Yohanes 5:14 - Tuntu i mPue ri Basa Taa

¹⁴ Pei taa masae yako etu i Yesu yau njo’u banua i mPue Allah pei mangarata ngkai to rapakatao muni etu nja’u seja nja’u ria. Wali Ia manganto’oka ngkai etu, to’oNya, “Padongeka gombongKu! Korom matao muni si’i-si’i. Wali pandooka mangika dosa naka ne’e korom mangarata kasesa to mapari wo’u.”

Sura Magali Nuntu Ngkatuwu

¹⁴ Ripurinya momberata i Yesu pai tau setu ri Banua i mPue, nepa ndatoʼoka siʼa, “Seʼi-seʼi siko osamo. Neʼe nupowia woʼu salaa, da naka bareʼe nupomberataka woʼu anu meruu ngkajaʼanya.”

Yohanes 5:14 Referans Kwoze

Yohanes 8:11

Wali tau we’a etu manganto’o, “Tamore, Pa’a.” Panewa i Yesu manganto’o, “Aku seja taa mangahuku korom. Intamo pei ne’emo mangika dosa.” Ewa wetu gombo i Yesu resi tau we’a to masala etu.

Matius 12:45

Wali apa saba tau etu ewa banua to tare tau mangkaroos, see naka measa etu mamposuak muni tau etu pasi ia mangansale seja pitu yununya to ja’a-ja’a wo’u pei ia. Wali sira wayu to masua damaroo ri raya ntau etu. Wali tau to raposuak etu, katuwunya to purinya, etu semo to ja’a-ja’a pei katuwunya to tempo ruyu. Wali ewa see seja tau to maja’a to tuwu ri tempo si’i, nempo mula damajea, pei ane sira taa mangaya kareba yako resi i Pue Allah, sira raporapaka ewa banua to soa. Wali ane ewa see, kanjo’u-njo’u kapari-pari kaja’a nsira.”

Markus 2:5

Wali tempo i Yesu mangkita anu to naika nsira etu, Ia mangansani sira mansarumaka kojo Ia. Wali see naka Ia manganto’oka tau to malulu koronya, Ia manganto’o, “A’ingKu, dosamu roomo ralapas yau.”

Yohanes 5:5

Wali tempo i Yesu rata ri Yerusalem tempo roa etu, tempo etu re’e samba’a tau to togo mpuyu pei wayu nto’u kasaenya masaki. Wali ngkai etu ia maturu-turu seja nja’u wii nu limbo Betesda.

1 Petrus 4:3

Wali anu kita mangalulu pamporani to si Ia, si’a pamporani to si kita, apa tempo ruyu gana kojomo palaong to maja’a to nika ngkita. Palaong etu semo palaong to mangalulu pamporani ndaya ntau to taa mangaya i Pue. Apa tempo etu kita mangika lengko ngkatuwu to maja’a kojo. Kita mangika palaong to masipato rapokea, kita ojo mangaluluka yau pamporani ndayanta to maja’a, kita kayangu apa bae kojo manginu tule, kita mangika roa-roa to mawali palaong to masipato rapokea, pasi kita mawali marotai. Pasi kita mangika seja palaong to maja’a kojo nakita i mPue Allah, etu semo mampue resi tau-tau.

Yohanes 5:13

Pei tau to rapakatao muni etu ia taa nansani i sema tau to mampakatao muni ia, pasi ia taa maya mangansuduka sira i Yesu apa boros kojo tau nja’u ria pasi i Yesu roomo masuwu muni yako ri limbo masua ri oyo ntau boros. Ia leru naika ntau boros etu.