Yohanes 19:35 - Tuntu i mPue ri Basa Taa

³⁵ Wali monso pu’u ewa wetu palaong to mawali ri tempo i Yesu mate ri kaju pasape etu, apa re’e tau to mawali matamanasa mpalaong to etu. Wali tau to mawali matamanasa mpalaong etu, aku semo to mangansaritaka resi komi. Aku mangansani monso kojo anu to aku manganto’o, pasi naka pei aku mangansaritaka mangkonong palaong to etu see komi maya mangaya seja.

Sura Magali Nuntu Ngkatuwu

³⁵ Tau anu mangkita mata ngkalionya pewalinya setu, inceʼemo anu mampetumbu gori mpangkitanya, da naka komi woʼu ndiaya monco. Pai nunjaa anu nasabi setu monco, pai naincani kojo kamonconya.

Yohanes 19:35 Referans Kwoze

Yohanes 21:24

Wali anaguru to naporayang kojo i Yesu aku semo. Wali aku semo to mawali matamanasa mangkonong palaong to etu. Pasi aku semo to roomo mangantulis gombo si’i mangkonong palaong to etu. Wali kami mangansani monso pu’u anu to aku mangantulis si’i.

Yohanes 15:27

Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”

1 Petrus 5:1

Wali re’e paposia to aku rani manganto’oka penatua ngkomi to mangaya. Apa aku seja samba’a penatua ntau to mangaya. Pasi aku samba’a matamanasa to nangkita kasesa i ngKerisitu seore. Pasi ane ratamo temponya kayawa i ngKerisitu darapapokitaka resi to lino, tempo etu aku damangarata seja santila yako kayawaNya etu.

Roma 15:4

Wali samparia tuntu i mPue Allah anu to ratulis tempo owi paka ratulis damangampotunde kita. Wali yako tuntu i mPue etu, see naka kita maya mangansabaraka kasusa pasi mawali maroso wo’u rayanta. Apa ane ewa wetu kita maya mangkongko kojo pansarumaka ngkita resi i Pue.

Palaong mPomakau i mPue Yesu 10:39

“Wali kami matamanasa samparia palaong to nika i Yesu etu nja’u tana nto Yahudi pasi ri kota Yerusalem. Pei tau mampopate yau Ia mangampaku Ia ri kaju pasape.

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

1 Yohanes 5:13

Wali aku kunsani komi roomo mangaya kuasa nu Ana i mPue Allah. Pei aku tiroowa mangantulisika komi sura si’i see damanasa ngkomi saba yako pangayang komi Ia, re’emo katuwu to singkasaenya resi komi. Pasi aku mangantulisika komi sura si’i see tare pandoonya komi mangaya Ia.

Yohanes 19:26

Wali i Yesu mangkita indoNya pasi Ia mangkita seja anaguruNya to naporayang kojo makore seja nja’u ria. Wali tempo Ia mangkita sira dua, Ia rani mampakanasaka sira dua anaguruNya etu semo to damangabolos Ia mampiara indoNya. Wali Ia manganto’oka indoNya, “Indo, lo’aja anagurungKu etu, Ia semo damawali ewa anamu si’i-si’i.”

Yohanes 14:29

Wali Aku manganto’oka yami komi mangkonong samparia palaong to damawali etu, see ane mawalimo palaong etu komi damangendo gombongKu etu pei damangaya monso pu’u gombongKu etu.

Yohanes 11:42

Kamonsonya Aku mangansani Komi sangkani mampodongeka pokai-kaingKu. Pei Aku manganto’o gombo etu apa saba tau boros to makore ri awengKu si’i, see sira damangaya monso pu’u Komi semo to nampokau Aku.”

Yohanes 11:15

Pei Aku masanang Aku taa siwaka pei ia tempo ia tawa mate etu apa ane ewa see Aku ojo mampakatao muni ia. Pei ia namatemo si’i-si’i, wali bae wo’u batuanginya resi komi, apa yako palaong to damawali see naka komi damaroso wo’u pangaya ngkomi resi Aku. Wali yaumo kita mangampago ia.”

3 Yohanes 1:12

Wali i Demetrius, ia nato'o ntau samparia tau to matao. Manasa kojo ia matao apa lengkonya singkonong kojo pei anu to monso. Wali kami seja manganto'o ia tau to matao, pasi korom mangansani monso pu'u gombo mami etu. Wali ane i Demetrius etu, masipato korom mangalulu lengkonya.