Aku ma’i napokau mPa’angKu, komi bo’omu mangantima Aku. Pei ane tau to yusa dama’i si’a napokau mPa’angKu, ojo mangaluluka pamporani ngkalionya, ane ewa see komi masanang mangantima ia.

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

1 Yohanes 5:10

Wali tau to mansarumaka Ana i mPue Allah, tau etu manasa kojo ri rayanya monso pu'u i Yesu semo Ana i mPue Allah. Pei tau to taa mangaya i Pue Allah, tau etu sewaju pei manganto'o i Pue Allah mawuti, apa ia taa naaya kareba to nato'o i mPue Allah mangkonong AnaNya.

Ibrani 6:18

Wali i Pue Allah taa maya mawuti, wali see naka manasa Ia taa mawuti tempo Ia mangika parajanjiNya. Pasi Ia taa seja mawuti tempo Ia mangampake sangaNya mampakatantu parajanjiNya etu. Pasi samparia gombo to ito’okaNya tempo mangika parajanji pasi tempo mampakatantu parajanjiNya etu taa kojo damambali. Wali see naka kita to roomo mampago i Pue Allah darapalaes, kita rapakaroso rayanta see tare pandoonya mansarumaka i Pue Allah pasi mangampeas anu to Ia roomo mamparajanjika, to kita damangarata.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

2 Korintus 1:18

Pei si’a ewa wetu lengkongku! I Pue Allah maya rasarumaka. Pasi ewa see seja kami, apa kami taa mangawutis komi. Kami taa mangika parajanji to kami taa damangabanang.

Roma 3:4

Ia damangika kojo, apa nempo samparia tau mawuti, ane gombo i mPue Allah, gomboNya etu sangkani monso. Kita tansani gombo i mPue sangkani monso, apa re’e to ratulis ri raya ntuntuNya mangkonong Ia, to’onya, “Pue, tempo Komi magombo, samparia tau damangansani monso pu’u gomboMu etu. Pasi ane re’e tau mampakasala Komi, Komi damanganangi tau etu.” (Masmur 51:6) Etu semo gombo to room ratulis etu.

Roma 1:28

Wali apa saba tau taa rani mampatimonso i Pue Allah ri raya pampobuuka nsira, see naka i Pue Allah jamo mangabiaka yau pampobuuka nsira etu mawali maja’a. Wali yako ri pampobuuka to maja’a etu see naka sira mampolengkoka lengko to taa masipato naika ntau.

Palaong mPomakau i mPue Yesu 17:23

Apa tempo aku malinja-linja ri kota ngkomi si’i aku re’e mangkita boros anu to nupue ngkomi. Pasi aku mangarata seja palampa to nja’u ratulis, ‘RESI PUE TO TAA RANSANI.’ Wali Pue to nupue ngkomi pasi to taa nunsani ngkomi etu, Pue etu semo to kupakarebaka resi komi.

Yohanes 17:25

“O Pa’a, Komi to sangkani mangika ewa wimba to masipato raika, Aku manganto’o resi Komi mangkonong to lino to taa mangaya, sira taa mangansani i sema kamonsonya Komi. Pei nempo ewa see, Aku mangansani Komi. Pasi anagurungKu seja mangansanika Komi semo to nampokau Aku.

Yohanes 16:3

Wali naka pei sira damangansesai komi ewa wetu apa sira taa kojo mangansani i sema kamonsonya Pa’angKu pasi i sema kamonsonya Aku.

Yohanes 14:31

pei Aku buya rayangKu mangabiaka palaong to danaika nu joanya resi Aku. Aku damangika ewa wetu mangalulu samparia to naporentangika mPa’angKu Aku see to lino damangansani Aku mamporayang Pa’angKu. Wali yaumo kita, mampiyaika tampa si’i.”

Yohanes 14:10

Wimba, korom bara taa mangaya Aku samba’a pei Pa’angKu, pasi Pa’angKu samba’a pei Aku? Kami monso pu’u samba’a. Wali see naka gombo to Aku manganto’oka komi, si’a Aku pu’unya, Pa’angKu semo pu’unya. Pasi samparia palaong to Aku mangika, si’a seja Aku pu’unya apa Pa’angKu to maroo ri rayangKu, Ia mangika palaong to si Ia mangampake Aku.

