Yohanes 5:23 - Tuntu i mPue ri Basa Taa

²³ Naka pei Ia mangika ewa wetu see samparia tau damanga’angga Aku to AnaNya, ewa naika nsira manga’angga Ia to Pa’angKu. Wali tau to taa manga’angga Aku to AnaNya, tau etu taa seja manga’angga Pa’angKu to nampokau Aku etu.

Sura Magali Nuntu Ngkatuwu

²³ I Papa mampowia ewancetu da naka pura-pura tau mantubunaka i Ana, da ewa pantubunaka ntau seʼe i Papa. Tau anu bareʼe mantubunaka i Ana, bareʼe woʼu mantubunaka i Papa anu mampokau i Ana.

Yohanes 5:23 Referans Kwoze

1 Yohanes 2:23

Apa tau to mampobo'o AnaNya etu, tau etu taa seja re'e i Pue Allah, Pa'aNya, resi ia. Pei tau to mampatimonso AnaNya etu, tau etu re'e seja i Pue Allah, Pa'aNya, resi ia. Wali komi damanasa tau mawuti etu apa i Nosa Mapasing to re’e resi komi, Ia mampakanasaka komi see naka komi mangansani anu to monso.

Lukas 10:16

Wali ojo karoonya i Yesu manganto’o gombo etu, Ia manganto’oka wo’u pomakauNya to pitu mpuyu pei dua mba’a, Ia manganto’o, “I sema tau to mampodongeka komi, batuanginya tau etu mampodongeka Aku. Pei tau to mampobo’o komi, batuanginya tau etu mampobo’o Aku. Pasi tau to mampobo’o Aku, batuanginya Ia mampobo’o seja Pa’angKu to nampokau Aku.” Wali tempo i Yesu roomo manganto’oka pomakauNya gombo etu, sira yau mangika palaong to nato’oka i Yesu sira mangika.

2 Yohanes 1:9

Wali ne’e kojo mangaluluka yau to pantipu etu. Apa bara i sema tau to taa mangkongko anu to roomo napotundeka i ngKerisitu, pei mangaliunaka, tau etu tare i Pue Allah maroo ri rayanya. Pei i sema to mangkongko anu to napotundeka i ngKerisitu, tau etu re'e i Pue Allah, Pa'a, pasi AnaNya seja maroo ri rayanya.

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

Ibrani 1:6

Pasi re’e wo’u to nato’o i mPue Allah, etu semo tempo i Pue Allah mampokau AnaNya to tu’anginya ma’i ri lino, tempo etu Ia manganto’oka pomakauNya, “Samparia komi taa maya taa mampue mampakabae AnangKu etu.” (Ulang 32:43, LXX)

Epesus 6:24

Pasi aku mamporapika resi i Pue Allah see Ia mampaponsanika kanotoNya resi samparia tau to tare kapuranya mamporayang i Yesu Kerisitu, Pue ngkita. Wali ungkanyamo ruyu gombongku si’i.

2 Petrus 3:18

Pei to tao-tao komi mampakakoroka mampodongeka tuntu i mPue Allah see kanjo’u-njo’u tiduga-dugang pangansani ngkomi mangkonong kanoto i Yesu Kerisitu, Pue ngkita pasi to Pansompo ngkita. Pasi kanjo’u-njo’u komi tiduga-dugang masinsani pei Ia. Wali anu kita mangabarong Ia mula yako tempo si’i rataka yau ri tempo to darata! Amin. Wali ungkanyamo gombongku si’i.

Roma 8:9

Pei a’i-a’i, komi tamo samba’a pei pampobuukamu to masae, apa Nosa i mPue Allah re’emo maroo-roo ri raya ngkomi. Wali komi samba’a pei Nosa i mPue Allah etu. Pei i sema tau to tare Nosa i ngKerisitu maroo ri rayanya, tau etu si’a i Kerisitu Puenya.

1 Korintus 10:31

Pei aku manganto’oka komi, nempo kesaa to naika ngkita, bara mangkoni bara manginu, anu kita mangika samparianya etu paka i Pue Allah darabarong.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

Yohanes 16:14

Wali Ia damampakabae Aku, apa anu to Ia damamporata resi komi, anu to etu Ia mangantima yako resi Aku.

