Yohanes 16:22 - Tuntu i mPue ri Basa Taa

²² Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

Sura Magali Nuntu Ngkatuwu

²² Ewanceʼemo woʼu komi: Seʼi-seʼi mapari rayami, paikanya Yaku da momberata muni pai komi, da mawongko muni rayami. Pai wongko ndayami seʼe bareʼemo reʼe tau anu mangkoto da mantima.

Yohanes 16:22 Referans Kwoze

1 Petrus 1:8

Wali kamonsonya tempo si’i komi tawa mangkita i Yesu Kerisitu etu, pei nempo ewa see komi tiroo mamporayang Ia. Pasi nempo komi tawa seja mangkita Ia, komi tiroo mangaya Ia, wali see naka ndende raya ngkomi. Pasi bae kojo kandende ndaya ngkomi etu. Wali taa gana ane ojo gombo ngkita to lino damampakanasa kabaenya kandende ndaya etu.

Palaong mPomakau i mPue Yesu 13:52

Pei anaguru i mPue Yesu to re’ewa ri kota Antiokhia etu sira tiroo ndende kojo rayanya pasi bae kojo karoso ndaya to nawaika i Nosa Mapasing sira.

Yohanes 16:6

Komi ojo mawo raya ngkomi apa saba gombo to Aku roomo manganto’oka komi etu.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

Palaong mPomakau i mPue Yesu 16:25

Yako etu, bara ntongo wuri, i Paulus sira dua i Silas sira tongonya makai-kai pasi manyanyi nyanyi to mangabarong i Pue Allah. Pasi samparia tau to ri raya ntarungku etu mampodongeka sira dua.

Palaong mPomakau i mPue Yesu 2:46

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Ibrani 6:18

Wali i Pue Allah taa maya mawuti, wali see naka manasa Ia taa mawuti tempo Ia mangika parajanjiNya. Pasi Ia taa seja mawuti tempo Ia mangampake sangaNya mampakatantu parajanjiNya etu. Pasi samparia gombo to ito’okaNya tempo mangika parajanji pasi tempo mampakatantu parajanjiNya etu taa kojo damambali. Wali see naka kita to roomo mampago i Pue Allah darapalaes, kita rapakaroso rayanta see tare pandoonya mansarumaka i Pue Allah pasi mangampeas anu to Ia roomo mamparajanjika, to kita damangarata.

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Yohanes 21:7

Wali anaguru to naporayang kojo i Yesu, ia manganto’oka i Petrus, “Gete, i Pue semo etu!” Wali ojo pangandonge i mPetrus i Pue semo to nja’u ria, ia mansaka mamposunsuka muni pakenya apa ia roomo mangawonsu yau tempo mapalaong. Roo see ia matambesi yau lo’u raya nu ue damangampago wii ndano.

Yohanes 14:27

“Wali tempo Aku yau, re’e to Aku ewa mangansombo resi komi. Etu semo karodo ndaya. Wali karodo ndaya to Kuwaika komi etu sewaju ewa karodo ndaya to re’e resi Aku. Pasi tempo Aku mangawaika komi karodo ndaya etu, taa kojo sewaju pei karodo ndaya to biasa komi mangarata ri lino. Gana kojo karodo ndaya to Kuwaika komi etu. Wali ne’e moru-moru raya ngkomi mangampobuuka Aku mampiyaika komi pasi ne’e meka.

Yohanes 14:1

Wali yako etu i Yesu manganto’oka wo’u kami to anaguruNya, Ia manganto’oka kami, “Ne’e moru-moru raya ngkomi mangampobuuka Aku mampiyaika komi. Komi mansarumaka i Pue Allah, wali sarumaka seja Aku.

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Lukas 24:41

Ojo pangkita nsira paleNya pasi witiNya etu, sira ndende kojo pasi ipu kojo mampobuuka bara monso pu’u tau si’i i Yesu, pei gete, sira tiroo ewa taa mangaya kojo. Wali see naka i Yesu mampotanaka resi sira, Ia manganto’o, “Bara re’e pangkoni to dakukoni?”

Lukas 16:25

“Pei i Abraham manganto’o, ‘Anangku, pobuuka wo’u tempo korom re’ewa ri lino. Tempo etu korom sangkani mangarata anu to matao pei i Lasarus ia ojo mangarata anu to maja’a. Pei si’i-si’i ia re’e kasanang pei korom masesa.

Lukas 10:42

Pei taa boros palaong to bae kojo batuanginya, ojo samba’aja to bae kojo batuanginya, etu semo to napilis i Maria. Wali anu to matao to ia mangampilis etu taa kojo darayali yau yako resi ia.”

Matius 28:8

Wali tau we’a etu meka-meka raya nsira pasi sira seja ndende kojo rayanya. Sira mansaka mampiyaika dayo pei maripo yau damampakarebaka resi kami to anaguru i Yesu anu to nawali etu.

Yohanes 16:20

Wali Aku manganto’oka komi, monso pu’u, tempo tau mampopate yau Aku komi datumangi mangantangis Aku, pei to lino to taa mangaya, sira dandende kojo rayanya. Komi damasusa kojo, pei yako etu kasusa ndaya ngkomi etu damawali yau kandende ndaya tempo komi mangkita wo’u Aku.

Lukas 19:26

“Wali tau puenya mangansono, to’onya, ‘Aku manganto’oka komi, i sema-sema to masipato rasarumaka, tau etu darawaika wo’u. Pei tau to taa masipato rasarumaka, tau etu nempo re’e sangkodi to rasarumakaka resi ia, to etu daraoko yau see ia tamo re’e bara kesaa.

Yohanes 16:16

Wali yako etu i Yesu manganto’oka wo’u kami to anaguruNya, “Komi tamo masae tamo maya mangkita Aku. Pei roo see, taa masae kojo komi damangkita muni Aku apa Aku dayau resi Pa’angKu.”

Yohanes 14:19

Pei ane to lino to taa mangaya, tamo masae panewa sira tamo damangkita Aku. Pei komi to mangaya damangkita Aku. Pasi apa saba Aku datuwu muni, see naka darata temponya komi seja datuwu muni yako ri kapatemu.

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.