Yohanes 6:70 - Tuntu i mPue ri Basa Taa

⁷⁰ Wali i Yesu manganto’oka kami, “Aku semo to nangampilis komi sampuyu pei dua. Pei nempo ewa see, re’e samba’a yako ri oyo ngkomi to mawali joa i ngKepala nto pantipu semo.”

Sura Magali Nuntu Ngkatuwu

⁷⁰ Mesono i Yesu, “Ara banya Yaku anu mampilisi komi sampuyu pai radua seʼi? Paikanya lau sambaʼa ri oyomi inceʼemo inosa majaʼa!”

Yohanes 6:70 Referans Kwoze

Yohanes 13:27

Pei ojo pangoko i Yudas roti etu, i Kepala Measa mamposuak ia. Wali i Yesu manganto’oka i Yudas, “Intamo nakajoli pei ika palaong to danuika etu.” Ewa wetu nato’oka i Yesu i Yudas.

Yohanes 13:2

Wali yau wengi i Yesu pasi kami to anaguruNya mangkoni. Pasi i Kepala nto pantipu roomo mangawaika i Yudas Iskariot, ana i nSimon, pampobuuka see ia mansongka damamposora yau i Yesu.

Yohanes 17:12

Tempo Aku tiroowa siwaka pei sira ri lino si’i, tempo etu Aku semo to mangararamaka sira mangampake kuasa to nuwaika ngKomi Aku. Wali sira to Aku mangararamaka etu, tare to rapakaja’aka yau kasimbalinya yako samba’a tau to taa maya taa darapakaja’aka yau. Wali palaong etu mangabanang gombo to ratulis ri raya ntuntu ngKomi.

Yohanes 13:18

Wali gombo to Aku damanganto’o si’i si’a mangkonong komi samparia, apa Aku mangansani raya ngkomi to Aku room mangampilis. Wali Aku Kunsani re’e samba’a komi to damamposora yau Aku. Palaong etu damangabanang gombongKu to ratulis yami ri raya ntuntu i mPue Allah tempo owi. Gombo etu manganto’o, ‘Tau to mangkoni sindara-ndara pei Aku, tau etu roomo mawali yau balingKu.’ (Masmur 41:9) Etu semo gombongKu to ratulis yami ri raya ntuntu i mPue Allah tempo owi etu.

Yohanes 6:64

Pei taa samparia komi to damangarata katuwu etu apa re’e tau ri oyo ngkomi to taa mangaya Aku.” Wali naka pei i Yesu manganto’o gombo etu, apa yako ri pamulanya Ia mangansani yami to imba sira to taa mangaya Ia pasi to imba sira to damamposora yau Ia resi baliNya.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.

1 Timotius 3:11

Wali ewa see seja rongo ntau to mawali diaken. Sira seja tau to masipato na’angga nsa’e, pasi si’a tau to bawiwi. Pei sira mangajagai koronya ngkalio pasi sira nempo kesaa palaong to nikanya, sira maya rasarumakaka.

Palaong mPomakau i mPue Yesu 1:17

I Yudas etu ia seja yunu ngkita seore pasi ia seja rapilis mangika palaong sindara-ndara pei kita.”

Yohanes 15:19

Ane rapanya komi samba’a pampobuuka pei to lino to taa mangaya etu, ane ewa see sira damamporayang komi apa komi yunu nsira. Pei komi taa samba’a pampobuuka pei sira. Aku room mangampilis komi pei mangaga’a komi yako resi sira, see naka sira maja’a nakita komi.

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

Yohanes 13:21

Wali ojo karoonya i Yesu manganto’o gombo etu Ia mawali masusa kojo rayaNya. Pasi Ia mampaponsanika kami to anaguruNya, Ia manganto’o, “Aku manganto’oka komi, monso pu’u re’e samba’a komi to damamposora yau Aku resi balingKu.”

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Titus 2:3

Panewa patundeka seja tau we’a to tu’amo see lengko nsira masipato ewa lengko ntau to ojo i Pue Allah Puenya. Taa matao ane sira bawiwi pasi taa seja matao ane banginu. Pei pamporani i mPue Allah sira mampotundeka seja tau to yusa anu to matao.

Palaong mPomakau i mPue Yesu 13:10

Ia manganto’o, “O korom to pantipu pasi to pangakal, korom ana i ngKepala nto pantipu, pasi korom mangewa samparia to matao. Maka pei korom tare pandoonya rani mangawali yau anu to monso to nato’o i mPue see damawali yau wuti?

Yohanes 2:2

pasi nja’u seja i Yesu pasi kami to anaguruNya apa kami radinsi seja yau mantako.

Yohanes 6:67

See naka i Yesu mampotanaka resi kami to anaguruNya to sampuyu pei dua, Ia manganto’o, “Wimba komi bara rani seja mampiyaika Aku?”

Yohanes 6:71

Wali tempo i Yesu manganto’o gombo etu, Ia magombo mangkonong i Yudas, ana i nSimon Iskariot. Apa i Yudas ia samba’a kami to anaguru i Yesu to sampuyu pei dua, pei nempo ewa see ia tiroo damamposora yau i Yesu resi baliNya.

Yohanes 20:24

Wali tempo i Yesu rata resi kami to anaguruNya etu, tempo etu tare i Tomas to rato’oka seja Tau Api. I Tomas etu ia seja samba’a kami to anaguru i Yesu to sampuyu pei dua.