Yohanes 5:45 - Tuntu i mPue ri Basa Taa

⁴⁵ Pei nempo ewa see, ne’e mampobuuka Aku semo to damanganto’oka Pa’angKu mangkonong sala ngkomi. Anu to damampakanasa sala ngkomi, etu semo anu to natulis i Musa tempo owi. Wali komi mansarumaka komi darapalaes ane mangalulu anu to natulis i Musa etu. Pei kamonsonya komi taa mangaya to itulisinya.

Sura Magali Nuntu Ngkatuwu

⁴⁵ Neʼe ndisarumaka Yaku da mampetisala komi ri suara i mPapa. Ntanoka anu da mampetisala komi inceʼemo i Musa, siʼa anu ndipomata-mata setu.

Yohanes 5:45 Referans Kwoze

Galatia 3:10

Pei ane rapanya kita mangarata kasanang etu apa saba mangalulu porenta i Musa, ane ewa see si’a pangaya to pu’unya. Palaong ngkita mangalulu porenta etu semo pu’unya. Apa re’e ratulis ri raya ntuntu i mPue Allah, manganto’o, “Ojo tau to mangalulu kojo samparia to nato’o mporenta i Musa, ojo tau etu damangarata katuwu apa saba mangalulu porenta etu.” (Imamat 18:5) Etu semo to nato’o ntuntu i mPue Allah. Pei manasa kojo tare tau to nato’o i mPue Allah tare dosanya ane ojo saba ia mangalulu porenta i Musa. Tau rato’o tare dosanya saba yako pangayanya semo. Apa re’e seja ratulis ri raya ntuntu i mPue Allah, manganto’o, “Tau to nato’o i mPue Allah tare dosanya, tau etu damangarata katuwu apa saba pangayanya.” (Habakuk 2:4) Etu semo to nato’o ntuntu i mPue Allah. Wali samparia tau to rani nato’o i mPue Allah tare dosanya apa saba sira mangalulu porenta i Musa, tau etu natanaa i mPue Allah apa sira taa nakurang mangalulu samparianya. Apa re’e to ratulis ri raya ntuntu i mPue Allah to manganto’o, “I sema-sema tau to taa mangalulu kojo samparia porenta to ratulis ri raya mporenta i Musa, tau etu natanaa yau i mPue Allah.” (Ulang 27:26) Etu semo to ratulis ri raya ntuntu i mPue Allah.

Roma 2:12

Wali tau to si’a to Yahudi, sira taa nansani porenta i Musa. Wali ane sira mangika dosa, i Pue Allah taa damangabotus sira pei manganto’o, “Komi taa mampalaika porenta i Musa.” Ia damanganto’oka sira, “Komi re’e mangika dosa see naka komi damate.” Pei to Yahudi, sira nansani porenta i Musa wali ane sira mangika dosa i Pue Allah damangabotus sira, Ia damanganto’o, “Komi taa mampalaika porenta i Musa.” Panewa to Yahudi etu sira damangarata seja huku.

Yohanes 7:19

Komi mangansani i Musa semo to nangawaika komi porenta, pei tare pasi samba’a komi to mangalulu kojo porenta etu. Manasa resi Aku komi taa mangalulu porenta i Musa apa porenta etu manganto’o, ‘Ne’e mampopate sa’e,’ pei komi rani mampopate yau Aku!”

Yohanes 8:9

Wali ojo pangandonge ntau to mangkeni tau we’a gombo to nato’o i Yesu etu, sira mangansani monso pu’u sira paka madosa. Wali see naka sira miyai samba’a pei samba’a, mula yako ri tau to tu’anginya rataka sira samparia miyai yau. Yako etu jamo i Yesu sira dua tau we’a to nja’uwa nja’u ria.

Lukas 16:29

“Pei i Abraham mangansono, ‘Sira re’e buku to natulis i Musa pasi to pantuntu tuntu i mPue Allah tempo owi. To tao-tao sira mangalulu to ratulis etu.’

Yohanes 12:48

Pei tau to mampobo’o Aku pasi to taa mampodongeka gombongKu, re’e kojo anu to damampakanasa tau etu masipato rahuku. Anu to mampakanasa etu, etu semo gombo to Aku roomo manganto’o. Apa ane temponya i Pue mosumo darata, tempo etu tau to mampobo’o Aku ia darahuku singkonong pei gombo to Aku roomo manganto’o etu.