Yohanes 3:6 - Tuntu i mPue ri Basa Taa

⁶ Apa anu to napoanaka nto lino, ojo to lino seja. Pei anu to rapoanaka saba yako kuasa i Nosa Mapasing, etu semo tau to bou to i Pue Allah puenya.

Sura Magali Nuntu Ngkatuwu

⁶ Malulu katolino, tolino napoana ntau tuʼanya, paikanya malulu kaʼinosa, napoana Inosa mPue Ala.

Yohanes 3:6 Referans Kwoze

2 Korintus 5:17

Apa i sema-sema tau to samba’a pei i Kerisitu, tau etu mawali tau to bou. Wali tiliumo katuwunya to masae pasi ratamo katuwunya to bou. Wali ojo raya ntau to kami mangabotus, si’amo pangkanya.

1 Yohanes 3:9

Wali i sema-sema tau to nawaika i mPue Allah katuwu to bou, pasi to maroo masingkatao pei Ia, tau etu taa mangika dosa. Apa tau to maroo masingkatao pei Pa’anya, to pu’u ngkatuwu to bou etu, tau etu taa mangika dosa.

1 Korintus 6:17

Pei tau to mawali samba’a pei i Pue, tau etu mawali samba’a tonii pei Ia.

Roma 7:18

Apa aku kunsani ane ri rayangku, etu semo ri pampobuukangku to masae, tare pasi sangkodi to matao. Apa aku rani kojo mangika palaong to matao, pei aku taa kukurang.

Pomulanya 6:12

Wali i Pue Allah mangalo’a to lino, Ia mangkita monso-monso pu’u maja’a kojomo apa samparia to lino mangangika lengko ngkatuwu to maja’a.

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Epesus 2:3

Wali tempo kita tawa mangaya, tempo etu kita samparia sewaju pei tau to taa mampolaika i Pue Allah etu. Apa tempo etu kita seja ojo mangaluluka yau pampobuuka ngkita to masae. Pasi kesaa to mampakasanang koro ngkita pasi pampobuuka ngkita, etu semo to kita mangika. Wali tempo etu kita masipato nahuku i mPue Allah sewaju pei tau to yusa, apa saba lengko ngkita to maja’a etu.

Kolose 2:11

Wali apa saba komi samba'a pei i Kerisitu, see naka komi ralapa yako kuasa mpampobuuka to masae to sangkani rani mangika dosa. Komi maya raporapaka ewa tau rasui. Rasui etu si'a rasui to naika nto lino, pei komi ewa rasui ri raya ngkomi saba to naika i ngKerisitu tempo Ia mate ri kaju pasape.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Yohanes 1:13

Wali tau to mawali ana i mPue Allah etu, sira mawali anaNya si’a ewa pangampoana nto lino. Apa tau tempo rapoanaka ri lino, sira rapoanaka yako pamporani ndaya ntau tu’anya pasi yako songka mpa’anya. Pei tau mawali ana i mPue Allah yako kuasa i mPue Allah semo.

Roma 7:5

Tempo ruyu kita nakuasang mpampobuuka ngkita to masae. Wali apa saba porenta i Musa manganto’o, “Ne’e mangika palaong to maja’a,” see naka kita rani kojo mangewa. See naka tempo ruyu kita mangampake koro ngkita mangika lengko to madosa, to masipato rahuku mate.

Pomulanya 6:5

Wali i Pue Yawe mangkita bae kojo kaja’a nto lino apa samparia songka to yako ri pampobuuka nsira ojo maja’a semo, tare to matao.

Pomulanya 5:3

Wali yako etu, ojo kagananya i Adam satu pei togo mpuyu nto’u, tempo etu ia re’e ana to langkai. Ananya etu sewaju kojo ta’anya ewa lengke mpa’anya. Wali i Adam mangansangaka ananya etu i Set.

Yohanes 3:7

Wali ne’e ipu rayamu tempo Aku manganto’oka korom taa maya taa darapoanaka wo’u kadua ngkaninya damawali tau to bou.