Yohanes 19:15 - Tuntu i mPue ri Basa Taa

¹⁵ Pei sira sakaboo, manganto’o, “Pate yau Ia! Pate yau Ia! Paku yaumo Ia ri kaju pasape!” Wali i Pilatus mampotanaka resi sira, ia manganto’o, “Gete komi, bara monso pu’u komi mamporani aku mangampaku makole ngkomi ri kaju pasape?” Wali kepala-kepala nto pampue manganto’o, “Ojo patanya i Kaisar semo makole mami. Tare to yusa!”

Sura Magali Nuntu Ngkatuwu

¹⁵ Pikanya meboo-boo waʼa ntau setu natoʼo, “Pepate Siʼa! Pepate Siʼa! Paku ri kaju Siʼa!” Napeoasi i mPilatu, “Mokolemi seʼi da kupaku ri kaju ndapanggo?” Mesono waʼa ntadulako ntadu mpanyomba natoʼo, “Kami bereʼe mokole mami anu ntaninya waʼanyamo i Datu.”

Yohanes 19:15 Referans Kwoze

Lukas 23:18

Pei ojo pangandonge ntau boros gombo i mPilatus manganto’o ia damangalapa i Yesu etu, sira sakaboo manganto’o, “Pate yau tau etu! Lapaka kami i Barabas!

Palaong mPomakau i mPue Yesu 22:22

Wali ojo pandonge ntau boros gombo i mPaulus manganto’o ia nayau resi tau to si’a to Yahudi, sira mawali makanano wo’u pasi tamo mampodongeka gombonya apa sira maja’a nakita tau to si’a to Yahudi. Sira maroso loonya sakaboo, sira manganto’o, “Pate yaumo tau si’i! Tamo masipato ia tuwu!”

Palaong mPomakau i mPue Yesu 21:36

Tau boros etu mangalulu-lulu sira pei sakaboo manganto’o, “Pate yau ia!”

Yohanes 19:6

Wali tempo kepala-kepala nto pampue pasi tau to mangajagang banua i mPue Allah mangkita i Yesu, sira sakaboo, manganto’o, “Ne’e mangalapa Ia! Paku Ia ri kaju pasape! Paku Ia ri kaju pasape! Pei i Pilatus manganto’o, “Komija mangoko Ia pei mangampaku ri kaju pasape, apa ane aku, aku taa kojo mangarata sala resi Ia.”

Pomulanya 49:10

“O Yehuda, korom pasi wiyaamu semo to damamporentang bansa Israel. Wali kuasa ngkomi sambiyaa etu taa daraoko yau rataka ri singkasaenya. Wali yako wiyaa ngkorom etu, re’e samba’a to darata, Ia semo to masipato rato’oka Makole to monso. Wali Makole etu danapalaika ntau yako samparia bansa.

Yohanes 18:31

Wali i Pilatus manganto’o, “Ane ewa see, keni yau Ia pei komi semo mangabotus Ia singkonong pei porenta ngkomi.” Pei to Yahudi etu manganto’o, “Taa mawali apa kami taa rabiaka mangahuku mate tau.”

Matius 22:17

Wali see naka kami rani Komi manganto’oka kami ewa wimba pampobuukaMo. Apa i Kaisar, makole nto Roma, ia mampakasaaka kita to Yahudi see kita mangabayar asele, pei palaong to etu bara taa matao raika ane ewa porenta i mPue Allah.Wali kami mampotanaka resi Komi, wimba ane ewa pampobuukaMo, bara singkonong pei porenta i Musa ane kita mangabayar asele resi makole nto Roma etu, bara taa?” Wali etu semo pampotanaka nsira rani mangakal i Yesu.

Palaong mPomakau i mPue Yesu 13:28

Wali sira taa mangarata sabanya naka pei i Yesu masipato rapopate yau. Pei nempo taa narata nsira, sira tiroo maroso kojo mamporapi-rapika resi i Pilatus see i Yesu darapopate yau.