Yohanes 19:17 - Tuntu i mPue ri Basa Taa

¹⁷ Roo see sira mangkeni Ia njo’u sambali ngkota rata nja’u pantana sanganya Golgota. Golgota ane basa Ibrani batuanginya wuku wo’o. Wali tempo sira yau etu, i Yesu semo mampasa’a kaju darapangampaku Ia.

Sura Magali Nuntu Ngkatuwu

¹⁷ Mesuwumo i Yesu seʼi mampasaʼa kaju ndapanggo anu da ndapampaku Sira njoʼu ri tana anu toʼonya “Kareʼe Takumboʼo”. (Ri basa Ibarani ndatoʼo Gologota.)

Yohanes 19:17 Referans Kwoze

Lukas 23:33

Wali yako etu sira rata nja’u pantana to rato’oka Wuku Wo’o. Rata nja’u ria tau to mangkeni i Yesu mangampaku Ia ri kaju pasape. Pasi sira mangampaku seja tau maja’a dua mba’a etu ri kaju pasape panewa kaju pasapenya rapokore ri awe nu ngkaju pasape i Yesu, samba’a ri sambalinya tondo ngkana, pasi samba’a wo’u ri sambalinya tondo ngkii.

Lukas 14:27

Pasi tau to rani mawali anagurungKu, tau etu taa maya taa ewa mampopate yau pamporani ndaya to si ia pei mangalulu Aku. Palaong etu raporapaka ewa mamposa’a kaju pasape to darapake damampopate yau ia.

Lukas 23:26

Wali sira mangkeni i Yesu darapopate yau. Tempo sira yau etu sira simparata pei samba’a tau to owo rata ri Yerusalem yako nja’u longko. Ngkai etu sanganya i Simon pasi ia tau to yako ri kota Kirene. Wali tempo sira simparata pei i Simon etu sira mangansoko ia pei mampakasaaka ia mamposa’a kaju darapangampaku i Yesu. Roo see sira manganto’oka ia mangalulu ri payu i Yesu mamposa’a kaju etu.

Palaong mPomakau i mPue Yesu 7:58

Sira mangaditi ia njo’u sambali ngkota damangantasoka ia watu see ia damate yau. Rata nja’u ria, tau to mampakasala i Stepanus tempo pangabotus etu sira mangawonsu bajunya to makumba pei mangansaka yau ri awe mbiti ngkai to mangurawa to sanganya Saulus see ia mangajagai. Panewa sira mula mangantasoka i Stepanus watu.

Markus 15:32

Wali ane Ia monso pu’u i Kerisitu, makole nto Israel, biakamo Ia mana’u yako ri kaju pasape etu si’i-si’i see kita maya mangkita panewa kita damangaya Ia!” Wali ewa wetu gombo ntau mampokore i Yesu. Pasi to palima to ipaku sindara-ndara pei i Yesu etu, sira mampokore seja Ia ewa naika ntau to manganto’o gombo etu.

Lukas 23:38

Wali tempo i Yesu rapaku ri kaju pasape, ri wawo mbo’oNya sira mamposaka anu to ratulis ewa biasa naika nsira mampakanasaka tau boros sala ntau to rapaku etu. Anu to ratulis etu manganto’o, “SI’I SEMO MAKOLE NTO YAHUDI”. Wali gombo etu ratulis ri raya basa Yunani, basa Latin pasi basa Ibrani.

Lukas 9:23

Wali roo see, i Yesu manganto’oka wo’u sira, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ponto-ponto eo ia nempo darapopate yau saba mangalulu Aku, ia tiroowa mangaluluka Aku.

Markus 10:21

Wali i Yesu mangalo’aka resi ngkai etu. Ia mamporayang ia pei manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku. Wali nempo darapopate yau saba mangalulu Aku, pei ne’e mandoo mangalulu Aku.”

Markus 8:34

Wali ojo karoonya etu i Yesu mampokio tau boros pasi anaguruNya to sampuyu pei samba’a etu. Ojo karata nsira resi Ia, Ia manganto’oka sira, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo rapopate yau saba mangalulu Aku, ia tiroowa mangaluluka Aku.

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Matius 10:38

Pasi i sema tau to bo’onya ewa mampopate yau pamporani ndaya to si ia pei mangalulu Aku, tau etu taa seja masipato mawali Aku puenya. Wali tempo tau mampopate yau pamporani ndaya to si ia, to etu maya raporapaka ewa mamposa’a kaju pasape to darapake damampopate yau ia.

Pomulanya 22:6

Wali i Abraham mampaposa’aka ananya, i Ishak, yuta to darapake mangantunu pampue etu. Pei ia semo to mangkeni apu pasi piso. Wali sira dua yaumo.

Yohanes 5:2

Wali nda’a Yerusalem etu re’e samba’a wombo ngkota to mananya napake ntau mampaposua dombanya. Pasi ri awe mbombo etu, re’e samba’a limbo. Limbo etu ane ri raya basa Ibrani rato’oka Betesda. Pasi ri wii nu limbo etu re’e lima kandepe.

Yohanes 19:13

Wali ojo pangandonge i mPilatus gombo nsira etu, ia mangkeni wo’u i Yesu yako ri raya banuanya, panewa ia matunda ri gadera to napake nto pobotus nja’u tampa to rato’oka Gabata. Wali Gabata etu basa Ibrani semo, batuanginya Juya Watu.