Yohanes 3:35 - Tuntu i mPue ri Basa Taa

³⁵ I Pue Allah, Pa’a, Ia mamporayang AnaNya pasi Ia roomo mangawaika AnaNya mangkuasang samparia.

Sura Magali Nuntu Ngkatuwu

³⁵ Ua katowe ndaya mPapa ri Ana-A, painaka waʼa ngkuasa ndawaikamo siʼa.

Yohanes 3:35 Referans Kwoze

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.

Yohanes 5:22

Pasi ane Pa’angKu, si’a Ia to mangabotus tau, apa samparia palaong to etu Ia roomo mansarumakaka resi Aku to AnaNya.

Yohanes 5:20

Apa Pa’angKu mamporayang Aku, pei Ia mampapokitaka Aku samparia to inikaNya. Pasi Ia damampapokitaka resi Aku palaong to bae wo’u batuanginya pei palaong to roomo nukita ngkomi etu. Wali Aku damangika wo’u palaong to etu see naka komi daipu kojo rayamu mangkita.

Lukas 10:22

Wali yako etu i Yesu manganto’oka wo’u tau boros, Ia manganto’o, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo patanya tau to Aku rani mampaponsanika mangkonong Pa’angKu, ojo tau etu maya mangansani seja Ia.

Yohanes 17:2

Apa Komi roomo mangawaika Aku kuasa damangkuasang samparia to lino, see Aku maya mangawaika katuwu to singkasaenya resi samparia sira to Komi mansarumakaka resi Aku.

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

Epesus 1:22

Wali samparia anu to re’e, i Pue Allah mangawaika i Kerisitu mangkuasang. Pasi Ia to nawaika i mPue Allah kuasa etu, Ia semo to napilis i mPue Allah mangkapalang samparia kita to mangaya to rato’oka tauNya.

Yohanes 13:3

Pei i Yesu mangansani Ia ma’i yako resi i Pue Allah pasi Ia damawolili muni resi i Pue Allah. Pasi Ia mangansani Pa’aNya roomo mangawaika Ia kuasa mampasilonga samparia to mawali.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

1 Korintus 15:27

Palaong to etu singkonong kojo pei gombo to ratulis ri raya ntuntu i mPue Allah to manganto’o, “I Pue Allah re’e mangawaika i Kerisitu mangkuasang samparia anu to re’e.” (Masmur 8:7) Etu semo to ratulis ri raya ntuntu i mPue Allah. Wali manasa samparia anu to re’e danakuasang i ngKerisitu. Ojo i Pue Allah anu to mangawaika Ia mangkuasang samparia etu, ojo Ia semo to taa danakuasang i ngKerisitu.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Yohanes 17:26

Aku room mampaponsanika resi sira i sema kamonsonya Komi, pasi Aku tiroo damampaponsanika wo’u sira mangkonong Komi. Naka pei Aku damangika ewa wetu see sira damamporayang sa’e sewaju ewa Komi mamporayang Aku. Pasi Aku damampaponsanika wo’u sira mangkonong Komi see Aku maya maroo ri raya nsira.” Wali ewa wetu naika i Yesu mampokai-kaika tau to mangaya.

Yohanes 17:23

Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

Yohanes 15:9

“Wali ewa wimba Pa’angKu mamporayang Aku, ewa wetu seja Aku mamporayang komi. Wali pakasanang rayamu mampobuuka pamporayangingKu etu.

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

Yesaya 42:1

Wali i Pue Yawe manganto’o, “Lo’aja! Si’i semo to PapolaongingKu to ipakarosongKu apa Ia semo to Aku roomo mangampilis, pasi Aku masanang kojo resi Ia. Pasi Aku damamampokau NosangKu yau damaroo resi Ia. Wali NosangKu etu damangansawang Ia tempo Ia damangabotus samparia bansa ntau to si’a to Yahudi see Ia damangika to kono kojo pasi to masipato raika resi sira samparia.

Pomulanya 41:55

Wali kanjo’u-njo’u kapari-pari oro etu. Sambawo lino mapari kojo oro sampe ratamo temponya sakowa tau ri tana Mesir puramo seja pangkoni to re’e resi sira. Tempo etu sira yau mamporapi pangkoni resi i Makole. See naka i Makole manganto’oka sira, ia manganto’o, “Inta resi i Yusup, panewa kesaa to ito’okanya komi, ikam.” Wali tau Mesir etu yau mangampago i Yusup. Ojo karata nsira resi i Yusup, ia manguamo samparia konda to buke pangkoni etu panewa ia mampobalu pangkoni resi sira.

Pomulanya 41:44

Wali yako etu i Makole manganto’oka i Yusup, “Aku semo Makole, pei aku mangawaika korom mangkuasang tau ri tana si’i. Wali tare bara kesaa to maya naika nsira damangewa porenta ngkorom.” Etu semo to nato’oka i Makole i Yusup.