Yohanes 16:11 - Tuntu i mPue ri Basa Taa

¹¹ Pasi to Pansawang etu, Ia damampakanasaka seja to lino mangkonong huku, apa i Kepala nto pantipu to mangkuasang to lino roomo rahuku wali matantu tau to mangalulu ia darahuku seja.

Sura Magali Nuntu Ngkatuwu

¹¹ I Pue Ala montepuʼumo mopahuku, maka anu makuasa ri lino seʼi ndahukumo.

Yohanes 16:11 Referans Kwoze

Yohanes 12:31

Wali ratamo temponya i Pue Allah damangahuku dosa nto lino. Pasi ratamo temponya Ia damanganangi i Kepala nto pantipu to mangkuasang lino si’i.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Kolose 2:15

Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

Pangkita 1:7

Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.

2 Petrus 3:7

Wali ewa wetu seja ri tempo si’i ane mangkonong parajanji to manganto’o Ia tiroo damangahuku to lino. Apa ojo kuasa nu gombo i mPue Allah semo to manta’amaka huku to damawali ri yangi pasi ri lino si’i. Pei monso pu’u Ia damampakaja’aka yau samparia to etu. Pei tempo etu si’amo ue to Ia damangampake, apu semo. Wali ane ratamo temponya tau to bo’onya mampatimonso Ia darabotus pasi darapakaja’aka yau, tempo etu panewa yangi pasi lino si’i damosi yau. Pei tau to bampokore bo’onya mampobuuka palaong to etu.

Ibrani 9:27

Wali songka i mPue Allah, etu semo to lino ojo sangkani mate yau panewa roo see nabotus i mPue.

Ibrani 6:2

Pasi kita roomo maguru mangkonong pambaptis to mpangaya-ngaya, pasi mangkonong ada mamposaka pale ri wawo mbo’o ntau, pasi mangkonong pambangu muni ntau mate yako ri kapatenya, pasi mangkonong huku to singkasaenya.

Epesus 2:2

Lengko ngkomi tempo etu ojo mangaluluka yau lengko nto lino anu to maja’a. Pasi tempo etu komi mangampolaika i Kepala Measa. I Kepala Measa ia matunda ri rao, wali yako ri rao etu ia mangamporentang raya ntau samparia to taa mampolaika i Pue Allah.

1 Korintus 4:5

Wali ne’emo mangabotus lengko nsa’e bara matao bara taa apa tawa rata temponya to napilis i mPue Allah rapangabotus. Peas kama’i i mPue apa Ia semo to damampaporaoka anu to taa miyala. Ia semo to damampaponsanika samparia songka to re’e ri raya ntau. Wali ri tempo etu i Pue Allah damangabarong kita samba’a pei samba’a ane re’e palaong ngkita to masipato rabarong.

Palaong mPomakau i mPue Yesu 10:42

Pasi i Yesu mangawaika kami porenta, to’oNya, ‘Pakarebaka resi tau kareba matao, pasi to’oka tau monso pu’u Aku semo to napilis i mPue Allah damangabotus to lino samparia, to tuwuwa pasi to matem.’ Etu semo porenta to nawaika i Yesu kami.

Lukas 10:18

Wali i Yesu manganto’oka sira, “Monso pu’u. Naka pei sira mampalaika komi apa nangi kepalanya, apa Aku re’e mangalo’a tempo Kepala Measa rasounaka yako ndate saruga. Kasounya etu ewa bilak kagasinya. Wali ia nangimo kuasanya.

Matius 12:36

Pei Aku manganto’oka komi, ane ratamo temponya i Pue Allah damangabotus samparia gombo nto lino, tempo etu tau samba’a pei samba’a damangansono pampotanaka i mPue Allah mangkonong samparia gombo to tare batuanginya to roomo nato’o nsira.

Matius 12:18

“Si’i semo to papolaongingKu to Aku roomo mangampilis. Ia semo to kuporayang pasi to mampakasanang kojo rayangKu. Wali Aku damangawaika Ia Nosa Mapasing yako resi Aku, pasi Ia damampakarebaka resi tau to si’a to Yahudi mangkonong songka to singkonong pei Aku.

Masmur 68:18

Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Roma 16:20

Apa ane kita mangika ewa see, tamo masae i Pue Allah, anu mangawaika kita karodo ndaya, damampakapura kuasa ngKepala Measa see kita maya manganangi ia. Wali aku mamporapika resi i Yesu Kerisitu, Pue ngkita, see Ia mampaponsanika komi kanotoNya.

Roma 2:16

Wali ewa wetu damawali ane ratamo temponya i Pue Allah damangabotus to lino. Tempo etu Ia damanganto’oka i Yesu Kerisitu semo mangika palaong to etu. Wali i Yesu Kerisitu Ia damangabotus samparia to lino. Pasiwa pampobuuka nsira to taa nansani nsa’e, Ia damangabotus seja. Wali ewa wetu damawali ane ewa panto’o ngkareba matao to kupakarebaka resi tau.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Palaong mPomakau i mPue Yesu 24:25

Pasi ia magombo seja mangkonong lengko ntau to singkonong pei i Pue Allah, pasi mangkonong ewa wimba raika manta’amaka pamporani ndaya. Pasi tempo etu ia magombo seja mangkonong ewa wimba danaika i mPue Allah mangahuku to lino. Wali tempo i Peliks mangandonge gombonya etu, ia meka rayanya pei manganto’o, “Inta ruyu! Tempo yoa panewa aku damampokio wo’u korom.”

Yohanes 16:12

“Wali boros wo’u to Aku rani mampaponsanika komi, pei Aku tawa damampaponsanika komi tempo si’i apa mabeu kojo resi komi.