Yohanes 3:7 - Tuntu i mPue ri Basa Taa

⁷ Wali ne’e ipu rayamu tempo Aku manganto’oka korom taa maya taa darapoanaka wo’u kadua ngkaninya damawali tau to bou.

Sura Magali Nuntu Ngkatuwu

⁷ Mewali, neʼe nupojingki ane Kutoʼo, komi pura-pura sangaya-ngaya da ndawali mpoana muni.

Yohanes 3:7 Referans Kwoze

Yohanes 3:3

Wali i Yesu manganto’oka ia, “Aku manganto’oka korom, monso pu’u tare tau to maya mawali tau to i Pue Allah Makolenya ane ia tawa rapoanaka wo’u kadua ngkaninya.”

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

Ibrani 12:14

Wali ri raya ngkatuwu ngkomi, pakadota tuwu masingkatao resi samparia tau, pasi pakadota mangika lengko to masipato naika ntau to i Pue Allah Puenya. Apa tau to taa mangika palaong to etu, tau etu taa damangansani ewa wimba kamonsonya i Pue.

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

Yohanes 3:12

Aku roomo manganto’oka komi mangkonong palaong to mawali ri lino si’i, pei komi taa mangaya gombongKu etu. Wali ane ewa see taa manto’o ane Aku manganto’oka komi mangkonong palaong to mawali ndate saruga!

Yohanes 5:28

“Wali ne’e ipu raya ngkomi mangandonge gombongKu etu, apa darata seja temponya samparia tau to matem paka damangandonge loongKu mampokio sira.

Yohanes 3:6

Apa anu to napoanaka nto lino, ojo to lino seja. Pei anu to rapoanaka saba yako kuasa i Nosa Mapasing, etu semo tau to bou to i Pue Allah puenya.

Yohanes 3:8

Apa nempo masuli ransani palaong to etu, si’a batuanginya taa mawali. Pobuuka ngoyu, apa ane ngoyu, tondo imbanjo ia rani damantawuis, njo’u ria semo napantawuis. Korom re’e mangandonge loonya pei korom taa mangkita yako imbare kama’i nu ngoyu etu bara imbanjo nakanjo’u. Wali ewa seja palaong i Nosa Mapasing tempo Ia mangika tau mawali tau to bou. Apa tau taa maya mangkita i Nosa Mapasing tempo Ia mangika palaong to etu.”