Yohanes 17:6 - Tuntu i mPue ri Basa Taa

⁶ Wali ojo karoonya i Yesu mampokaika koroNya, Ia mampokaika wo’u kami to anaguruNya. Ia manganto’o, “Re’e tau to nupilis ngKomi yako ri oyo nto lino, tau etu Komi roomo mansarumakaka resi Aku. Wali tau to etu Aku roomo mampaponsanika mangkonong Komi. Tau etu uyunya Komi puenya, pei Komi roomo mansarumakaka sira resi Aku. Wali sira re’e mampalaika tuntuMu.

Sura Magali Nuntu Ngkatuwu

⁶ Roomo Kupapaincanika tau kakominya Papa ri waʼa ntau ri lino seʼi anu ndipepombaika ri Yaku. Waʼa ntau seʼe komi tumpu-Nya, pai tau seʼe roo ndiwaika Yaku. Tau seʼe malulumo nuntu-Mi Papa.

Yohanes 17:6 Referans Kwoze

Yohanes 17:26

Aku room mampaponsanika resi sira i sema kamonsonya Komi, pasi Aku tiroo damampaponsanika wo’u sira mangkonong Komi. Naka pei Aku damangika ewa wetu see sira damamporayang sa’e sewaju ewa Komi mamporayang Aku. Pasi Aku damampaponsanika wo’u sira mangkonong Komi see Aku maya maroo ri raya nsira.” Wali ewa wetu naika i Yesu mampokai-kaika tau to mangaya.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

Yohanes 6:37

Pei re’e tau to yusa to dama’i mangalulu Aku. Tau etu semo tau to nasarumakaka mPa’angKu Aku. Pasi samparia tau to ma’i mangalulu Aku etu, Aku taa kojo damangarubak yau.

Yohanes 17:24

“Wali Pa’angKu, ane mangkonong tau to nusarumakaka ngKomi resi Aku, Aku rani sira siwaka pei Aku ri tampa daKukaroo. Aku rani ewa wetu see sira maya damangkita angga pasi kayawa to nawaika ngKomi Aku re’e katawanya lino rapapowali. Naka pei Komi mangawaika Aku angga pasi kayawa etu apa saba Komi mamporayang Aku.

Yohanes 17:2

Apa Komi roomo mangawaika Aku kuasa damangkuasang samparia to lino, see Aku maya mangawaika katuwu to singkasaenya resi samparia sira to Komi mansarumakaka resi Aku.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Yohanes 15:19

Ane rapanya komi samba’a pampobuuka pei to lino to taa mangaya etu, ane ewa see sira damamporayang komi apa komi yunu nsira. Pei komi taa samba’a pampobuuka pei sira. Aku room mangampilis komi pei mangaga’a komi yako resi sira, see naka sira maja’a nakita komi.

Pangkita 3:8

Wali Ia manganto’o, Aku re’e mangaloka wombo ri tango ngkomi, wombo etu tare tau to maya mangaba’a. Aku Kunsani lengko ngkomi. Pasi Kunsani komi taa bae karosomu, pei komi taa mandoo mangalulu pamporaningKu pasi komi taa mamposapuka Aku nempo taa bae karosomu.

Yohanes 15:7

Pei ane komi maroo masingkatao pei Aku pasi sangkani mampalaika gombongKu, ane ewa see nempo bara kesaa to nuporani ngkomi, porapi resi i Pue Allah, Pa’a, panewa Ia damangawaika komi.

Posuwunya 9:16

Pei Aku taa mangika ewa wetu. Aku taa mampopate yau komi apa Aku rani mampaponsanika komi kuasangKu see tau ri sambawo lino si’i damangabarong Aku.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

Ibrani 2:12

Ia manganto’oka i Pue Allah ewa si’i, to’oNya, “Aku damampakarebaka resi pua’ingKu mangkonong Komi. Pasi tempo kasiromu ntau to mangaya Aku damamponyanyika nyanyi to mangabarong Komi ri oyo nsira.” (Masmur 22:23)

2 Timotius 1:13

Wali kongko kojo anu to aku room mampotundeka korom seore, apa etu semo to monso pasi damawali tondong to danululuka ngkorom. Pasi ri rayanya korom mangaluluka anu to rapotundeka etu, aya i Pue pasi porayang Ia pasi porayang sa’e apa korom samba’a pei i Kerisitu Yesu.

Kolose 3:16

Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.

Roma 11:2

I Pue Allah Ia tare mangantaji yau tau to Ia mangansani pasi mamporayang yami yako pamulanya. Wimba, komi bara taa mangansani sarita i Elia to ratulis ri raya ntuntu i mPue Allah tempo owi? Tempo etu i Elia makai-kai resi i Pue Allah magagangika Ia sala ntau Israel. Ia manganto’o,

Palaong mPomakau i mPue Yesu 13:48

Wali ojo pangandonge ntau to si’a to Yahudi gombo i mPaulus dua i Barnabas etu, sira ndende kojo rayanya pasi sira mangabarong tuntu i mPue. Wali tau etu i sema-sema sira to masanang mampobuuka mangarata katuwu to singkasaenya, tau etu mangaya i Pue Yesu.

