Yohanes 5:3 - Tuntu i mPue ri Basa Taa

³ Wali boros tau to masaki to maturu-turu ri raya ngkandepe ri wii nu limbo etu. Tau etu re’e to buta pasi re’e to sampungku pasi re’e seja to malulu koronya. (Naka pei sira maturu-turu nja’u ria apa mangampeas ue nu limbo etu dakanjempi.

Sura Magali Nuntu Ngkatuwu

³ Ri waʼa ntambale setumo poturu-turu waʼa ntau majuʼa; reʼe tau buta, reʼe tau dingge pai reʼe tau pungku. [Tau seʼe pura-pura mampepetaʼa da poleke ue limbo setu.

Yohanes 5:3 Referans Kwoze

Lukas 7:22

Wali Ia mangansono pampotanaka nu anaguru i Yohanes etu, Ia manganto’o, “Pawolili muni pei pakarebaka resi i Yohanes gombo to nudonge ngkomi pasi palaong to nukita ngkomi. To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Matius 15:30

Wali boros kojo tau to ma’i mangampago Ia. Tau boros etu mangkenika Ia tau to sampungku, tau to buta, tau to malulu koronya, tau to bea, pasi boros tau to yusa to masaki. Wali rata resi i Yesu sira mangampoduli tau masaki etu ri tango mbitinya, panewa i Yesu mampakatao muni sira.

Yakobus 5:7

Wali a’i-a’i, pakabae sabara ngkomi mangampeas tempo danakama’i i mPue. Rapanya ewa to panawu. Apa to panawu ane roomo mamuya mansabaraka mangampeas temponya rapomota. Ia mansabaraka mangampeas tempo uja to uyunya to mampakatuwu pae, pasi mangampeas wo’u tempo uja to tondong mpae etu mosumo matasa.

Roma 8:25

Pei ane kita mansarumaka kita damangarata anu to tawa re’e resi kita, ane ewa see kita mansabaraka mangampeas.

Matius 4:24

Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.

Yohanes 5:2

Wali nda’a Yerusalem etu re’e samba’a wombo ngkota to mananya napake ntau mampaposua dombanya. Pasi ri awe mbombo etu, re’e samba’a limbo. Limbo etu ane ri raya basa Ibrani rato’oka Betesda. Pasi ri wii nu limbo etu re’e lima kandepe.

Yohanes 5:4

Apa matempo-tempo ma’i pomakau i mPue Allah yako ndate saruga ma’i manganjempika ue nu limbo etu. Pasi tempo ue kanjempi-njempi etu, tempo etu tau to masaki to siromu nja’u ria, sira paka mangampago damasua ri raya nue etu. Apa tau to uyunya masua, nempo panyaki kesaa to re’e resi ia, ia mansaka matao muni.)