Yohanes 4:34 - Tuntu i mPue ri Basa Taa

³⁴ Pei batuanginya gombo i Yesu etu si’a mangkonong pangkoni to biasa, mangkonong palaongiNya semo. Ia mampakarebaka resi tau mangkonong songka i mPue Allah damampalaes sira mangampake Ia, Makole parajanji i mPue Allah. Wali tempo Ia mampakarebaka sira etu, palaong etu mawali ewa pangkoni resi Ia apa mampakaroso rayaNya. Wali Ia manganto’oka kami, “Anu to ewa pangkoni to mampakaroso rayangKu etu, etu semo mangalulu pamporani mPa’angKu to nampokau Aku, pasi mampakaroo palaong to Ia mansarumakaka resi Aku.”

Sura Magali Nuntu Ngkatuwu

³⁴ Nepa ndatoʼo i Yesu, “Pangkoni-Ku inceʼe mangawianaka pepokono anu mampokau Yaku, pai da mampatumumpu tetala anu ndapesarumakaka ri Yaku.

Yohanes 4:34 Referans Kwoze

Yohanes 6:38

Apa Aku ma’i yako ndate saruga si’a damangalulu pamporani ndaya to si Aku. Pei Aku ma’i damangalulu pamporani mPa’angKu to nampokau Aku.

Yohanes 5:30

“Wali Aku taa maya mangika bara kesaa ane ojo yako pamporani to si Aku. Tempo Aku mangabotus tau Aku mangika singkonong pei to nato’oka mPa’angKu Aku. Wali tempo Aku mangabotus tau etu, samparia to to’ongKu paka kono kojo pasi masipato rato’o, apa Aku taa rani mangalulu pamporani ndayangKu. Aku ojo rani mangalulu pamporani mPa’angKu to nampokau Aku etu.” Etu semo gombo i Yesu resi to Yahudi etu.

Yohanes 17:4

Wali ri lino si’i Aku sangkani mampolaika songka ngKomi pei mampakaroo palaong to nuwaika ngKomi Aku mangika. Wali yako palaong to inikangKu etu, Aku roomo mampakabae Komi.

Yohanes 19:30

Ojo karoonya i Yesu mangampipis ue nu anggur etu, Ia manganto’o, “Roomo rapakagana palaongingKu!” Roo see Ia madungku pei pura nosaNya.

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Yohanes 5:36

“Wali i Yohanes mawali matamanasa mangkonong i sema kamonsonya Aku. Pei rapanya nempo ia taa mawali matamanasangKu, taa mawei apa re’e to bae wo’u batuanginya pei gombo to nato’o i Yohanes etu to mampakanasa mangkonong Aku. Etu semo palaong to Aku mangika. Palaong etu nawaika mPa’angKu Aku damampakaroo, wali palaong etu semo mampakanasaka resi tau monso pu’u Pa’angKu nampokau Aku.

Yohanes 4:32

Pei i Yesu manganto’oka kami, “Aku re’e pangkoni to taa nunsani ngkomi.”

Lukas 19:10

Naka pei komi maya rapalaes apa Aku, Wiyaa nto Lino, Aku nama’i damangaliwu pasi damangampalaes tau ewa komi to tamo mangalulu jaya resi i Pue Allah, to raporapaka ewa tau pusa.”

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Lukas 15:10

Wali Aku manganto’oka komi, ewa see seja kandende ndaya mpomakau i mPue Allah ndate saruga tempo re’e samba’a tau madosa to majea.”

Palaong mPomakau i mPue Yesu 20:35

Wali samparia palaong to aku mangika etu mawali tondong resi komi, see komi mangansani seja ewa wimba raika mapalaong see mangansawang yunu ngkita to ri raya ngkasusa. Pobuuka kojo gombo i mPue Yesu to manganto’o, ‘To sanang-sanang mangansora sa’e sakowa tau to rasora.’”

Yohanes 6:33

Apa pangkoni to nawaika i mPue Allah, etu semo to ma’i yako ndate saruga pei to mangawai katuwu to singkasaenya resi to lino.”

Matius 3:15

Pei i Yesu mangansono, to’oNya, “Ikamo apa masipato kita mangabanang samparia anu to singkonong pei i Pue Allah.” Wali i Yohanes mampalaika gombo i Yesu pei mangabaptis Ia.

Lukas 2:49

Pei i Yesu manganto’oka tau tu’aNya, Ia manganto’o, “Maka pei komi dua mangaliwu Aku? Bara taa nunsani ngkomi Aku taa maya taa mangika palaong mPa’angKu ri raya banuaNya?”

Yohanes 8:29

Wali Pa’angKu to nampokau Aku, Ia sangkani siwaka pei Aku. Pasi Ia taa mampiyaika Aku apa Aku sangkani mangika palaong to mampakasanang Ia.”

Yohanes 19:28

Wali yako etu i Yesu mangansani samparia palaong to nawaika i mPue Allah Ia mangika roomo rapakagana. Wali see naka Ia manganto’o, “Aku mara ngangangKu.” Naka pei Ia manganto’o ewa wetu see darabanang gombo to ratulis yami ri raya ntuntu i mPue Allah.

Matius 9:19

Wali ojo pangandonge i Yesu gombo ntau etu, Ia makore pei yau mangalulu ia. Pasi anaguruNya yau seja.