Yohanes 19:7 - Tuntu i mPue ri Basa Taa

⁷ Wali to Yahudi etu mangansono, sira manganto’o, “Kami rani Ia rapopate yau apa Ia mampoanika Ana i mPue Allah. Wali ane ewa porenta mami tau ane manganto’o gombo etu, masipato ia rahuku mate!”

Sura Magali Nuntu Ngkatuwu

⁷ Mesono waʼa nto Yahudi natoʼo, “Ri kami reʼe huku anu mantoʼo tau setu sangaya-ngaya da ndahuku mate, maka siʼa mantoʼo koronya Ana mPue Ala.”

Yohanes 19:7 Referans Kwoze

Yohanes 5:18

Wali ojo pangandonge nto Yahudi etu gombo i Yesu, sira maja’a kojo rayanya see naka mapari wo’u naika mangaliwu jaya damampopate yau Ia. Naka pei sira rani mampopate yau Ia apa sira mampobuuka Ia mangewa porenta nu agama nsira mangkonong Eo Rapandoo. Pei si’a ojo etu sabanya naka pei sira rani mampopate yau Ia. Sira rani seja mampopate yau Ia apa saba Ia re’e manganto’o i Pue Allah semo Pa’aNya, wali ane ewa see Ia mampoanika sewaju anggaNya pei i Pue Allah.

Markus 15:39

Wali tempo i Yesu mate etu, tempo etu re’e samba’a kepala ntentara to mangkepalang tentara to satu kaborosinya ia makore ri tangoNya. Kepala ntentara etu mangkita i Yesu Ia kaboo ruyu panewa mansaka mampakapura nosaNya, wali see naka kepala ntentara etu manganto’o, “Monso pu’u tau si’i Ana i mPue Allah!”

Yesaya 53:4

Kamonsonya, kamawo ndaya pasi kasesa to Ia mangarata etu, kita semo to masipato mangarata. Pei Ia semo to mangabolos kita mangarata kamawo pasi kasesa etu. Pei tempo Ia mangarata kasesa etu, kita ojo mampondayaka i Pue Allah to mangansesai pasi mangahuku Ia apa saba sala to Ia nangika.

Yohanes 19:8

Wali ojo pangandonge i mPilatus gombo nsira etu manganto’o i Yesu mampoanika Ana i mPue Allah, ia tidugang wo’u kameka ndayanya.

Palaong mPomakau i mPue Yesu 18:13

Sira manganto’oka i gubernur, “Tau si’i mampakaroso kojo raya ntau mampue mampakabae i Pue Allah pei jaya nsira mampue mampakabae Ia taa singkonong pei porenta i Musa.”