Yohanes 17:25 - Tuntu i mPue ri Basa Taa

²⁵ “O Pa’a, Komi to sangkani mangika ewa wimba to masipato raika, Aku manganto’o resi Komi mangkonong to lino to taa mangaya, sira taa mangansani i sema kamonsonya Komi. Pei nempo ewa see, Aku mangansani Komi. Pasi anagurungKu seja mangansanika Komi semo to nampokau Aku.

Sura Magali Nuntu Ngkatuwu

²⁵ Papa, Komi mayoa! Lino bareʼe maincani i Papa, paikanya Yaku maincani i Papa; pai waʼa ntau seʼi maincani ka-Kominya anu mampokau Yaku.

Yohanes 17:25 Referans Kwoze

Yohanes 17:11

Wali si’i-si’i Aku dayau muni resi Komi, wali Aku tamo damaroo ri lino si’i. Pei tau to Komi mansarumakaka resi Aku etu, sira tiroowa damaroo ri lino si’i. Wali Pa’a anu to Mapasing, Kuporapika resi Komi see Komi damangararamaka sira mangampake kuasa ngKomi. Kuasa etu semo kuasa to nuwaika seja ngKomi Aku. Wali raramaka sira see sira samba’a pampobuuka sewaju ewa Kita samba’a pampobuuka.

Yohanes 17:8

Apa Aku roomo mamporata resi sira gombo to nuto’oka ngKomi Aku, pasi sira mampodongeka kojomo gombo etu. Wali sira manasanya monso pu’u Aku ma’i yako resi Komi, pasi sira mangaya Komi semo to nampokau Aku.

Yohanes 15:21

Pei to lino to maja’a nakita komi, sira damangansesai komi apa saba komi Aku puenya. Naka pei sira damangika ewa wetu apa sira taa mangansani Ia to nampokau Aku.

Yohanes 7:29

Pei Aku mangansani kojo i sema kamonsonya Ia apa Aku ma’i yako resi Ia pasi Ia semo to nampokau Aku.”

Yohanes 16:27

apa Pa’angKu, Ia mamporayang komi. Naka pei Ia mamporayang komi apa saba komi mamporayang Aku pasi apa saba komi mangaya Aku ma’i napokau i mPue Allah.

Ibrani 8:11

Pasi ri tempo etu tamo re’e batuanginya tau damangampotundeka yunu nsira pasi pua’i nsira manganto’o, “To tao-tao komi mangansani i Pue.” Tare batuanginya manganto’o ewa see apa tempo etu samparia tau paka damangansani Aku, nempo to mayunuwa, pasi to bosemo.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

Yohanes 8:55

pei komi taa masinsani pei Ia. Aku semo to masinsani pei Ia. Wali ane rapanya Aku manganto’o Aku taa masinsani pei Ia, ane ewa see Aku mawuti sewaju pei komi. Pei Aku masinsani kojo pei Ia pasi Aku mampalaika gomboNya.

Lukas 10:22

Wali yako etu i Yesu manganto’oka wo’u tau boros, Ia manganto’o, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo patanya tau to Aku rani mampaponsanika mangkonong Pa’angKu, ojo tau etu maya mangansani seja Ia.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

1 Yohanes 1:9

Apa i Pue Allah roomo manganto'o samparia tau paka madosa. Wali ane kita manganto'o tare dosanta, batuanginya kita manganto'o i Pue Allah mawuti. Pasi ane kita manganto'o ewa wetu, batuanginya kita taa mangaya tuntu i mPue Allah. Pei ane kita mampongakung dosanta, i Pue Allah tamo damangkitanaka dosanta etu. Kita mangansani monso pu’u Ia tamo damangkitanaka dosanta etu apa Ia roomo mamparajanjika kita ewa wetu. Pasi kita tansani Ia maya rasarumaka pasi Ia sangkani mangika ewa wimba to masipato raika. Wali Ia damampakayongo raya ngkita yako samparia lengkonta to taa singkonong pei Ia.

2 Tesalonika 1:8

Pasi tempo Ia ma’i etu re’e apu to mawea to Ia damangampake mangahuku tau to taa mangansani i Pue Allah pasi to bo’onya mampalaika kareba matao mangkonong i Yesu Kerisitu, Pue ngkita.

