Yohanes 16:16 - Tuntu i mPue ri Basa Taa

¹⁶ Wali yako etu i Yesu manganto’oka wo’u kami to anaguruNya, “Komi tamo masae tamo maya mangkita Aku. Pei roo see, taa masae kojo komi damangkita muni Aku apa Aku dayau resi Pa’angKu.”

Sura Magali Nuntu Ngkatuwu

¹⁶ “Jamo sambinoro kasaenya bareʼemo da ndikita Yaku pai podo sambinoro kasaenya da ndikita muni Yaku.”

Yohanes 16:16 Referans Kwoze

Yohanes 7:33

Wali tempo to Parisi pasi yunu nsira mampokau tau etu, tempo etu i Yesu tongo-tongonya mampogomboka tau boros. Ia manganto’o, “Aku tamo masae kojo siwaka pei komi, Aku damawolili muni resi Ia to nampokau Aku.

Palaong mPomakau i mPue Yesu 1:3

Wali ojo pampopate yau Ia, opo mpuyu mbengi kasaenya Ia malagi ngkani mampapokitaka anaguruNya koroNya pasi mampaponsanika sira mangkonong ewa wimba i Pue Allah mawali Makole nto lino. Wali manasa kojo Ia tuwu muni.

Yohanes 16:28

Wali monso pu’u Aku ma’i napokau mPa’angKu rata ri lino. Pasi tempo si’i Aku damampiyaikamo lino si’i damawolili muni resi Pa’angKu.”

Yohanes 16:22

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Yohanes 13:3

Pei i Yesu mangansani Ia ma’i yako resi i Pue Allah pasi Ia damawolili muni resi i Pue Allah. Pasi Ia mangansani Pa’aNya roomo mangawaika Ia kuasa mampasilonga samparia to mawali.

Yohanes 16:5

Pei Aku mampaponsanika komi tempo si’i apa Aku damawolili muni resi Ia to nampokau Aku. Pei tare pasi samba’a komi to mampotanaka resi Aku bara imba dakukayako etu.

Yohanes 13:33

Wali ana-anangKu, Aku tamo masae maroo dasiwaka pei komi. Wali ewa Aku manganto’oka kepala-kepala nto Yahudi seore, ewa wetu seja Aku manganto’oka komi. Etu semo, komi damangaliwu Aku, pei komi tawa maya yau ri tampa to daKukayako.

Yohanes 12:35

Wali i Yesu mangansono, to’oNya, “Aku tamo masae kojo maroo ri oyo ngkomi. Aku maya raporapaka ewa pansona to mampakaremeka komi jaya to monso apa Aku mampotundeka komi jaya to monso etu. Wali lulu Aku tempo Aku tiroowa re’i resi komi see komi mangansani jaya to monso. Apa tamo masae Aku dayau, wali tempo Aku yau etu tamore pansona resi komi see naka kodi majoli komi ewa tau to malinja ri raya mburi. Pei ane tau to malinja ri raya mburi, ia taa maya mangkita jaya, wali ia taa mangansani bara imbanjo nakanjo’u.

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Yohanes 17:13

Wali tempo si’i Aku dayaumo resi Komi. Pei ri katawanya Aku yau, tempo Aku tiroowa re’e ri lino si’i, Aku manganto’o pokai-kai si’i ri tango nu anagurungKu si’i to Komi roomo mansarumakaka resi Aku etu see sira maya mangandonge. Naka pei Aku mangika ewa wetu see sira damangarata seja kandende ndaya to bae kojo sewaju ewa kandende ndaya to re’e resi Aku.

Yohanes 17:5

Wali kuporapika resi Komi, Pa’a, see tempo Aku rata muni ri tango ngKomi, Komi damampakabae muni Aku sewaju ewa Aku rapakabae tempo ruyu, tempo lino si’i tawa rapapowali.” Etu semo pokai-kai i Yesu mampokaika koroNya.

Yohanes 16:10

Pasi Ia damampakanasaka sira see sira damangansani lengkongKu singkonong pei i Pue Allah, apa Aku yau resi Pa’angKu, wali manasa lengkongKu singkonong pei Ia. Pasi tempo Aku yau resi Ia, tempo etu komi tamo maya mangkita Aku.