Yohanes 20:31 - Tuntu i mPue ri Basa Taa

³¹ Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

Sura Magali Nuntu Ngkatuwu

³¹ Paikanya anu teʼukimo seʼi mantinako ndaya da naka ndiaya kamonconya i Yesu inceʼemo Mokole Tadungkadago Ana i mPue Ala, pai da naka komi anu meaya da mangarata katuwu.

Yohanes 20:31 Referans Kwoze

Palaong mPomakau i mPue Yesu 10:43

Wali samparia to pantuntu tuntu i mPue Allah tempo owi, sira magombo mangkonong i Yesu etu, sira manganto’o i sema tau to mangaya Ia sira tamo rakitanaka dosanya apa saba kuasa to si Ia.”

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

1 Yohanes 4:15

Wali i sema-sema tau to mampatimonso i Yesu Ia semo Ana i mPue Allah, tau etu re'e i Pue Allah maroo masingkatao pei ia. Pasi ia maroo masingkatao pei i Pue Allah.

Yohanes 3:36

Wali i sema tau to mangaya AnaNya etu, tau etu re’e katuwu to singkasaenya. Pei i sema tau to taa mangaya AnaNya etu, tau etu taa damangarata katuwu to etu. Kasimbalinya yako etu, tau etu danahuku i mPue Allah rataka ri singkasaenya.” Wali etu semo gombo i Yohanes resi anagurunya.

Yohanes 3:18

Wali tau to mangaya Aku, tau etu taa darahuku. Pei ane tau to taa mangaya Aku, tau etu roomo rapakatantu ia darahuku saba ia taa mangaya kuasa to si Aku, Ana i mPue Allah to samba’aja.

2 Yohanes 1:9

Wali ne’e kojo mangaluluka yau to pantipu etu. Apa bara i sema tau to taa mangkongko anu to roomo napotundeka i ngKerisitu, pei mangaliunaka, tau etu tare i Pue Allah maroo ri rayanya. Pei i sema to mangkongko anu to napotundeka i ngKerisitu, tau etu re'e i Pue Allah, Pa'a, pasi AnaNya seja maroo ri rayanya.

Yohanes 19:35

Wali monso pu’u ewa wetu palaong to mawali ri tempo i Yesu mate ri kaju pasape etu, apa re’e tau to mawali matamanasa mpalaong to etu. Wali tau to mawali matamanasa mpalaong etu, aku semo to mangansaritaka resi komi. Aku mangansani monso kojo anu to aku manganto’o, pasi naka pei aku mangansaritaka mangkonong palaong to etu see komi maya mangaya seja.

Yohanes 20:28

Wali i Tomas manganto’oka i Yesu, “Monso pu’u Komi Puengku pasi Allahngku!”

Yohanes 10:10

Wali to palima, ane rata ri tondok nu domba tare yusa songkanya. Ia ojo damalima, damampopate pasi damampakaja’a yau. Pei Aku si’a ewa wetu. Apa Aku nama’i see to lino damangarata katuwu. Pasi ri raya ngkatuwu to narata nsira etu tare kojo to napoipu nsira.

Yohanes 5:24

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Lukas 1:4

Naka pei aku mangika ewa wetu apa kuporani komi mangansani monso pu’u samparia to roomo napotundeka ntau komi mangkonong i Pue Yesu.

Matius 16:16

Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Markus 16:16

Wali i sema to mangaya kareba matao etu pei rabaptis, tau etu darapalaes, pei i sema to taa mangaya, sira darahuku.

Matius 27:54

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

Palaong mPomakau i mPue Yesu 9:20

Pasi ia mansaka yau ri banua-banua to napampotunde nto Yahudi, panewa ia mampakarebaka tau nja’u ria mangkonong i Yesu, Ia semo ana i mPue Allah.

Palaong mPomakau i mPue Yesu 8:36

Panewa yako etu, ri raya mpalinja nsira ri jaya etu, sira rata ri tampa to nja’u ue. Wali to Etiopia etu ia mangkita ue wali ia manganto’oka i Pilipus, to’onya, “Lo’aja etu ue. Wimba, bara re’e sabanya naka pei aku taa maya rabaptis?”

Palaong mPomakau i mPue Yesu 3:16

Wali kuasa to yako i Yesu etu, kuasa etu semo to mampakaroso witi ngkai si’i. Palaong to nukita ngkomi etu pasi to manasa ngkomi, palaong etu mawali apa saba kami mangaya kuasa i Yesu etu. Wali apa saba kami mangaya kuasa i Yesu etu see naka ngkai si’i mawali masilonga koronya ewa to room nukita ngkomi samparia.

Yohanes 1:49

Wali i Natanael ipu kojo rayanya mangandonge gombo i Yesu etu apa tempo ia ri ara kaju ara etu, tempo etu i Yesu taa nja’u nja’u ria. Wali see naka ia manganto’o, “Pa’a Guru, monso pu’u Komi Ana i mPue Allah! Komi Makole mami to Israel!”

Pangkita 2:18

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Tiatira sura. To’oka ia: Si’i gombo yako resi Ana i mPue Allah anu to mataNya ewa kaa nu apu pasi witiNya ewa tambaga to makilo.

1 Petrus 1:9

Naka pei ndende raya ngkomi apa i Pue Allah re’e mangampalaes komi saba yako pangaya ngkomi resi i Yesu Kerisitu.

Matius 4:3

Wali yako etu rata i panggoda resi Ia. Panggoda etu manganto’oka Ia, “Ane monso pu’u Komi Ana i mPue Allah, to’oka watu si’i, ‘Powali yau roti.’”

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Palaong mPomakau i mPue Yesu 8:37

Wali i Pilipus manganto’o, “Ane komi monso pu’u mangaya i Pue Yesu, komi maya rabaptis.” Panewa to Etiopia etu manganto’o, “Kuaya i Yesu Kerisitu Ia semo Ana i mPue Allah.”