Yohanes 15:27 - Tuntu i mPue ri Basa Taa

²⁷ Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”

Sura Magali Nuntu Ngkatuwu

²⁷ Pai komi woʼu da mawai posabi kono ka-Yakunya, maka komi anu sangkani-ngkani pai Yaku ungka ri pontepuʼunya.

Yohanes 15:27 Referans Kwoze

1 Yohanes 4:14

Pasi ane kami, kami manasa seja kami maroo masingkatao pei Ia apa kami re'e mangkita Ana i mPue Allah seore, wali kami mawali matamanasaNya. Pasi kami manganto'oka sa'e, "Pa'a ngkita Ia roomo mampokau AnaNya ma'i damawali to Pansompo nto lino."

Yohanes 21:24

Wali anaguru to naporayang kojo i Yesu aku semo. Wali aku semo to mawali matamanasa mangkonong palaong to etu. Pasi aku semo to roomo mangantulis gombo si’i mangkonong palaong to etu. Wali kami mangansani monso pu’u anu to aku mangantulis si’i.

Lukas 24:48

Wali komi semo to mawali matamanasa apa komi re’e mangkita samparia palaong to mawali resi Aku si’i.

Palaong mPomakau i mPue Yesu 23:11

Wali yako etu, wuri kaduanya wo’u, i Pue makore ri awe i mPaulus pei manganto’o, “Pakaroso rayamu, apa korom room mampakanasaka tau ri Yerusalem mangkonong Aku pasi ewa see seja danuika nja’u kota Roma.”

1 Petrus 5:12

Wali i Silas semo to mangansawang aku mangantulis sura to taa marade si’i. Ia seja a’i ngkita to samba’a pangaya pasi ane ri pangkita nu matangku ia maya rasarumaka. Wali naka pei aku mangantulisika komi sura si’i apa aku rani mampakaroso raya ngkomi. Pasi aku rani manganto’oka komi, sura si’i mangkonong kanoto i mPue Allah. KanotoNya etu monso pu’u. Wali pakaroso pangaya ngkomi ri kanotoNya etu.

1 Petrus 5:1

Wali re’e paposia to aku rani manganto’oka penatua ngkomi to mangaya. Apa aku seja samba’a penatua ntau to mangaya. Pasi aku samba’a matamanasa to nangkita kasesa i ngKerisitu seore. Pasi ane ratamo temponya kayawa i ngKerisitu darapapokitaka resi to lino, tempo etu aku damangarata seja santila yako kayawaNya etu.

Palaong mPomakau i mPue Yesu 4:20

Ane ewa pampobuuka mami dua, kami taa maya mampalaika porenta ngkomi etu. Apa kami taa maya mampandooka manganto’oka tau mangkonong palaong to naika i Yesu seore to kami re’e mangkita, pasi mangkonong gombo to ito’oNya seore to kami re’e mangandonge.”

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Pangkita 1:9

Wali aku semo i Yohanes, a’i ngkomi to samba’a pangaya. Komi rasesai apa saba mangalulu i Yesu, pasi aku seja rasesai sewaju pei komi. Pei ri raya ngkasesa etu kita samparia re’e sabara to nawaika i Yesu kita, pasi kita mangampeas temponya Ia damawali Makole ri lino. Wali aku raposaka ri pulo Patmos apa maja’a raya ntau tempo aku mampakarebaka tuntu i mPue resi tau pasi manganto’oka sira kareba matao mangkonong i Yesu.

Pangkita 1:2

Wali tempo roomo pomakau etu manganto’oka ia, roo etu i Yohanes mawali matamanasa pei mangantulis buku si’i mangkonong gombo i mPue Allah anu to napaponsanika i Yesu Kerisitu. Wali samparia anu to nakita i Yohanes, etu semo to ia mangantulis.

Palaong mPomakau i mPue Yesu 18:5

Wali yako etu ratamo i Silas sira dua i Timotius, ma’i yako ri Makedonia. Tempo sira dua rata etu, i Paulus tamo mangika palaong to yusa kasimbalinya yako mampakarebaka tau tuntu i mPue Allah. Ia manganto’oka to Yahudi mangkonong i Yesu, Ia semo i Kerisitu, Makole parajanji i mPue Allah.

Palaong mPomakau i mPue Yesu 13:31

panewa yako etu i Yesu malagi mbengi mampapokitaka koroNya resi tau to mangalulu Ia yako ri Galilea rataka ri Yerusalem. Wali tempo si’i tau to nangkita Ia etu, sira mawali matamanasa mangkonong Ia resi kita to Israel.

Palaong mPomakau i mPue Yesu 4:33

Wali bae kojo kuasa mpomakau i mPue Yesu tempo sira mampakarebaka tau, manganto’o, “I Pue Yesu Ia mambangu muni yako ri kapateNya.” Pasi tau to mangaya etu bae kojo kanoto i mPue Allah to re’e resi sira.

Yohanes 19:35

Wali monso pu’u ewa wetu palaong to mawali ri tempo i Yesu mate ri kaju pasape etu, apa re’e tau to mawali matamanasa mpalaong to etu. Wali tau to mawali matamanasa mpalaong etu, aku semo to mangansaritaka resi komi. Aku mangansani monso kojo anu to aku manganto’o, pasi naka pei aku mangansaritaka mangkonong palaong to etu see komi maya mangaya seja.

Palaong mPomakau i mPue Yesu 3:15

Panewa komi mampopate yau i Yesu anu pu’u ngkatuwu. Pei karoonya komi mampopate yau Ia i Pue Allah mangawangu muni Ia yako ri kapateNya. Pasi kami semo matamanasa palaong to etu.

Markus 1:1

Si’i semo pamulanya kareba matao mangkonong i Yesu Kerisitu, Ana i mPue Allah.