Yohanes 3:10 - Tuntu i mPue ri Basa Taa

¹⁰ Pei i Yesu manganto’o, “Gete! Korom semo samba’a tau tu’a nto Israel to mampotunde sira, pei wimba naka pei korom taa mangansani i Pue Allah Ia re’e kuasa mangika palaong to etu?”

Sura Magali Nuntu Ngkatuwu

¹⁰ Mesono i Yesu, ndatoʼo, “Siko guru ri to Isaraeli; wenu painaka bareʼe da nuincani?

Yohanes 3:10 Referans Kwoze

Matius 22:29

Wali i Yesu manganto’oka sira, “Sala pampobuuka ngkomi apa komi taa mangansani batuanginya tuntu i mPue Allah pasi komi taa seja mangansani ewa wimba kabaenya kuasa i mPue Allah.

Matius 15:14

Wali see naka ne’e mangalinga tau to aliran Parisi etu. Sira raporapaka ewa tau to buta to mawali mata njaya ntau to buta seja. Wali ane tau buta nakentar ntau to buta seja, sira dua paka damasou lo’u raya mbayau.”

Matius 11:25

Wali ri tempo etu i Yesu makai-kai resi i Pue Allah, Ia manganto’o, “O Pa’a, Pue nu yangi pasi lino, Aku mangabarong Komi apa Komi mangawunika yau anu to monso see taa nansani ntau to manga’angga kapande ngkoronya. Pei anu to monso etu Komi roomo mampaponsanika resi tau to tawa pande kojo ane ri pangkita nto lino.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Roma 2:28

Wali ane ri pangkita i mPue Allah, tau to monso pu’u Ia puenya, tau to etu si’a tau to ojo mangalulu ada nto Yahudi. I Pue Allah re’e manganto’oka to Yahudi rasui, pei si’a ojo apa saba mangalulu ada to etu naka pei tau mawali Ia puenya. Apa rasui etu ojo palaong to mawali ri woto ngkoro ntau, si’a ri rayanya.

Kolose 2:11

Wali apa saba komi samba'a pei i Kerisitu, see naka komi ralapa yako kuasa mpampobuuka to masae to sangkani rani mangika dosa. Komi maya raporapaka ewa tau rasui. Rasui etu si'a rasui to naika nto lino, pei komi ewa rasui ri raya ngkomi saba to naika i ngKerisitu tempo Ia mate ri kaju pasape.

Lukas 2:46

Wali ojo kagananya togo eo sira mangaliwu i Yesu, panewa sira mangarata Ia ri raya banua i mPue Allah. Ia re’e matunda ri oyo ntau to mampotunde agama nto Yahudi, Ia mangampodongeka gombo nsira pasi masipotanaka resi sira.

Lukas 5:17

Wali re’e seore i Yesu mampotunde tau ri raya banua ntau. Tempo Ia mampotunde etu, re’e seja matunda nja’u ria bara sawei mba’a to Yahudi to aliran Parisi pasi sawei mba’a tau to mampoguru porenta i Musa. Tau etu yako ponto lipu ntau nja’u propinsi Galilea pasi yako propinsi Yudea pasi kota Yerusalem kama’inya. Pasi re’e kuasa to nawaika i mPue Allah i Yesu see naka Ia maya mampakatao muni tau to masaki.

Yohanes 3:9

Wali i Nikodemus tiroowa bata-bata rayanya mangkonong rapoanaka wo’u kadua ngkaninya, see naka ia mampotanaka wo’u, to’onya, “Ewa wimba palaong to etu maya mawali?”

Palaong mPomakau i mPue Yesu 5:34

Pei re’e samba’a tau ri oyo nto pobotus to sanganya i Gamaliel. I Gamaliel etu samba’a tau to mampoguru porenta i Musa pasi samparia tau boros manga’angga ia. Wali i Gamaliel etu makore pei manganto’oka tau keni yau ruyu pomakau yako ri songi nto pobotus etu sangkodi tempo.