Yohanes 15:22 - Tuntu i mPue ri Basa Taa

²² “Wali ane rapanya Aku taa ma’i mampotundeka to lino to etu anu to monso, ane ewa see sira taa maya rato’oka madosa ane sira mampobo’o Aku. Pei Aku nama’i kojo mampotunde sira, see naka tamore sono to naponoto nsira mangkonong dosa nsira etu. Manasa kojo sira madosa.

Sura Magali Nuntu Ngkatuwu

²² Ane rapanya bareʼe maʼi Yaku mantotoraka tau seʼe, bareʼe da napomasala. Paikanya ua karoonyamo Kutotoraka bareʼemo da nakoto mampesapuka kasala ntau seʼe.

Yohanes 15:22 Referans Kwoze

Yohanes 9:41

I Yesu mangansono, “Taa, apa ane rapanya komi monso pu’u ewa tau buta, batuanginya komi tawa mangansani anu to monso yako resi i Pue Allah, ane ewa see, taa masipato manganto’o komi mangewa anu to monso etu. Pei komi mampoanika mangansani anu to monso etu, wali see naka masipato manganto’o komi sala apa komi bo’omu mangalulu anu to monso etu.” Ewa wetu nato’o i Yesu mangansono to Yahudi to aliran Parisi etu.

Yakobus 4:17

Wali i sema-sema tau to manasanya palaong to matao to daraika, pei ia taa mangika palaong to etu, batuanginya ia mangika dosa.

Palaong mPomakau i mPue Yesu 17:30

Tempo ruyu, tempo to lino tawa mangansani pamporani i mPue Allah, tempo etu i Pue Allah ojo mangansabaraka sala to naika ntau etu. Pei ri tempo si’i Ia mamporentang samparia tau ri sambawo lino, to’oNya, ‘Pajeamo!’

Roma 1:20

Apa yako ri temponya i Pue Allah nampapowali lino rataka ri tempo si’i, tau manasanya mangangkita samparia anu to napapowali etu. Wali yako anu to nakita ntau etu, re’e to sira maya mangansani mangkonong i Pue Allah. Nempo anu to taa rakita, sira maya mangansani. Wali anu to taa rakita to maya nansani nsira etu semo Ia monso pu’u i Pue Allah pasi Ia maroso rataka singkasaenya. Wali see naka sira taa maya manganto’o, “Taa masipato aku rahuku apa aku taa kunsani i Pue Allah.”

Yohanes 12:48

Pei tau to mampobo’o Aku pasi to taa mampodongeka gombongKu, re’e kojo anu to damampakanasa tau etu masipato rahuku. Anu to mampakanasa etu, etu semo gombo to Aku roomo manganto’o. Apa ane temponya i Pue mosumo darata, tempo etu tau to mampobo’o Aku ia darahuku singkonong pei gombo to Aku roomo manganto’o etu.

1 Petrus 2:16

Wali si’a batuanginya kita watua mpomarenta. Kamonsonya kita masanang apa kita taa napowatua ntau. Wali ika lengko ngkatuwu to masipato naika ntau to si’a watua nsa’e. Pei ne’e mampobuuka, “Kami si’a watua nsa’e, wali taa mawei nempo kami mangika palaong to maja’a.” Wali to tao-tao komi ne’e mampobuuka ewa wetu apa komi nempo si’a watua ntau, pei komi to papolaong i mPue Allah. Wali to tao-tao komi mampobuuka, “Kami damangika lengko ngkatuwu to masipato naika nto papolaong i mPue Allah.”

Roma 2:1

Wali a’i-a’i, bara i sema komi to mampakasala lengko nu yunumu, komi sewajuja ewa mampakasala seja koromu ngkalio apa komi mangika seja lengko to etu. See naka komi tare notomu to maya nuto’o.

Lukas 12:46

Wali ane ewa see kesaa to damawali resi ia? Ewa si’i damawali. Ane ratamo eo pasi jam to taa napondayaka nto papolaong etu puenya bara darata muni, tempo etu semo tau puenya darata muni. Panewa puenya mapari kojo danaika mangahuku ia panewa damamposaka yau ia nja’u tampa to masipato darapamposaka tau to taa mangaya i Pue Allah.

Yohanes 19:11

Wali i Yesu manganto’o, “Ane si’a i Pue Allah mangawaika komi kuasa etu, komi taa kojo re’e kuasa damangika bara kesaa resi Aku. See naka tau to nangawaika yau Aku resi komi, tau etu semo to bae-bae salanya pei komi.”

Yohanes 15:23

Apa tau to maja’a nakita Aku, tau etu ewa maja’a seja nakita Pa’angKu.

Yohanes 15:24

Pasi ane rapanya Aku tare mangika palaong ri oyo nsira to taa nakoto ntau to yusa mangika, ane ewa see sira taa madosa nempo mampobo’o Aku. Pei sira mangkita kojo palaong to inikangKu etu, pei sira tiroo maja’a nakita Aku pasi Pa’angKu. Wali monso pu’u sira madosa.

Yohanes 16:9

Wali to Pansawang etu, Ia damampakanasaka to lino sira madosa apa sira taa mangaya Aku.