1 Korintus 6:19

Wali wimba komi bara room mangkalingan yau anu to rapotundeka komi seore? Etu semo to manganto’o, “Koro ngkomi mawali banua i Nosa Mapasing. Ia re’e resi komi apa nawaika i mPue Allah komi.” Wali Ia semo Pue ngkomi, si’amo komi ngkalio puenya

Matius 12:21

Pasi Ia semo to danasarumaka ntau to si’a to Yahudi.” (Yesaya 42:1-4) Etu semo gombo i mPue Allah to natulis i Yesaya tempo owi mangkonong i Yesu.

2 Timotius 1:12

Pasi apa saba palaong to inikangku etu see naka aku mangarata kasesa to ratangku si’i. Pei nempo ewa see, aku taa mea, apa aku kunsani Ia to aku mansarumaka. Pasi aku kuaya kojo Ia re’e kuasa mangajagai samparia anu to room aku mansarumakaka resi Ia sampe rata eonya darapangabotus to lino.

2 Korintus 13:14

Pasi aku makai-kai see kanoto i mPue Yesu Kerisitu, pasi pamporayang i mPue Allah, pasi kasingkatao to nawai i Nosa Mapasing dare’e resi komi samparia. Ungkanyamo ruyu gombongku si’i.

2 Korintus 5:19

See naka kami manganto’oka samparia tau, “I Pue Allah mangawali raya nto lino see maya masingkatao pei Ia apa saba to naika i ngKerisitu. Pasi Ia tamo mangkitanaka sala ntau to masingkatao pei Ia etu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.” Etu semo kareba to nasarumakaka i mPue Allah kami.

2 Korintus 1:9

apa kami mangepe ewa roomo rahuku mate. Pei sabanya naka pei mawali ewa wetu resi kami, see kami taa damansarumaka karoso mami. Kami ojo mansarumaka i Pue Allah anu mangawangu muni tau yako ri kapatenya.

1 Korintus 1:3

Wali kami makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

Yohanes 14:1

Wali yako etu i Yesu manganto’oka wo’u kami to anaguruNya, Ia manganto’oka kami, “Ne’e moru-moru raya ngkomi mangampobuuka Aku mampiyaika komi. Komi mansarumaka i Pue Allah, wali sarumaka seja Aku.

Matius 10:37

“Wali ane pamporayangi ntau resi pa’anya pei indonya to bae-bae pei pamporayanginya resi Aku, ane ewa see tau etu taa masipato mawali Aku puenya. Pasi ane pamporayangi ntau resi ananya to langkai bara ananya to we’a to bae-bae pei pamporayanginya resi Aku, ane ewa see tau etu taa seja masipato mawali Aku puenya.

2 Korintus 5:14

Saba pamporayang i ngKerisitu semo to mampakakoro raya mami mangika palaong to si Ia, apa kami masanang mampobuuka pamporayanginya etu resi kita. Apa kami mangaya kojo i Kerisitu, ojo Ia semo to namate mangkapateka samparia tau. Wali see naka samparia kita to mangaya Ia paka rato’oka ewa mate seja.

1 Korintus 16:22

Wali i sema-sema to taa mamporayang i Pue Yesu Kerisitu, biakamo i Pue Allah mantanaa yau ia. O Pue, ma’imo!

Roma 15:12

Pasi re’e wo’u to natulis i Yesaya, to’onya, “Yako ri wiyaa i Isai damasuwu samba’a tau to damangkuasang tau to si’a to Yahudi. Ia semo to danasarumaka nsira.” (Yesaya 11:10) Etu semo gombo to ratulis tempo owi.

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

Yohanes 17:10

Wali samparia tau to Aku puenya, Komi seja puenya. Pasi samparia tau to Komi puenya, Aku seja puenya. Pasi apa saba lengko ngkatuwu nsira see naka tau to yusa mangansani Aku masipato rapakabae.

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

2 Petrus 1:1

Sura si’i yako resi aku, i Simon Petrus. Aku to papolaong i Yesu Kerisitu pasi pomakauNya seja. Wali aku mangantulisika komi to yunu mami to mangaya seja anu to monso mangkonong i Yesu Kerisitu. I Yesu Kerisitu, Ia semo Allah ngkita pasi to Pansompo ngkita. Pasi Ia sangkani mangika anu to singkonong pei i Pue Allah. Wali see naka kita mangaya Ia. Pasi pangaya ngkomi resi Ia etu sewaju ewa pangaya mami to bae kojo batuanginya resi kami.

Matius 15:8

‘Tau si’i mampoanika mampue mampakabae Aku, pei kamonsonya sira mampakabae Aku ojo ri nganganya, pei rayanya longko yako resi Aku.