Yohanes 6:55 - Tuntu i mPue ri Basa Taa

⁵⁵ Apa korongKu pasi raangKu tempo Aku mangkapateka komi, korongKu pasi raangKu etu mampakaroso tonii ngkomi. Wali anu to mampakaroso tonii ngkomi, anu to etu semo to bae wo’u batuanginya pei pangkoni pasi anu to rainu to mampakaroso koro ngkomi.

Sura Magali Nuntu Ngkatuwu

⁵⁵ Sanga-Ku pangkoni anu monco pai daa-Ku panginu anu monco.

Yohanes 6:55 Referans Kwoze

Yohanes 15:1

Wali yako etu tempo kami malinja, i Yesu manganto’oka wo’u kami to anaguruNya, Ia manganto’o, “Aku semo raporapaka ewa pu’u nu anggur to maya rasarumaka. Pasi Pa’angKu semo to raporapaka ewa to panawu to mampasilonga anggur etu.

Yohanes 8:31

Wali i Yesu manganto’oka to Yahudi to mula mangaya Ia, to’oNya, “Ane komi mangkongko kojo anu to Aku mampotundeka komi, komi monso pu’u anagurungKu.

Yohanes 8:36

Pasi ane ana ntau pue banua, ia re’e kuasa mangalapa muni tau to rapowatua see sira tamo mawali watua. Wali ewa see seja Aku. Aku Ana i mPue Allah, wali Aku re’e kuasa mangalapa komi to watua nu dosa. Wali ane Aku semo to mangalapa komi yako ri kuasa nu dosa, komi monso pu’u ralapa, si’amo watua nu dosa.

Yohanes 6:32

Wali i Yesu manganto’oka sira, “Aku manganto’oka komi, monso pu’u si’a i Musa to mangawaika sira pangkoni to yako ndate saruga, Pa’angKu semo. Pei pasiwa pangkoni to Ia mangawaika sira tempo owi etu, si’awa pangkoni to monso. Tempo si’i semo Pa’angKu mangawaika komi pangkoni to monso to yako ndate saruga.

Yohanes 1:9

Wali i Reme to napakarebaka i Yohanes etu, Ia Reme to monso to ma’i ri lino si’i. I Reme etu ma’i damampaponsanika samparia tau mangkonong jaya i mPue Allah ewa naika mpansona mampakaremeka tau jaya ri raya mburi.

Ibrani 8:2

Pasi Ia to pampue to mapalaong nja’u raya nsongi to mapasing kojo to ndate saruga pasi ri raya ntenda i mPue Allah to nawangu i mPue Allah, si’a to nawangu nto lino. Wali tenda to nawangu i mPue Allah, etu semo tenda to uyunya kojo re’e.

Yohanes 1:47

Wali sira dua yau mangampago i Yesu. Tempo i Yesu mangkita i Natanael ma’i, Ia manganto’o mangkonong i Natanael etu, to’oNya, “Lo’aja tau etu. Ia tau to mangika lengko ngkatuwu to masipato naika nto Israel. Ia tare kojo mangantipu sa’e.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

Yohanes 6:54

Pei tau to mangkoni korongKu pasi manginu raangKu, tau etu re’emo katuwu to singkasaenya. Pasi ane rata ri kapuranya temponya to si’i, Aku damangawangu muni tau etu yako ri kapatenya.

Yohanes 6:56

Wali tau to mangkoni korongKu pasi manginu raangKu, tau etu maroo masingkatao pei Aku pasi Aku maroo masingkatao pei ia.