Yohanes 5:37 - Tuntu i mPue ri Basa Taa

³⁷ “Pasi re’e wo’u to mawali matamanasa mangkonong Aku. Etu semo Pa’angKu, to nampokau Aku. Pei komi taware mampodongeka gomboNya, pasi tawa seja re’e mangangkita ewa wimba ta’aNya.

Sura Magali Nuntu Ngkatuwu

³⁷ Pai i Papa anu mampokau Yaku woʼu mawai poncabi kakononya Yaku. Komi bareʼepa reʼe ndipadonge oni nganga-A bara mangkita taʼa-A.

Yohanes 5:37 Referans Kwoze

Yohanes 8:18

Wali Kami dua to mawali matamanasa. Apa Aku mawali matamanasa mangkonong korongKu, pasi Pa’angKu to nampokau Aku, Ia semo matamanasa to kadua mangkonong Aku. Wali see naka gombongKu etu masipato nuaya ngkomi.”

Yohanes 1:18

Wali kamonsonya tare pasi samba’a to lino to re’e mangkita i Pue Allah. Pei AnaNya to samba’aja, Ia semo to mampaponsanika kita mangkonong i Pue Allah, apa Ia Allah seja pasi Ia samba’a pei Pa’aNya.

1 Timotius 1:17

I Pue Allah Ia Makole to singkasaenya, pasi Ia taa damate, pasi taa rakita. Ojo Ia semo i Pue Allah, pu’u ngkapande. Wali anu kita manga’angga pasi mangabarong Ia rataka ri singkasaenya. Amin.

1 Timotius 6:16

Apa ojo patanya i Pue Allah semo to tare kapateNya, pasi Ia maroo ri raya ngkareme to taa maya napomosuk ntau. Wali tare pasi samba’a tau to re’e mangkita i Pue Allah, pasi taa seja re’e tau to nakurang mangkita Ia. Wali pakabae Ia pei patimonso kuasaNya anu to singkasaenya. Amin.

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

1 Yohanes 4:20

Wali anu kita mamporayang pua’i ngkita to samba’a pangaya. Apa ane re'e tau to manganto'o, "Aku kuporayang i Pue Allah," pei tau etu maja'a nakita a'inya to samba'a pangaya, ane ewa see gombonya etu palaku. Apa ane ia taa mamporayang a'inya etu to roomo nakita nu matanya, batuanginya ia taa seja nakurang mamporayang i Pue Allah to taa nakita nu matanya etu.

1 Yohanes 4:12

Kamonsonya tawa re'e tau to mangkita i Pue Allah. Pei ane kita masiporayang, re'e i Pue Allah maroo ri raya ngkita. Wali yako pamporayang ngkita etu, see naka tau mangangkita ewa wimba i Pue Allah. Pasi ane kita masiporayang, batuanginya pamporayang i mPue Allah mawali masilonga ri raya ngkatuwu ngkita.

Yohanes 14:9

Pei i Yesu manganto’oka ia, “O Pilipus, Aku masaemo siwaka pei komi. Wimba, korom bara tawa mangansani i sema kamonsonya Aku? Maka pei korom manganto’o, ‘Papokitaka kami Pa’aMu?’ Apa tau to roomo mangkita Aku, tau etu ewa room seja mangkita Pa’angKu.

Yohanes 6:27

Wali komi madota mangampali pangkoni, pei ne’e pangkoni to taa masae maja’am to mawali bae batuanginya resi komi. Kasimbalinya yako etu, to tao-tao pangkoni to taa damaja’a yau to mawali bae kojo batuanginya resi komi. Etu semo anu to raporapaka ewa pangkoni to mangawai katuwu to singkasaenya. Wali Aku, Wiyaa nto Lino, damangawaika komi pangkoni to etu. Aku re’e kuasa mangika palaong to etu apa i Pue Allah, Pa’a, Ia roomo mampakanasa Ia semo to mampokau Aku.” Etu semo pasono i Yesu.

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

Posuwunya 20:19

Sira manganto’oka i Musa, “Komi semo mampogomboka kami pei kami damampodongeka. Pei ne’e i Pue Allah to mampogomboka kami apa ane Ia mampogomboka kami, ane ewa see kami damate!” Etu semo to nato’oka ntau Israel i Musa.

Yohanes 15:24

Pasi ane rapanya Aku tare mangika palaong ri oyo nsira to taa nakoto ntau to yusa mangika, ane ewa see sira taa madosa nempo mampobo’o Aku. Pei sira mangkita kojo palaong to inikangKu etu, pei sira tiroo maja’a nakita Aku pasi Pa’angKu. Wali monso pu’u sira madosa.

Markus 1:11

Pasi tempo etu re’e radonge loo yako ndate saruga, loo etu manganto’o, “Korom semo anangKu anu Kuporayang kojo. Aku masanang kojo resi Korom.”

Lukas 3:22

pasi i Nosa Mapasing yako ndate yangi ewa tagou ta’aNya tudu ri wawoNya. Pasi re’e seja loo yako ndate saruga, loo etu manganto’oka i Yesu, to’oNya, “Komi semo AnangKu anu Kuporayang kojo. Aku masanang kojo resi Komi.”

Lukas 24:27

Wali roo see i Yesu mampotundeka sira dua. Ia mula ri buku to natulis i Musa pasi samparia buku to natulis nto pantuntu tuntu i mPue Allah tempo owi. Wali Ia mangampake samparia tuntu i mPue Allah to ratulis etu mangampakanasaka resi sira dua anu to ratulis mangkonong koroNya. Wali sira ndende rayanya mangandonge anu to napotundeka i Yesu sira etu.

Yohanes 5:32

Pei Pa’angKu seja mawali matamanasa mangkonong Aku. Ia seja manganto’o Aku AnaNya, pasi Aku kunsani monso pu’u gombo to ito’oNya mangkonong Aku etu.”

1 Yohanes 5:9

Wali ane re'e yunu ngkita to lino to mawali matamanasa mangkonong palaong to mawali, kita mangaya gombo ntau etu. Pei i Pue Allah semo to mawali matamanasa to manganto'oka kita mangkonong i Pue Yesu Ia semo AnaNya. Wali masipato kojo kita mangaya gomboNya etu apa Ia semo matamanasa to monso-monso wo'u pei matamanasa to lino.