Yohanes 18:9

Ewa wetu gombo to nato’oka i Yesu sira see sira taa mangansoko kami to anaguruNya apa palaong etu mangabanang gombo to Ia room manganto’o ngena tempo Ia makai-kai resi i Pue Allah. Tempo etu Ia manganto’o, “Pa’a, tau to nusarumakaka ngKomi resi Aku tare pasi samba’a to darapakaja’aka yau.” Etu semo pakai-kai i Yesu resi i Pue Allah to rabanang.

Yohanes 17:16

Monso pu’u sira taa samba’a pampobuuka pei to lino to taa mangaya, sewaju ewa Aku taa samba’a pampobuuka pei to lino to taa mangaya.

Yohanes 17:14

Wali Aku room mamporata resi sira gombo ngKomi, see naka to lino to taa mangaya maja’a nakita sira. Apa to lino to mangaya, sira taa samba’a pampobuuka pei to lino to taa mangaya, sewaju ewa Aku taa samba’a pampobuuka pei to lino to taa mangaya.

Yohanes 15:3

Wali komi roomo rapakayongo apa saba komi mangaya gombo to Aku room manganto’oka komi.

Yohanes 12:28

Wali ojo karoonya i Yesu manganto’o gombo etu, Ia makai-kai resi i Pue Allah, Ia manganto’o, “Pa’a, papokitaka to lino kayawaMu see sira damangabarong Komi!” Wali ojo karoonya i Yesu manganto’o pokai-kai etu, mansaka radonge loo yako ndate saruga, loo etu manganto’o, “Aku roomo mampapokitaka to lino kayawangKu, pasi Aku damampapokitaka wo’u sira ri tempo to darata.”

Yohanes 6:39

Wali pamporani mPa’angKu to nampokau Aku, etu semo Ia rani Aku mangararamaka kojo samparia tau to isarumakakaNya resi Aku, see samparia sira darapalaes. Kasimbalinya yako etu, Ia rani Aku mangawangu muni samparia tau etu yako ri kapatenya ane rata ri kapuranya temponya to si’i. Apa ane ewa pamporani to si Ia, etu semo samparia tau to mangansani i sema kamonsonya Aku to AnaNya, pasi to mangaya Aku, tau etu damangarata katuwu to singkasaenya.”

Yohanes 1:18

Wali kamonsonya tare pasi samba’a to lino to re’e mangkita i Pue Allah. Pei AnaNya to samba’aja, Ia semo to mampaponsanika kita mangkonong i Pue Allah, apa Ia Allah seja pasi Ia samba’a pei Pa’aNya.

1 Petrus 1:1

Sura si’i yako resi aku, i Petrus. Aku samba’a pomakau i Yesu Kerisitu. Wali aku mangantulis sura si’i resi komi to napilis seja i mPue Allah. Komi mawali tau to rata nja’u lipu ntau to yusa, apa komi tiga’as pei maroo ri juku propinsi Pontus, Galatia, Kapadokia, Asia pasi Bitinia.

Yohanes 8:51

Wali Aku manganto’oka komi, monso pu’u tau to mampalaika gombongKu, tau etu taa kojo damangarata kapate.”

Yohanes 8:52

Wali re’e to Yahudi to manganto’oka i Yesu, “Gete! Manasamo resi kami si’i-si’i Korom monso pu’u kameasa! Apa i Abraham roomo namate yau pasi ewa see seja samparia to pantuntu tuntu i mPue Allah tempo owi. Pei Korom manganto’o ane tau mampalaika gomboMu, tau etu taa kojo damangarata kapate.

Yohanes 17:7

Pasi tempo si’i sira manasanya samparia anu to nuwaika ngKomi Aku. Sira mangansani anu to etu monso pu’u yako resi Komi semo.

Yohanes 17:12

Tempo Aku tiroowa siwaka pei sira ri lino si’i, tempo etu Aku semo to mangararamaka sira mangampake kuasa to nuwaika ngKomi Aku. Wali sira to Aku mangararamaka etu, tare to rapakaja’aka yau kasimbalinya yako samba’a tau to taa maya taa darapakaja’aka yau. Wali palaong etu mangabanang gombo to ratulis ri raya ntuntu ngKomi.

Pangkita 3:10

Wali Aku damangararamaka komi ane ratamo temponya pansoba to damangansoba samparia to lino, apa komi re’e mampolaika porentangKu to manganto’o pakabae sabaramu ri raya ngkasusa to nurata ngkomi.