Yohanes 16:20 - Tuntu i mPue ri Basa Taa

²⁰ Wali Aku manganto’oka komi, monso pu’u, tempo tau mampopate yau Aku komi datumangi mangantangis Aku, pei to lino to taa mangaya, sira dandende kojo rayanya. Komi damasusa kojo, pei yako etu kasusa ndaya ngkomi etu damawali yau kandende ndaya tempo komi mangkita wo’u Aku.

Sura Magali Nuntu Ngkatuwu

²⁰ Monco kutoʼoka komi, komi da motumangi pai da mokukuou, paikanya lino seʼi da mawongko rayanya. Komi da mapari rayami paikanya pari ndaya seʼe da mewali wongko ndaya.

Yohanes 16:20 Referans Kwoze

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

Matius 5:4

Masanang tau to re’e ri raya ngkamawo ndayanya ri tempo si’i apa sira darapakalindo.

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.

Markus 16:10

Wali ojo karoonya i Maria mangkita i Yesu, ia yau mampakarebaka resi tau to sindara-ndara pei i Yesu tempo Ia tawa mate. Tau etu tongo ngkatumanginya apa mawo kojo rayanya mangendo i Yesu.

I Yudas 1:24

Wali i Pue Allah anu pu’u ngkapande, Ia samba’aja. Ia to Pansompo ngkita apa saba to naika i Yesu Kerisitu, Pue ngkita. Wali Ia nakurang mangajagai kita see kita taa mangika dosa, raporapaka ewa masou. Pasi Ia nakurang mangkeni kita mampotango kayawaNya. Tempo kita mampotango Ia etu kita tare sala pasi kita ndende kojo rayanta. Wali anu kita mangabarong Ia pasi magombo mangkonong anggaNya bae kojo, mangkonong karosoNya pasi mangkonong kuasaNya yako ri tempo owi pasi tempo si’i pasi rataka wo’u ri singkasaenya. Amin. Wali ungkanyamo ruyu gombongku si’i.

Lukas 24:21

Pei ri katawanya palaong to etu mawali, kami re’e mansarumaka Ia semo to damangalapa muni kita to Israel yako ri ara ngkuasa nto Roma. Pei si’i-si’i ganamo togo eo yako ri powalinya palaong to etu.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

Roma 5:11

Pei si’a ojo etu. Kita ndende kojo rayanta mampobuuka i Pue Allah apa saba to naika i Yesu Kerisitu, Pue ngkita. Saba yako to naika i Yesu Kerisitu see naka kita masingkatao pei i Pue Allah.

Lukas 24:17

Wali i Yesu mampotanaka resi sira dua, Ia manganto’o, “Kesaa to nubotu-botus ngkomi ri raya mpalinjamu si’i?” Wali sira dua ojo mandoo yau pei maromong.

Lukas 23:27

Wali tempo i Yesu rakeni etu, boros kojo tau to mangalulu ri payuNya. Pasi ri oyo ntau boros etu re’e bara sawei mba’a tau we’a to tumangi mangantangis i Yesu.

Pangkita 18:7

Ia mampakabae koronya, pasi ia mangaluluka yau pamporani to si ia to taa kojo tita’amaka. Wali waika ia kasesa pasi kamawo ndayanya to sewaju kaparinya ewa to inikanya etu. Apa ia mampobuuka ri rayanya, ‘Aku semo makole to we’a pasi aku matunda ri gadera makole. Aku si’a tau balu, pasi aku taa damangarata kamawo ndaya. Aku sangkani damasanang.’ Etu semo to ia mampobuuka.

Pangkita 11:10

Wali to lino masanang kojo rayanya saba kapate ntau dua etu. Sira mangika roa kandende ndaya pasi ri rayanya mangika roa etu, sira damangawaika sora resi yununya samba’a pei samba’a. Naka pei sira mangika ewa wetu apa ndende rayanya tau dua etu matem, apa ri tempo ruyu, ri katawanya mate yau, to pantuntu tuntu dua etu sira mangansesai kojo to lino.

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Yohanes 16:6

Komi ojo mawo raya ngkomi apa saba gombo to Aku roomo manganto’oka komi etu.

Lukas 22:62

Wali i Petrus miyai yako ri tongonata pei ngasa-ngasa tumangi.

Lukas 22:45

Wali ojo karoonya Ia makai-kai etu, Ia makore pei mawolili muni resi anaguruNya, pei Ia mangarata sira tongo ngkayorenya apa sira manganga kojo naika ngkamawo ndaya nsira.

Lukas 6:21

Masanang komi to moro kompomu ri tempo si’i apa komi darapakabosu. Masanang komi to tumangi ri tempo si’i apa komi damagele.

Markus 14:72

Pei ojo karoonya ia manganto’o gombo etu, manu mansaka matotoro’o wo’u kadua ngkaninya. Wali ojo pangandonge i mPetrus loo nu manu etu, ia mangendo muni gombo to i Yesu roomo manganto’oka yami ia. Gombo etu semo manganto’o, “Re’e katawanya dua ngkani manu matotoro’o nene si’i, togo ngkanimo korom damamposapuka Aku.” Wali i Petrus ngasa-ngasa tumangi mangampobuuka gombo i Yesu etu.

1 Tesalonika 1:6

Wali manasa komi mangaluluka lengko mami etu pasi lengko i mPue, apa nempo bae kasesa to nurata ngkomi apa saba mangaya kareba to napakareba mami resi komi etu, pei komi tiroo ndende raya ngkomi mangaya kareba etu. Naka pei ndende raya ngkomi apa saba kandende ndaya to nawaika i Nosa Mapasing komi.

Yohanes 20:20

Ojo karoonya Ia manganto’o gombo etu, Ia rani mampakanasaka kami Ia semo to rata resi kami, see naka Ia mampaporaoka kami waka mpaku to re’e ri paleNya pasi waka nu yu’a to re’e ri usuNya. Wali ndende kojo raya mami mangangkita i Pue.

Matius 21:38

Pei ojo karata nu ana mpue nawu etu, to pangkampang nawu sira mangkita ananya etu, wali sira manganto’o samba’a pei samba’a, ‘Si’i semo tau to damangantima panta ntau pue nawu si’i. Anu kita mampopate yau ia see kita semo damangantima pantanya etu.’