Yohanes 20:19 - Tuntu i mPue ri Basa Taa

¹⁹ Wali ojo kawurinya rao eo Minggu etu, kami to anaguru i Yesu re’e sindara-ndara ri raya banua. Pasi kami roomo mampakainti ba’a mbombo banua etu apa kami meka resi kepala-kepala nto Yahudi. Pei nempo mainti ba’a mbombo etu, pei kodi majoli re’e i Yesu makore ri oyo mami. Ia manganto’o, “Pakarodo rayamu!”

Sura Magali Nuntu Ngkatuwu

¹⁹ Ri eo Minggu setu seʼe sindara waʼa anaguru-A mompasambaka ri sambaʼa banua, pura-pura wombo roomo ndadampo ndapakainti, maka maeka raya ntau seʼe ri waʼa ntadulako nto Yahudi. Tingkara-saka, setu i Yesu mekakore ri tongo ntau seʼe, ndatoʼo, “Tabea pai karodo ndaya tilami!”

Yohanes 20:19 Referans Kwoze

Yohanes 20:26

Wali yako etu, ojo kagananya wayu mbengi, kami to anaguru i Yesu nja’u wo’u ri raya banua etu, pasi tempo etu nja’u seja i Tomas. Wali ba’a mbombonya roomo rapakainti, pei nempo mainti ba’a mbombo etu, pei kodi majoli re’e i Yesu makore ri oyo mami. Ia manganto’o, “Pakarodo rayamu!”

Yohanes 14:27

“Wali tempo Aku yau, re’e to Aku ewa mangansombo resi komi. Etu semo karodo ndaya. Wali karodo ndaya to Kuwaika komi etu sewaju ewa karodo ndaya to re’e resi Aku. Pasi tempo Aku mangawaika komi karodo ndaya etu, taa kojo sewaju pei karodo ndaya to biasa komi mangarata ri lino. Gana kojo karodo ndaya to Kuwaika komi etu. Wali ne’e moru-moru raya ngkomi mangampobuuka Aku mampiyaika komi pasi ne’e meka.

Yohanes 20:21

Wali i Yesu manganto’oka wo’u kami, “Pakarodo rayamu! Ewa naika mPa’angKu nampokau Aku ma’i mangika palaong to iwaikaNya Aku, ewa wetu seja Aku mampokau komi dayau mangika palaong to Kuwaika komi.”

Epesus 2:14

Apa i Kerisitu semo to mampasimba’a kami to Yahudi pasi komi to si’a to Yahudi, wali si’i-si’i kita masingkatao. Apa Ia mangawaika koroNya mate ri kaju pasape. Ewa wetu inikaNya mampakapura kuasa mporenta i Musa to manganto’oka to Yahudi kesaa pura to daraika pasi to taa daraika. Tempo ruyu, porenta i Musa etu ewa rindi to mangangoyot kami to Yahudi pasi komi to si’a to Yahudi, see naka kita masimusu. Pasi tempo etu kita dua suku, pei si’i-si’i kita roomo rapasimba’a apa kita samba’a pei i Kerisitu. Wali etu semo sabanya naka pei i Kerisitu mate ri kaju pasape. Ia mate see kami to Yahudi pasi komi to si’a to Yahudi tamo masimusu, pei maya masingkatao apa saba napasimba’a i ngKerisitu. Pasi Ia mate see kita to lino to rapasimba’a etu maya masingkatao pei i Pue Allah saba yako palaong to inikaNya.

2 Tesalonika 3:16

Wali i Pue semo pu’u ngkarodo ndaya, wali kami makai-kai see nempo kesaa to mawali resi komi, Ia sangkani damangawaika komi karodo ndaya etu. Pasi kami makai-kai seja see i Pue dasiwaka pei komi samparia.

Yohanes 7:13

Ewa wetu naika nsira magombo mangkonong i Yesu, pei tare sira to magombo mangkonong Ia tempo boros tau mangandonge, apa sira meka bara danahuku ntau tu’a nto Yahudi apa tau tu’a etu, sira taa masanang ane tau boros magombo mangkonong i Yesu.

Markus 16:14

Wali yako etu i Yesu rata wo’u resi anaguruNya to sampuyu pei samba’a tempo sira tongo mpangkoninya. Tempo etu Ia manganseko sira apa sira taa mangaya. Ia manganto’o, “Maka pei komi mabukul? Taa matao komi taa mangaya gombo ntau to mangkita Aku tuwu muni yako ri kapatengKu.”

Pangkita 1:4

Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,

1 Korintus 15:5

Wali ojo karoonya Ia rawangu muni etu, Ia nakita i mPetrus panewa samparia anaguruNya to sampuyu pei dua etu mangkita seja Ia.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Ibrani 7:2

Wali i Abraham mangawaika i Melkisedek santila sampuyu yako samparia ngaya-ngaya to inokonya tempo mamusu etu. (Wali batuanginya sanga i Melkisedek, to uyunya etu semo, “Makole to mangika lengko to singkonong pei i Pue Allah.” Pasi to kadua, ia rato’oka seja, “Makole ri Salem,” batuanginya, “Makole to mangkeni kasingkatao.”)

Pilipi 1:2

Wali kami makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.

Epesus 6:23

Wali aku makai-kai see i Pue Allah, Pa’a, pasi i Pue Yesu Kerisitu, damangawaika komi to pua’i mami karodo ndaya pasi pamporayang sindara-ndara pei aya ndaya.

Roma 15:33

Wali aku mamporapika resi i Pue Allah anu mangawaika kita samparia karodo ndaya, see Ia dasiwaka pei komi samparia. Amin.

Yohanes 16:22

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

Matius 18:20

Wali komi manasa pokai-kai ngkomi etu darapodongeka. Apa ane re’e tau to siromu apa saba mangalulu Aku, nempo ojo dua bara togo mba’a tau etu, Aku nja’u seja siwaka pei sira damangansawang sira.”

Matius 10:13

Wali yako etu ane tau to maroo ri banua etu masipato darapakasanang, pokai-kai ngkomi etu danabanang i mPue Allah see damasanang katuwu nsira. Pei ane sira taa masipato darapakasanang, ane ewa see ojo komi semo to danapakasanang i mPue Allah.

Yohanes 21:1

Wali yako etu i Yesu mampapokitaka wo’u kami to anaguruNya Ia tempo kami nja’u towo ndano Tiberias. Ewa si’i palaong to mawali tempo etu.

Yohanes 21:14

Wali etu semo katogo ngkaninya i Yesu simparata pei kami to anaguruNya tempo Ia roomo mambangu muni yako ri kapateNya.

Palaong mPomakau i mPue Yesu 1:3

Wali ojo pampopate yau Ia, opo mpuyu mbengi kasaenya Ia malagi ngkani mampapokitaka anaguruNya koroNya pasi mampaponsanika sira mangkonong ewa wimba i Pue Allah mawali Makole nto lino. Wali manasa kojo Ia tuwu muni.

3 Yohanes 1:14

Pei tuwu-tuwuja tamo masae kita dasimparata panewa magombo-gombo. Wali aku makai-kai see i Pue Allah damangawaika korom karodo ndaya. Wali samparia yunu ngkita rire taa mangkalingan korom. Pasi aku mamporapika resi korom, to'oka yunu ngkita nja'u ria aku taa seja mangkalingan sira samba'a pei samba'a. Wali ungkanyamo gombongku si'i.