Yohanes 17:4 - Tuntu i mPue ri Basa Taa

⁴ Wali ri lino si’i Aku sangkani mampolaika songka ngKomi pei mampakaroo palaong to nuwaika ngKomi Aku mangika. Wali yako palaong to inikangKu etu, Aku roomo mampakabae Komi.

Sura Magali Nuntu Ngkatuwu

⁴ Roo Kubangkei i Papa ri lino seʼi ri Kupamparoo tetala anu ndipokauka Yaku.

Yohanes 17:4 Referans Kwoze

Yohanes 4:34

Pei batuanginya gombo i Yesu etu si’a mangkonong pangkoni to biasa, mangkonong palaongiNya semo. Ia mampakarebaka resi tau mangkonong songka i mPue Allah damampalaes sira mangampake Ia, Makole parajanji i mPue Allah. Wali tempo Ia mampakarebaka sira etu, palaong etu mawali ewa pangkoni resi Ia apa mampakaroso rayaNya. Wali Ia manganto’oka kami, “Anu to ewa pangkoni to mampakaroso rayangKu etu, etu semo mangalulu pamporani mPa’angKu to nampokau Aku, pasi mampakaroo palaong to Ia mansarumakaka resi Aku.”

Palaong mPomakau i mPue Yesu 20:24

Pei aku taa mampobuuka bae batuanginya katuwungku, apa to bae batuanginya resi aku mampakaroo palaong to nasarumakaka i mPue Yesu aku. Palaong etu semo mampakareba kareba matao mangkonong kanoto i mPue Allah. Wali see naka aku tiroo dayau ndeku Yerusalem.

2 Timotius 4:7

Wali aku matao kojo nangika mampasilonga palaong to nawaika i mPue Allah aku. Ewa naika ntau to matilumba rata ri ungka mpatilumbanya etu, ewa see seja aku naratamo ri ungka mpalaongingku. Pasi pangayangku resi i Pue tare pombalinya.

Yohanes 19:30

Ojo karoonya i Yesu mangampipis ue nu anggur etu, Ia manganto’o, “Roomo rapakagana palaongingKu!” Roo see Ia madungku pei pura nosaNya.

Yohanes 14:31

pei Aku buya rayangKu mangabiaka palaong to danaika nu joanya resi Aku. Aku damangika ewa wetu mangalulu samparia to naporentangika mPa’angKu Aku see to lino damangansani Aku mamporayang Pa’angKu. Wali yaumo kita, mampiyaika tampa si’i.”

Yohanes 15:10

Pasi palaika porenta-porentangKu, apa ane komi mampalaika, komi sangkani masanang mampobuuka pamporayangingKu resi komi etu. Wali tempo komi mampolaika Aku etu, komi mangika seja to Aku mangika, apa Aku sangkani seja mampalaika porenta-porenta mPa’angKu, wali see naka Aku sangkani masanang mampobuuka pamporayangiNya resi Aku.

Yohanes 14:13

wali nempo bara kesaa to komi mamporapi resi Pa’angKu mangika, Aku damangikaka komi apa saba komi Aku puenya. Naka pei Aku damangika ewa wetu see Pa’angKu darabarong saba yako palaong to Aku, AnaNya, mangika etu.

Yohanes 12:28

Wali ojo karoonya i Yesu manganto’o gombo etu, Ia makai-kai resi i Pue Allah, Ia manganto’o, “Pa’a, papokitaka to lino kayawaMu see sira damangabarong Komi!” Wali ojo karoonya i Yesu manganto’o pokai-kai etu, mansaka radonge loo yako ndate saruga, loo etu manganto’o, “Aku roomo mampapokitaka to lino kayawangKu, pasi Aku damampapokitaka wo’u sira ri tempo to darata.”

Yohanes 9:3

Wali i Yesu mangansono, Ia manganto’o, “Naka pei tau si’i buta, si’a apa ia re’e mangika dosa. Pasi si’a seja apa saba tau tu’anya nangika dosa. Naka pei ia buta see tau boros damangkita palaong to danaika i mPue Allah resi ia.

Yohanes 5:36

“Wali i Yohanes mawali matamanasa mangkonong i sema kamonsonya Aku. Pei rapanya nempo ia taa mawali matamanasangKu, taa mawei apa re’e to bae wo’u batuanginya pei gombo to nato’o i Yohanes etu to mampakanasa mangkonong Aku. Etu semo palaong to Aku mangika. Palaong etu nawaika mPa’angKu Aku damampakaroo, wali palaong etu semo mampakanasaka resi tau monso pu’u Pa’angKu nampokau Aku.

Lukas 22:37

Apa Aku manganto’oka komi, gombo to ratulis ri raya ntuntu i mPue Allah mangkonong Aku, gombo etu taa maya taa datibanang. Wali gombo to mangkonong Aku etu manganto’o, ‘Ia rabotus panewa Ia rato’oka seja samba’a tau to mangewa porenta i mPue Allah.’ (Yesaya 53:12) Wali gombo etu tamo masae datibanang.”

Yohanes 19:28

Wali yako etu i Yesu mangansani samparia palaong to nawaika i mPue Allah Ia mangika roomo rapakagana. Wali see naka Ia manganto’o, “Aku mara ngangangKu.” Naka pei Ia manganto’o ewa wetu see darabanang gombo to ratulis yami ri raya ntuntu i mPue Allah.