Yohanes 20:16 - Tuntu i mPue ri Basa Taa

¹⁶ Wali i Yesu manganto’o, “Maria!” Wali i Maria mangalekoka muni tangonya resi Ia panewa mansaka mangansanika i Yesu semo. Ia magombo ri raya basa Ibrani, to’onya, “O Rabuni!” Batuanginya Rabuni, etu semo “Pa’a Guru”. Wali i Maria yau mambokotu ri tango i Yesu pei mangkongko witiNya apa manga’angga Ia.

Sura Magali Nuntu Ngkatuwu

¹⁶ Mompau i Yesu ri siʼa ndatoʼo, “Maria!” Metorobaka ri Yesu nepa mompau siʼa ri basa Ibarani, “Rabuni!” (Posokinya “Guru”.)

Yohanes 20:16 Referans Kwoze

Yohanes 10:3

Wali tau to mangajagang wombo ntondok, ia mangalokaka to pangkampang domba etu wombo. Pasi domba mangansanika loo nto pangkampanginya apa ia mampokio sira mangampake sanga nsira samba’a pei samba’a. Wali see naka domba etu sira mampodongeka kojo pasi mangalulu to pangkampanginya yako ri raya ntondok yau njo’u sambalinya.

Yohanes 1:38

Wali i Yesu mangalekoka tangoNya pei mangkita tau dua etu mangalulu Ia, wali Ia mampotanaka resi sira, Ia manganto’o, “Kesaa liwu ngkomi?” Sira mangansono, “Rabi, imbare tampa nukaroo ngKomi?” (Ane Rabi etu, batuanginya Guru.)

Palaong mPomakau i mPue Yesu 10:3

Wali re’e seore, bara jam togo rede eo, ia re’e mangkita pangkita. Ri raya mpangkitanya etu ia manasanya mangkita samba’a pomakau i mPue Allah yako ri saruga masua pei mampogomboka ia, to’onya, “Kornelius!”

Palaong mPomakau i mPue Yesu 9:4

Wali ia napuka yau ri wawo ntana panewa ia mangandonge loo mampogomboka ia, loo etu manganto’o, “Saulus, Saulus maka pei korom mangansesai Aku?”

Yohanes 6:25

Wali ojo pangarata ntau boros i Yesu nja’u sambote ndano etu, sira mampotanaka resi Ia, to’o nsira, “Pa’a Guru, mpia karata ngKomi rire?”

Pomulanya 22:11

Pei Pomakau i mPue Yawe mansaka mampogomboka ia yako ndate yangi, Ia manganto’o, “O Abraham! Abraham!” Wali i Abraham mangansono, “Kesaa daNuto’oka ngKomi aku?”

Yohanes 20:28

Wali i Tomas manganto’oka i Yesu, “Monso pu’u Komi Puengku pasi Allahngku!”

Yohanes 13:13

Ewa si’i batuanginya. Komi manganto’oka Aku ‘Pa’a Guru’ pasi ‘Pue’. Wali masipato kojo komi manganto’o ewa wetu, apa Aku monso pu’u Guru pasi Pue ngkomi.

Yohanes 11:28

Wali ojo karoonya i Marta manganto’o gombo etu ia mawolili muni ri banua pei mampago tua’inya, i Maria. Ia mampojawaka i Maria, to’onya, “Guru ngkita re’imo, pasi Ia mampokio korom.”

Yohanes 5:2

Wali nda’a Yerusalem etu re’e samba’a wombo ngkota to mananya napake ntau mampaposua dombanya. Pasi ri awe mbombo etu, re’e samba’a limbo. Limbo etu ane ri raya basa Ibrani rato’oka Betesda. Pasi ri wii nu limbo etu re’e lima kandepe.

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Yohanes 1:49

Wali i Natanael ipu kojo rayanya mangandonge gombo i Yesu etu apa tempo ia ri ara kaju ara etu, tempo etu i Yesu taa nja’u nja’u ria. Wali see naka ia manganto’o, “Pa’a Guru, monso pu’u Komi Ana i mPue Allah! Komi Makole mami to Israel!”

Lukas 10:41

Pei i Yesu manganto’oka ia, “O Marta, Marta, boros palaong to mampakamoru pasi mampakasusa raya ngkorom.

Matius 14:27

Pei i Yesu mansaka manganto’oka kami, “Ee, pakasanang raya ngkomi! Ne’e meka, Aku se'i.”

Posuwunya 3:4

Wali i Musa yau mangalo'a anu to taa rapobiasa etu. Pei tempo i Pue Yawe mangkita ia yau, Ia mampokio yako ri raya njunju etu, Ia manganto'o, “Musa! Musa!” Wali i Musa mangansono, ia manganto’o, “Kesaa danuto’oka ngKomi aku, i Pue?”

Pomulanya 45:12

Wali si’i-si’i manasa resi komi monso pu’u aku semo i Yusup to mampogomboka komi si’i, apa mata ngkomi semo to mangkita aku. Pasi i Benyamin manasa seja aku semo i Yusup.

Pomulanya 22:1

Wali yako etu, re’e seore i Pue Allah mangansoba pangaya i Abraham. Ia mampogomboka i Abraham, to’oNya, “O Abraham!” Panewa i Abraham mangansono, “Kesaa danuto’oka ngKomi aku, Pue?”

Markus 10:51

Wali ojo karatanya ri awe i Yesu, i Yesu mampotanaka resi tau buta etu, Ia manganto’o, “Kesaa to nuporani ngkorom daKuika resi korom?” Wali ngkai buta etu mangansono, “Pue, aku rani matao muni matangku.”