Yohanes 16:32 - Tuntu i mPue ri Basa Taa

³² Wali daratamo temponya komi dameka rayamu see naka komi damiyai yau njo’u banua ngkomi samba’a pei samba’a, damangampiyaika yau Aku, see tamore yunungKu. Pei nempo ewa wetu, Aku taa ojo ngkaliongKu, apa Pa’angKu tiroowa re’e resi Aku.

Sura Magali Nuntu Ngkatuwu

³² Peole! Da rata temponya, pai lawi ratamo, komi da ndawuraga. Sambaʼa-sambaʼa komi, da mewalili ri banuami, da ndipalaika Yaku ngkalio-Ku. Paikanya Yaku banya podo ngkalio-Ku maka i Papa da sangkani-ngkani pai Yaku.

Yohanes 16:32 Referans Kwoze

Matius 26:31

Wali rata ri Tongku Saitun, i Yesu manganto’oka kami to anaguruNya, Ia manganto’o, “Komi paka damampiyaika yau Aku nene si’i, apa ewa wetu semo to ratulis ri raya ntuntu i mPue Allah. I Pue Allah mangaligi mangkonong Aku pasi mangkonong komi, Ia manganto’o, ‘Aku damampopate yau to pangkampang domba, panewa dombanya etu damiyai yau samba’a pei samba’a.’ (Sakharia 13:7) Etu semo gombo to ratulis.

Yohanes 8:29

Wali Pa’angKu to nampokau Aku, Ia sangkani siwaka pei Aku. Pasi Ia taa mampiyaika Aku apa Aku sangkani mangika palaong to mampakasanang Ia.”

Yohanes 8:16

Pei rapanya ane Aku mangabotus tau, kono kojo Kuika, apa si’a ojo Aku mangika palaong to etu. Pa’angKu to nampokau Aku, Ia mangika seja palaong to etu sindara-ndara pei Aku.

Markus 14:27

Wali rata ri Tongku Saitun, i Yesu manganto’oka anaguruNya, Ia manganto’o, “Komi paka damampiyaika yau Aku nene si’i, apa ewa wetu semo to ratulis ri raya tuntu i mPue Allah. I Pue Allah mangaligi mangkonong Aku pasi mangkonong komi, Ia manganto’o, ‘Aku damampopate yau to pangkampang domba, panewa dombanya etu damiyai yau samba’a pei samba’a.’ (Sakharia 13:7) Etu semo gombo to ratulis.

Matius 26:56

Pei samparia palaong to si’i naka pei mawali see tibanang gombo to natulis yami nto pantuntu tuntu i mPue Allah tempo owi.” Wali ojo karoonya i Yesu magombo etu, kami to anaguruNya miyai yau samparia mampiyaika Ia.

Yohanes 20:10

Wali yako etu anaguru i Yesu dua mba’a etu mawolili muni njo’u banuanya.

Yohanes 16:25

Wali yako etu i Yesu manganto’oka wo’u kami to anaguruNya, “Rataka ri tempo si’i Aku mampotundeka komi mangampake ligi. Pei darata temponya Aku tamo damangampake ligi, tempo etu Aku damampakanasaka kojo komi mangkonong Pa’angKu.

Yohanes 16:2

Apa sira taa damangabiaka komi masua ri raya banua to napampotunde ngkita to Yahudi. Pasi darata temponya bara re’e tau to mampopate yau komi, sira damampobuuka palaong etu mangansawang i Pue Allah.

Yohanes 4:21

Wali i Yesu manganto’o, “Indo, aya gombongKu si’i. Apa darata temponya si’a tongku si’i pasi si’a seja Yerusalem tampa napampue ntau mampakabae i Pue Allah, Pa’a. Apa i Pue Allah, Ia nosa semo, wali Ia si’a ojo santolo nakare’e. Wali see naka kamonsonya ratamo temponya tau to monso pu’u mampue mampakabae i Pue Allah, Pa’a, tau etu nempo imbare sira, pei sira maya mampue mampakabae Ia. Apa sira mampue mampakabae Ia ri kamonso-monsonya pasi i Nosa Mapasing semo to mangansawang sira mangika palaong to etu. Wali i Pue Allah, Pa’a, Ia mangaliwu tau to ewa wetu inikanya mampue mampakabae Ia. Wali ane komi to Samaria, komi mampue mampakabae i Pue Allah, pei komi taa mangansani ewa wimba kamonsonya Ia. Pei kami to Yahudi, kami mangansani Ia to napue mami etu. Apa Ia roomo mampaponsanika kami to Yahudi yako resi kami semo dama’i to Pansompo to damangampalaes to lino.”

Yohanes 12:23

Wali i Yesu manganto’o, to’oNya, “Naratamo temponya i Pue Allah damampapokitaka to lino kayawa to si Aku, Wiyaa nto Lino, etu semo tempo Aku darapopate yau pei mambangu muni pasi dayau muni nto’u saruga.

Yohanes 5:28

“Wali ne’e ipu raya ngkomi mangandonge gombongKu etu, apa darata seja temponya samparia tau to matem paka damangandonge loongKu mampokio sira.

Yohanes 5:25

Wali samparia tau to tawa mangaya, sira maya raporapaka ewa tau mate, apa sira raga’a yako resi i Pue Allah. Pei Aku manganto’oka komi, monso pu’u darata temponya tau to tawa mangaya etu, sira damangandonge gombo nu Ana i mPue Allah, wali sira to mampodongeka pasi mangaya gombongKu etu, sira darawaika katuwu. Wali kamonsonya si’i semo temponya komi damampodongeka gombongKu etu.

Markus 14:50

Wali ojo karoonya i Yesu magombo etu, anaguruNya miyai yau samparia mampiyaika Ia.

Palaong mPomakau i mPue Yesu 8:1

Wali i Saulus to mangajagang pake ntau to mampopate yau i Stepanus etu, ia singkonong seja i Stepanus rapopate yau. Wali ojo pampopate yau i Stepanus etu, ma’i tau to mampalaika kojo i Pue Allah saba manga’angga Ia. Sira mangoko lemba i nStepanus panewa mampongkeli yau. Sira mangantangis kojo ia apa mawo kojo rayanya. Pasi ri eo etu semo tau to taa mangaya sira mula mangansesai kojo tau to mangaya ri Yerusalem. Wali see naka tau to mangaya etu samparia tiga’as yau, jamo patanya pomakau i mPue Yesu to re’ewa ri kota etu. Wali sira to tiga’as yau etu sira yau njo’u lipu-lipu ri sambawo propinsi Yudea pasi Samaria.

Yohanes 16:31

Wali i Yesu manganto’oka kami, “Bara monso pu’u komi mangaya ri tempo si’i, pei tawa maroso pangaya ngkomi etu.

Yohanes 19:27

Panewa Ia manganto’oka anaguruNya etu, “Ia semo damawali ewa indomu si’i si’i.” Wali see naka ane rata temponya anaguru etu yau muni ri lipunya, tempo etu ia mangkeni indo i Yesu damaroo nja’u banuanya.

Palaong mPomakau i mPue Yesu 21:6

Yako etu kami mapone ri bangka panewa sira mawolili muni nda’a banuanya.