Yohanes 5:18 - Tuntu i mPue ri Basa Taa

¹⁸ Wali ojo pangandonge nto Yahudi etu gombo i Yesu, sira maja’a kojo rayanya see naka mapari wo’u naika mangaliwu jaya damampopate yau Ia. Naka pei sira rani mampopate yau Ia apa sira mampobuuka Ia mangewa porenta nu agama nsira mangkonong Eo Rapandoo. Pei si’a ojo etu sabanya naka pei sira rani mampopate yau Ia. Sira rani seja mampopate yau Ia apa saba Ia re’e manganto’o i Pue Allah semo Pa’aNya, wali ane ewa see Ia mampoanika sewaju anggaNya pei i Pue Allah.

Sura Magali Nuntu Ngkatuwu

¹⁸ Waʼa mpau-A setu marangani woʼu kajaʼa ndaya waʼa nto Yahudi anu makuasa, painaka napepali ntau seʼe jaya da mampepate Sira. Powia ntau seʼe setu, banya podo ua palewa-A songka agama kono eo Umapo, paikanya ua pantoʼo-A i Pue Ala setu Papa-A; inceʼe posokinya sia mampasiwia koronya pai Pue Ala.

Yohanes 5:18 Referans Kwoze

Yohanes 10:33

Wali to Yahudi etu mangansono, “Si’a apa saba palaong to matao etu naka pei kami damangantasoka Korom watu. Pei apa saba Korom manto’o maja’a i Pue Allah. Apa Korom ojo to lino, pei Korom mampoanika i Pue Allah!”

Yohanes 10:30

Wali Aku pasi Pa’angKu, Kami samba’aja.” Etu semo pasono i Yesu.

Yohanes 19:7

Wali to Yahudi etu mangansono, sira manganto’o, “Kami rani Ia rapopate yau apa Ia mampoanika Ana i mPue Allah. Wali ane ewa porenta mami tau ane manganto’o gombo etu, masipato ia rahuku mate!”

Yohanes 8:58

Panewa i Yesu manganto’oka sira, “Aku manganto’oka komi, monso pu’u re’e katawanya kare’e i Abraham, Aku re’emo!”

Yohanes 14:23

Wali i Yesu mangansono, Ia manganto’o, “Ane tau mamporayang Aku, ia damampalaika gombongKu. Wali Pa’angKu damamporayang ia, pasi Kami dama’i maroo resi tau etu.

Yohanes 5:23

Naka pei Ia mangika ewa wetu see samparia tau damanga’angga Aku to AnaNya, ewa naika nsira manga’angga Ia to Pa’angKu. Wali tau to taa manga’angga Aku to AnaNya, tau etu taa seja manga’angga Pa’angKu to nampokau Aku etu.

Pilipi 2:6

Apa Ia kamonsonya sewaju kojo pei i Pue Allah, pei Ia taa mampobuuka, “Aku bo’ongKu mampiyaika yau pangkangKu si’i.”.

Pangkita 22:3

Wali anu to natonaa i mPue Allah tamo re’e. Gadera i mPue Allah pasi gadera nu Ana Domba re’e ri raya ngkota etu, pasi to papolaongiNya mangika palaong mampue mampakabae Sira.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Yohanes 8:54

Wali i Yesu manganto’o, “Ane Aku manga’angga korongKu, tare batuanginya. Pei Pa’angKu, Ia semo to manga’angga Aku. Komi mampoanika Ia Allahmu,

Yohanes 7:19

Komi mangansani i Musa semo to nangawaika komi porenta, pei tare pasi samba’a komi to mangalulu kojo porenta etu. Manasa resi Aku komi taa mangalulu porenta i Musa apa porenta etu manganto’o, ‘Ne’e mampopate sa’e,’ pei komi rani mampopate yau Aku!”

Yohanes 7:1

Wali yako etu i Yesu mangalinjak propinsi Galilea. Ia tawa rani yau njo’u propinsi Yudea apa re’e to Yahudi nja’u ria to rani mampopate yau Ia.

Yohanes 5:16

See naka to kepala-kepala etu mula mampakasusa i Yesu pasi mangaliwu jaya damampopate yau Ia saba Ia nampakatao muni tau ri Eo Rapandoo.

Yohanes 14:9

Pei i Yesu manganto’oka ia, “O Pilipus, Aku masaemo siwaka pei komi. Wimba, korom bara tawa mangansani i sema kamonsonya Aku? Maka pei korom manganto’o, ‘Papokitaka kami Pa’aMu?’ Apa tau to roomo mangkita Aku, tau etu ewa room seja mangkita Pa’angKu.

Matius 12:5

Pasi si’i wo’u mangkonong to pampue. Wimba, komi bara tare mangabasa to ratulis ri raya mporenta i Musa mangkonong palaong nto pampue etu? Re’e ratulis manganto’o nempo Eo Rapandoo, to pampue tiroo mangika palaong nsira ri raya banua i mPue Allah, pei sira taa rato’oka sala.

Yohanes 1:19

Wali re’e seore kepala-kepala nto Yahudi to maroo ri Yerusalem, sira mampokau sawei mba’a to pampue pasi tau to wiyaa i Lewi yau resi i Yohanes to Pombaptis damampotanaka resi ia, “I sema kamonsonya korom? Bara i Kerisitu, Makole parajanji i mPue Allah?” Wali pomakau nsira etu yau mampago i Yohanes panewa mampotanaka resi ia ewa wetu. Tempo sira mampotanaka resi i Yohanes etu, ewa si’i pasononya.

Yohanes 5:15

Wali ngkai etu yau muni resi kepala-kepala nto Yahudi to roomo mampotanaka resi ia, “Tau to imba manganto’oka korom mangoko alimu pei palinja?” Rata resi sira ia mampaponsanika sira, to’onya, “I Yesu semo to nampakatao muni aku.”

Yohanes 5:17

Pei i Yesu manganto’oka sira, “I Pue Allah, Pa’angKu, tare pandooNya mangansawang tau nempo ri Eo Rapandoo pasi Aku ewa see seja.”