Yohanes 17:17 - Tuntu i mPue ri Basa Taa

¹⁷ Wali Pa’angKu, pake tuntuMu mangampotundeka sira apa tuntuMu etu, etu semo anu to monso. Wali ane sira rapotundeka anu to monso etu, sira damawali tau to rani mampolaika songka ngKomi.

Sura Magali Nuntu Ngkatuwu

¹⁷ Ndipapewali tau seʼe anu-Mi anu ndapatani mampoliu kamonco, nuntu-Mi Papa inceʼemo kamonco.

Yohanes 17:17 Referans Kwoze

Yohanes 15:3

Wali komi roomo rapakayongo apa saba komi mangaya gombo to Aku room manganto’oka komi.

Epesus 5:26

Naka pei Ia mangkapateka kita see kita damawali i Pue Allah puenya. Pasi ia mampakayongongika raya ngkita yako dosanta. Anu to Ia mangampake mampakayongongika raya ngkita, etu semo tuntuNya anu raporapaka ewa ue to rapake mangariu tau.

Yohanes 17:19

Wali Aku rani mangansawang sira, see naka Aku damangawaika korongKu damangkapateka sira. Aku mangika ewa wetu see sira maya seja mawali tau to rani mampolaika tuntu ngKomi anu to monso.” Wali etu semo gombo i Yesu mampokai-kaika anaguruNya.

Yohanes 8:32

Pasi ane ewa see, komi damangansani anu to monso, pasi anu to monso etu damangalapa komi yako anu to mampowatua komi.”

Yakobus 1:21

Wali see naka posaka yau songonya lengko to makarika pasi samparia lengko to maja’a to malagi kojo. Ne’e mabae-bae rayamu pei padongeka tuntu i mPue Allah to raporapaka ewa rapomuya ri raya ngkomi. Apa tuntuNya etu re’e kuasa mampalaes komi.

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

Epesus 4:21

Kamonsonya komi room mangandonge gombo i Yesu pasi Ia room mampotundeka komi singkonong pei anu to monso to nakita ntau ri raya ngkatuwu to si Ia.

Lukas 8:15

Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Palaong mPomakau i mPue Yesu 15:9

I Pue Allah taa mampasisala kita to Yahudi pasi sira to si’a to Yahudi. Ia room mampakayongo raya nsira apa sira mangaya i Yesu.

Lukas 8:11

Wali yako etu i Yesu manganto’oka wo’u anaguruNya, to’oNya, “Si’i semo batuanginya rapa to Aku manganto’o etu. Wali liano etu batuanginya tuntu i mPue Allah.

Yohanes 8:40

Pei komi taa mampolengkoka lengko i Abraham. Komi rani mampopate yau Aku apa saba Aku mamparata resi komi anu to monso to nato’oka i mPue Allah Aku. Si’a ewa wetu palaong to naika i Abraham!