1 Korintus 15:34

Wali pasilonga muni pampobuuka ngkomi pei ika anu to singkonong pei i Pue Allah. Pandooka mangika dosa. Apa re’e komi to taa kojo mangansani i Pue Allah. Wali naka pei aku mampogomboka komi ewa wetu see komi damangepe mea.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.

Roma 3:26

Pei dosa nto lino taa maya taa rahuku, wali see naka i Pue Allah mangahuku i Yesu mangabolos to lino. Wali yako ri palaong etu Ia mampaponsanika kita ri tempo si’i Ia sangkani mangika anu to masipato raika. Wali i Pue Allah tare dosaNya, pasi i sema tau to mangaya i Yesu, tau etu nato’o seja i mPue Allah tare dosanya.

Roma 3:11

Tare pasi samba’a tau to mangansani jaya anu to monso, pasi tare to mawongko rayanya resi i Pue Allah.

Roma 1:28

Wali apa saba tau taa rani mampatimonso i Pue Allah ri raya pampobuuka nsira, see naka i Pue Allah jamo mangabiaka yau pampobuuka nsira etu mawali maja’a. Wali yako ri pampobuuka to maja’a etu see naka sira mampolengkoka lengko to taa masipato naika ntau.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Palaong mPomakau i mPue Yesu 17:23

Apa tempo aku malinja-linja ri kota ngkomi si’i aku re’e mangkita boros anu to nupue ngkomi. Pasi aku mangarata seja palampa to nja’u ratulis, ‘RESI PUE TO TAA RANSANI.’ Wali Pue to nupue ngkomi pasi to taa nunsani ngkomi etu, Pue etu semo to kupakarebaka resi komi.

Yohanes 17:23

Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

Yohanes 17:21

Aku makai-kai resi Komi, Pa’a, see tau to damangaya etu, sira samparia damawali samba’a pampobuuka nsira sewaju ewa Kita. Apa Komi samba’a pei Aku, pasi Aku samba’a pei Komi. Wali Aku makai-kai see sira mawali samba’a pampobuuka pei Kita. Etu semo pokai-kaingKu, apa ane sira samba’a pampobuuka pei Kita, to lino to taa mangaya, sira damangansani monso pu’u Komi semo to nampokau Aku.

Yohanes 17:18

Apa ewa wimba naika ngKomi nampokau Aku ma’i mangika palaongiMu ri lino, ewa see seja Aku mampokau sira mangika palaongiMu ri lino.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Yohanes 16:30

Wali kami manasamo si’i-si’i Komi mangansani samparia. Apa nempo tau tawa mampotanaka resi Komi, pei Komi mangansani yami pampotanaka nsira etu. Wali see naka kami mangaya Komi ma’i napokau i mPue Allah.”

Yohanes 16:3

Wali naka pei sira damangansesai komi ewa wetu apa sira taa kojo mangansani i sema kamonsonya Pa’angKu pasi i sema kamonsonya Aku.

Yohanes 8:19

Wali to Yahudi to aliran Parisi etu, sira mampotanaka resi Ia, “Imbare Pa’aMu?” I Yesu mangansono, “Komi taa mangansani i sema kamonsonya Aku, pasi komi taa seja mangansani i sema kamonsonya Pa’angKu. Apa ane komi mangansani i sema kamonsonya Aku, komi damangansani seja i sema kamonsonya Pa’angKu.”

Yohanes 6:19

Panewa ojo kagananya lima bara ono kilometer kami mangawose bangka etu, tempo etu kami re’e mangangkita i Yesu mangampago bangka mami, pei i Yesu Ia malinja ri wawo nue. Wali kami meka kojo raya mami apa mampobuuka Ia bara wonggo.

Yohanes 3:17

Apa kamonsonya i Pue Allah mampokau Aku, AnaNya, ma’i ri lino si’i, si’a ma’i damangahuku to lino, pei yako palaong to Aku mangika see naka to lino darapalaes.

Yohanes 1:18

Wali kamonsonya tare pasi samba’a to lino to re’e mangkita i Pue Allah. Pei AnaNya to samba’aja, Ia semo to mampaponsanika kita mangkonong i Pue Allah, apa Ia Allah seja pasi Ia samba’a pei Pa’aNya.

Matius 16:16

Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

Pangkita 16:5

Panewa aku mangandonge pomakau i mPue Allah to mangkuasang ue, ia manganto’oka i Pue Allah, to’onya, “O Komi to tare dosa, to re’e tempo si’i pasi to re’e tempo owi, Komi mangahuku to lino singkonong kojo ewa sala nsira.