Yohanes 3:15 - Tuntu i mPue ri Basa Taa

¹⁵ Naka pei Aku daraokotaka etu see samparia tau to mangaya Aku taa darapakaja’aka yau, pei maya mangarata katuwu to singkasaenya.

Sura Magali Nuntu Ngkatuwu

¹⁵ da naka pura-pura tau anu meaya ri Sira, da mangarata katuwu anu monco pai bereʼe kapusanya.”

Yohanes 3:15 Referans Kwoze

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

Yohanes 3:36

Wali i sema tau to mangaya AnaNya etu, tau etu re’e katuwu to singkasaenya. Pei i sema tau to taa mangaya AnaNya etu, tau etu taa damangarata katuwu to etu. Kasimbalinya yako etu, tau etu danahuku i mPue Allah rataka ri singkasaenya.” Wali etu semo gombo i Yohanes resi anagurunya.

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

Yohanes 6:47

“Wali Aku semo pangkoni to mangawai katuwu. Pasi Aku manganto’oka komi, monso pu’u tau to mangaya Aku, tau etu re’emo katuwu to singkasaenya.

Yohanes 1:12

Pei re’e tau to masanang mangantima Ia pasi to mangaya mangkonong Ia, wali samparia tau to etu Ia mangawaika kuasa damawali ana i mPue Allah.

Yohanes 5:24

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Lukas 19:10

Naka pei komi maya rapalaes apa Aku, Wiyaa nto Lino, Aku nama’i damangaliwu pasi damangampalaes tau ewa komi to tamo mangalulu jaya resi i Pue Allah, to raporapaka ewa tau pusa.”

Galatia 2:16

Pei si’i-si’i kita tansani si’a yako tau mangalulu porenta i Musa naka pei ia nato’o i mPue Allah tare dosanya. Yako pangayanya resi i Yesu Kerisitu naka pei tau nato’o i mPue Allah tare dosanya. Wali kita mangansani etu, see naka ewa see seja to naika ngkita. Kita roomo mangaya i Kerisitu Yesu see yako pangayanta resi i Kerisitu Yesu etu kita maya nato’o i mPue Allah tare dosanta. Si’a yako kita mangalulu porenta i Musa, apa tare pasi samba’a tau to danato’o i mPue Allah tare dosanya ane ojo mangalulu porenta i Musa.

1 Yohanes 2:25

Wali parajanji to Ia roomo mamparajanjika kita, etu semo katuwu to singkasaenya, batuanginya kita damaroo masingkatao pei Ia rataka ri singkasaenya.

Ibrani 10:39

Pei kita si’a ewa tau to mangandolika tangonya etu panewa rapakaja’aka yau. Kita tau to mangaya i Pue semo wali kita rapalaes yako kapate.

Palaong mPomakau i mPue Yesu 8:36

Panewa yako etu, ri raya mpalinja nsira ri jaya etu, sira rata ri tampa to nja’u ue. Wali to Etiopia etu ia mangkita ue wali ia manganto’oka i Pilipus, to’onya, “Lo’aja etu ue. Wimba, bara re’e sabanya naka pei aku taa maya rabaptis?”

Markus 16:16

Wali i sema to mangaya kareba matao etu pei rabaptis, tau etu darapalaes, pei i sema to taa mangaya, sira darahuku.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

2 Korintus 4:3

Pei re’e tau to ewa rabombong yau pampobuuka nsira see taa kojo nansani batuanginya kareba matao to ipakarebaka mami etu. Pei ojo tau to darapakaja’aka yau semo to rabombong yau pampobuuka nsira etu.

1 Korintus 1:18

Kita mampakarebaka resi sa’e pei manganto’oka sa’e i Kerisitu rapaku ri kaju pasape mangkapateka kita. Wali tempo tau mangandonge kareba etu, tau to taa mangaya, to re’emo ri jaya yau lo’u apu naraka, sira manganto’o, “Gete! Gombo ntau bea etu!” Pei ane kita to mangaya, to rapalaes yako ri apu naraka, kita manganto’o, “Kareba etu semo kuasa i mPue Allah.”

Roma 5:21

Wali tempo ruyu, dosa re’e kuasa ri raya ngkatuwu ntau samparia see naka samparia tau mangarata kapate. Pei si’i-si’i kanoto i mPue Allah semo to re’e kuasa ri raya ngkatuwu ngkita. Wali yako ri kanotoNya etu i Pue Allah manganto’o kita tare dosanta see naka kita mangarata katuwu to singkasaenya apa saba to naika i Yesu Kerisitu, Pue ngkita.

Palaong mPomakau i mPue Yesu 13:41

“Pobuuka kojo komi to ojo rani mampokore gombongKu. Apa komi daipu kojo rayamu mangkita palaong to Aku damangika pasi komi damate yau. Apa tempo komi tuwuwa Aku damangika sanjaya palaong pei komi taa damangaya nempo re’e tau to mampakanasaka komi. (Habakuk 1:5) Etu semo gombo to nato’o yami i mPue Allah, wali to tao-tao komi mangaya i Yesu naka ne’e rahuku ewa to ratulis etu.”

Matius 18:10

Wali yako etu i Yesu manganto’o, “Re’e tau to manganto’o ane tau to ewa ana kodi si’i, tau etu tare batuanginya. Wali jagai kojo naka ne’e komi mampobuuka seja ewa wetu. Apa Aku manganto’oka komi, kamonsonya bae kojo batuanginya tau to ewa ana kodi si’i, see naka re’e pomakau i mPue Allah yako ndate saruga to mangararamaka sira. Wali pomakau to mangararamaka sira etu, pomakau etu sangkani mampotango Pa’angKu ndate saruga. Wali sira mampasimbalika tau to nato’o nsa’e tare batuanginya etu.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Pombilang 21:9

Wali i Musa mangika ule yako tambaga etu panewa mamposaka ndate woto ntinja. Wali yako etu monso pu’u i sema tau to natungku nu ule to kayangu ngisinya etu, ane ia mangalo’aka re’e ule tambaga etu, ia taa mate.

Matius 25:46

“Wali yako etu, tau to re’e ri sambalingKu tondo ngkii etu, sira damayoko. Sira dayau damangarata huku to singkasaenya. Pei tau to singkonong pei Aku sira dayau damangarata katuwu to singkasaenya.” Wali samparia etu, etu semo gombo i Yesu mangansono pampotanaka mami to anaguruNya mangkonong temponya Ia dama’i wo’u.

Yohanes 6:27

Wali komi madota mangampali pangkoni, pei ne’e pangkoni to taa masae maja’am to mawali bae batuanginya resi komi. Kasimbalinya yako etu, to tao-tao pangkoni to taa damaja’a yau to mawali bae kojo batuanginya resi komi. Etu semo anu to raporapaka ewa pangkoni to mangawai katuwu to singkasaenya. Wali Aku, Wiyaa nto Lino, damangawaika komi pangkoni to etu. Aku re’e kuasa mangika palaong to etu apa i Pue Allah, Pa’a, Ia roomo mampakanasa Ia semo to mampokau Aku.” Etu semo pasono i Yesu.