Yohanes 21:22 - Tuntu i mPue ri Basa Taa

²² Pei i Yesu manganto’o, “Maka pei korom mampotanaka mangkonong ia? Ane rapanya Aku rani ia datuwu rataka ri temponya Aku ma’i muni ri lino, ane ewa see tare batuanginya korom mangansani yami. Si’a to etu to Aku rani korom mampobuuka. To bae batuanginya resi korom mampobuu-buuka Aku pasi mangalulu Aku!”

Sura Magali Nuntu Ngkatuwu

²² Mesono i Yesu, ndatoʼo, “Ane da Kutangara siʼa ntongo tuwupa rantani rata muni Yaku, bereʼe pokentanya pai siko. Paikanya siko, lulumo Yaku!”

Yohanes 21:22 Referans Kwoze

Markus 9:1

Wali yako etu i Yesu manganto’oka wo’u anaguruNya pasi tau boros, to’oNya, “Aku manganto’oka komi, monso pu’u re’e tau to ri oyo ngkomi to ri katawanya sira mate yau sira damangkita i Pue Allah to bae kojo kuasaNya mawali Makole ri lino si’i.”

Pangkita 2:25

Ojo si’i Kuto’oka komi, yako tempo si’i rataka temponya Aku ma’i, Aku rani komi ne’e mandoo mangaluluka kojo anu to nululu ngkomi tempo si’i.

1 Korintus 4:5

Wali ne’emo mangabotus lengko nsa’e bara matao bara taa apa tawa rata temponya to napilis i mPue Allah rapangabotus. Peas kama’i i mPue apa Ia semo to damampaporaoka anu to taa miyala. Ia semo to damampaponsanika samparia songka to re’e ri raya ntau. Wali ri tempo etu i Pue Allah damangabarong kita samba’a pei samba’a ane re’e palaong ngkita to masipato rabarong.

Pangkita 3:11

Aku majoli dama’i, wali luluka kojo anu to nululuka ngkomi tempo si’i, apa ane komi damangaluluka, tare to maya mangoko yau dale to danurata ngkomi. Dale etu raporapaka ewa so’o mbo’o to meyawa to narata ntau to manang.

Yakobus 5:7

Wali a’i-a’i, pakabae sabara ngkomi mangampeas tempo danakama’i i mPue. Rapanya ewa to panawu. Apa to panawu ane roomo mamuya mansabaraka mangampeas temponya rapomota. Ia mansabaraka mangampeas tempo uja to uyunya to mampakatuwu pae, pasi mangampeas wo’u tempo uja to tondong mpae etu mosumo matasa.

1 Korintus 11:26

Wali batuanginya gombo i Yesu etu yako tempo si’i sampe rata temponya Ia dama’i muni, ponto tempo kita mangkoni roti etu pasi manginu anu to re’e ri sangkir, batuanginya kita mampakarebaka mangkonong kapate i mPue.

Yohanes 21:19

Wali naka pei i Yesu manganto’o gombo etu see damampaponsanika mangkonong ewa wimba kapate to danarata i mPetrus. Pei yako kapatenya etu see naka tau to yusa damangabarong i Pue Allah. Wali ojo karoonya i Yesu manganto’o gombo etu, Ia manganto’oka wo’u i Petrus, “Lulu Aku!”

Matius 24:44

Wali ewa naika ntau pue banua etu mangajagai kojo see sigena ane rata to palima, ewa see seja komi. Wali jagai kojo ne’e lenga mangampeas kama’ingKu see komi sangkani sigena, apa ri tempo komi taa mampobuuka bara dama’i Aku, Wiyaa nto Lino, tempo etu semo Aku dama’i.”

Pangkita 22:20

Wali i Yesu manganto’o gombo si’i monso, pasi Ia manganto’o, “Aku majoli ma’i.” Amin! O Pue Yesu, ma’imo!

Pangkita 22:7

Wali i Pue Yesu manganto’o, “Padongeka kojo! Aku majoli ma’i. Wali masanang kojo tau to mampodongeka kareba to ratulis ri raya buku si’i mangkonong palaong to damawali.” Ewa wetu gombo i mPue Yesu.

Pangkita 1:7

Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

Matius 24:27

Apa tempo Aku, Wiyaa nto Lino damawolili muni, tempo etu damanasa kojo resi to lino. Apa kama’ingKu etu maya raporapaka ewa bilak, apa nempo nja’u tondo mata nu eo bilak etu, mareme seja rata nja’u tondo kasoyo nu eo. Wali kama’ingKu danakita seja ntau samparia.

Matius 24:3

Wali yako etu i Yesu yau nto’u Tongku Saitun. Rata ndate ria Ia matunda-tunda ndate rapa ntongku etu. Tempo Ia matunda ndate ria, kami to anaguruNya yau mangampago Ia tempo tare tau to yusa. Kami manganto’o, “To’oka kami, bara mpia temponya danapowali anu to Komi room manganto’oka kami mangkonong banua i mPue Allah darapakaja’aka yau? Pasi kesaa damawali tondong resi kami mangkonong kama’i ngKomi pasi mangkonong kapuranya temponya to si’i?”

Matius 8:22

Pei i Yesu manganto’o, “Lulu Aku, pei biakamo tau to taa mangaluluka songkangKu, to raporapaka ewa tau mate, sira semo mampongkeli yunu nsira to matemo.”

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Yohanes 21:21

Wali tempo i Petrus mangkita ia mangalulu sira tempo sira malinja etu, ia mampotanaka resi i Yesu, to’onya, “Pue, kesaa to damawali resi ia?”

1 Tesalonika 2:19

Kami rani kojo simparata wo’u pei komi apa saba komi semo naka pei re’e kandende ndaya mami. Pasi apa saba komi naka pei kami mansarumaka i Pue Ia re’e to danawaika kami. Apa komi raporapaka ewa dale to narata ntau to manang. Wali apa saba komi semo naka pei kami damasanang kojo raya mami mampotango i Pue Yesu Kerisitu ane ratamo tempo danakama’i.

Yakobus 5:8

Wali to tao-tao komi seja mampakabae sabara ewa naika nto panawu etu. Pasi pakaroso pangaya ngkomi apa mosumo tempo danakama’i i mPue.