Yohanes 7:15 - Tuntu i mPue ri Basa Taa

¹⁵ Ojo pangandonge nto Yahudi gombo i Yesu mampotundeka tau etu, re’e sira to ipu rayanya mandonge gomboNya to pande kojo etu. Sira manganto’o, “Tau si’i tare maguru ri sekolah agama ngkita, wali yako imbare pangarataNya kapande to ewa wetu?”

Sura Magali Nuntu Ngkatuwu

¹⁵ Jingkimo raya waʼa ntadulako nto Yahudi natoʼo, “Ara wenu painaka loʼe gaga tau setu, ntanoka bereʼe sikolanya?”

Yohanes 7:15 Referans Kwoze

Lukas 4:22

Wali samparia tau to nja’u ria paka mangabarong i Yesu, pasi sira ipu rayanya mangandonge gomboNya to magaya kojo etu. Pei sira taa mangaya Ia to pantuntu tuntu i mPue Allah, sira mampobuuka Ia ojo tau biasa semo. See naka sira manganto’o samba’a pei samba’a, to’onya, “Gete, tau si’i ojo Ana i Yusup!”

Matius 13:54

dayau njo’u kota to karoonya tempo Ia dakodiwa sampe rata temponya Ia baemo. Ojo karataNya nja’u ria Ia yau ri banua to napampotunde nto Yahudi ri lipu etu, panewa Ia mula mampotundeka tau to ri raya banua etu. Wali tempo tau boros mangandonge gombo i Yesu etu, sira ipu kojo rayanya. Sira manganto’o, “Yako imbare pangarata ntau si’i kapande etu pasi yako imbare pangarataNya kuasa damangika palaong to taa rapobiasa?

Palaong mPomakau i mPue Yesu 26:24

Wali tongo-tongonya i Paulus magombo manganto’o notonya etu, i Pestus maroso loonya kaboo mansilempor gombonya. Ia manganto’o, “Gete, wando korom, Paulus! Korom boros kojo maguru, wali etu semo to mampakawando korom.”

Yohanes 7:46

Wali tau etu mangansono, sira manganto’o, “Kami taa mangansoko Ia apa kami re’e mangandonge anu to Napotundeka. Wali rataka ri tempo si’i, tawa re’e tau to manganto’o gombo to ewa wetu kagayanya!”

Lukas 2:47

Wali samparia tau to mangandonge gombo i Yesu etu, paka ipu kojo raya nsira apa pande kojo pasonoNya.

Matius 22:22

Wali ojo pangandonge nsira gombo i Yesu etu, sira ipu kojo rayanya. Wali sira yau muni mampiyaika Ia apa taa nakoto mangakal Ia see sala gomboNya.

Yohanes 1:19

Wali re’e seore kepala-kepala nto Yahudi to maroo ri Yerusalem, sira mampokau sawei mba’a to pampue pasi tau to wiyaa i Lewi yau resi i Yohanes to Pombaptis damampotanaka resi ia, “I sema kamonsonya korom? Bara i Kerisitu, Makole parajanji i mPue Allah?” Wali pomakau nsira etu yau mampago i Yohanes panewa mampotanaka resi ia ewa wetu. Tempo sira mampotanaka resi i Yohanes etu, ewa si’i pasononya.

Matius 22:33

Wali tempo tau boros mangandonge anu to napotundeka i Yesu sira etu, sira ipu kojo rayanya. Sira mampobuuka, “Gete, pande pu’u tau si’i!

Yohanes 7:11

Wali re’e to Yahudi to mangaliwu-liwu Ia nja’u tampa rapangika roa. Sira mampotanaka resi tau nja’u ria, to’onya, “Imbare ngkai etu?”

Yohanes 7:13

Ewa wetu naika nsira magombo mangkonong i Yesu, pei tare sira to magombo mangkonong Ia tempo boros tau mangandonge, apa sira meka bara danahuku ntau tu’a nto Yahudi apa tau tu’a etu, sira taa masanang ane tau boros magombo mangkonong i Yesu.

Palaong mPomakau i mPue Yesu 4:13

Wali kepala-kepala nto pampue pasi yunu nsira etu sira ipu rayanya mangkita i Petrus sira dua i Yohanes sira dua taa kojo meka mampotango sira. Naka pei ipu raya nsira mangkita apa sira nansani tau dua etu ojo tau biasa, taa malangan sekolanya. Panewa sira mangendo tau dua etu re’e mangalulu i Yesu seore.