Yohanes 10:36

ane ewa see taa manto’o Aku. Apa Aku napilis i mPue Allah, Pa’angKu, mawali Iaja puenya pasi Aku napokau i mPue Allah ma’i ri lino si’i. Wali maka pei komi mampakasala Aku pei manganto’o Aku manto’o maja’a i Pue Allah apa saba Aku manganto’o, ‘Aku Ana i mPue Allah’?

Yohanes 8:16

Pei rapanya ane Aku mangabotus tau, kono kojo Kuika, apa si’a ojo Aku mangika palaong to etu. Pa’angKu to nampokau Aku, Ia mangika seja palaong to etu sindara-ndara pei Aku.

Yohanes 5:32

Pei Pa’angKu seja mawali matamanasa mangkonong Aku. Ia seja manganto’o Aku AnaNya, pasi Aku kunsani monso pu’u gombo to ito’oNya mangkonong Aku etu.”

Yohanes 3:33

Pei ane tau re’e mangaya gomboNya etu, tau etu mampatimonso anu to nato’o i mPue Allah.

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Yohanes 1:46

Pei i Natanael manganto’o, “Gete, bara si’ansa yako ri kota Nasaret Ia! Apa tare anu to natulis nto pantuntu tuntu i mPue Allah tempo owi mangkonong tau to bae anggaNya to masuwu yako kota Nasaret!” Wali i Pilipus manganto’o, “Yaumo kita mangalo’a see korom maya mangkita Ia.”

Lukas 10:22

Wali yako etu i Yesu manganto’oka wo’u tau boros, Ia manganto’o, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo patanya tau to Aku rani mampaponsanika mangkonong Pa’angKu, ojo tau etu maya mangansani seja Ia.

Lukas 2:51

Wali yako etu i Yesu mangalulu sira dua yau muni lo’u kota Nasaret, pei sangkani mampalaika songka nsira. Pei indoNya taa mangkalingan palaong to mawali etu. Ia mandudu mampobuu-buuka mangkonong samparia to etu.

Lukas 2:39

Wali ojo karoonya i Yusup pasi i Maria mangika samparia to nato’oka mporenta i mPue sira mangika, sira mawolili muni lo’u lipu nsira, etu semo kota Nasaret ri propinsi Galilea.

Lukas 2:11

Apa seo si’i nja’u Betlehem, kota to nakaroo i Makole Daud tempo owi, rapoanakamo to Pansompo ngkomi. Ia i Kerisitu, Makole parajanji i mPue Allah, i Pue semo.

Lukas 2:4

Pasi i Yusup, to kasimpande i Maria, ia seja mayoko yako ri kota Nasaret nja’u propinsi Galilea. Ia yau ri kota Betlehem to nja’u propinsi Yudea. Wali naka pei i Yusup yau ri Betlehem apa ia samba’a wiyaa i Makole Daud to maroo nja’u ria tempo owi.

Matius 2:23

Wali ojo karata nsira sana ri Galilea etu, sira yau ri kota to rato’oka Nasaret pei maroo nja’u ria. Wali palaong etu mawali see tibanang gombo to nato’oka nto pantuntu tuntu i mPue Allah tempo owi mangkonong i Yesu, sira manganto’o, “Ia darato’oka To Nasaret.”

Yohanes 7:14

Wali ri tongonya roa etu, i Yesu yau ri banua i mPue Allah pei mula mampotunde tau nja’u tongonatanya.

Matius 26:55

Wali roo see i Yesu manganto’oka tau boros, to’oNya, “Maka pei komi mangangkeni wada pasi pampomobak ma’i damangansoko Aku? Wimba, komi mampobuuka Aku si’i bara tau to kara-kara? Gete, ponto-ponto eo Aku matunda mangampotundeka tau nja’u banua i mPue Allah, pasi komi nja’u seja tempo etu. Wali maka pei komi taa mangansoko Aku nja’u ria?

Yohanes 6:42

Sira manganto’o, “Tau si’i i Yesu, Ia ojo ana i Yusup semo! Kita mangansani pa’aNya pei indoNya wali manasa resi kita Ia tau biasa semo. Wali gete, maka pei Ia manganto’o yako ndate saruga kama’iNya?”

Yohanes 9:29

Kami mangansani i Pue Allah re’e magombo resi i Musa tempo owi. Pei ane ngkai etu, sakowa yako imbare kama’iNya kami taa mangansani.”