Yohanes 15:11 - Tuntu i mPue ri Basa Taa

¹¹ Naka pei Aku manganto’oka komi samparia to etu, see komi maya mangarata seja kandende ndaya to bae kojo, sewaju ewa kandende ndaya to si Aku.

Sura Magali Nuntu Ngkatuwu

¹¹ Pura-puranya seʼi Kutoʼokamo komi, da naka wongko ndaya-Ku woʼu da tuwu ri rayami, tuarapa da maʼai kawongko ndayami.

Yohanes 15:11 Referans Kwoze

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Yohanes 17:13

Wali tempo si’i Aku dayaumo resi Komi. Pei ri katawanya Aku yau, tempo Aku tiroowa re’e ri lino si’i, Aku manganto’o pokai-kai si’i ri tango nu anagurungKu si’i to Komi roomo mansarumakaka resi Aku etu see sira maya mangandonge. Naka pei Aku mangika ewa wetu see sira damangarata seja kandende ndaya to bae kojo sewaju ewa kandende ndaya to re’e resi Aku.

Yohanes 16:24

Wali rataka ri tempo si’i komi taware mamporapi bara kesaa manganto’o, ‘Kami marapi resi Komi saba kami i Yesu puenya.’ Pei yako tempo si’i porapi ewa wetu, apa ane komi marapi ewa wetu, komi darawaika anu to nuporapi ngkomi etu, wali dabae kojo kandende ndayamu.”

1 Yohanes 1:4

Wali kami mangantulisika komi mangkonong kasingkatao etu see manasa kojo raya ngkomi. Apa ane kita manasa mangkonong kasingkatao etu, ane ewa see, tidugang wo’u kandende ndaya ngkita.

1 Petrus 1:8

Wali kamonsonya tempo si’i komi tawa mangkita i Yesu Kerisitu etu, pei nempo ewa see komi tiroo mamporayang Ia. Pasi nempo komi tawa seja mangkita Ia, komi tiroo mangaya Ia, wali see naka ndende raya ngkomi. Pasi bae kojo kandende ndaya ngkomi etu. Wali taa gana ane ojo gombo ngkita to lino damampakanasa kabaenya kandende ndaya etu.

2 Yohanes 1:12

Wali aku boros wo'u to aku rani manganto'oka komi, pei aku taa rani mangantulis ri raya nsura. Pei tuwu-tuwuja aku dayau mayunu resi komi see kita maya magombo-gombo. Apa ane ewa wetu, bae kandende ndayanta.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

2 Korintus 1:24

Pei nempo manganseko komi, si’a batuanginya kami mampobuuka kami semo pue ngkomi pasi komi to papolaong mami. Kami taa rani mangkuasang pangaya ngkomi, apa pangaya ngkomi etu maroso yami. Pamporani mami mangansawang komi see daradugang wo’u kandende ndaya ngkomi.

1 Tesalonika 5:16

Wali nempo bara kesaa to mawali, pakandende raya ngkomi.

Lukas 15:32

Pei masipato kita mangika roa pei mampakasanang, apa tua’imu etu ruyu ewa namate yau pei si’i-si’i ia tuwu muni. Pasi ia ewa pusa pei si’i-si’i ia rarata muni.’ Ewa wetu nato’o mpa’a ngkai etu.” Wali yako etu i Yesu manganto’o, “Wali ewa wetu Aku, Wiyaa nto Lino, apa naka pei Aku ma’i ri lino si’i damampalaes tau to raporapaka ewa tau to pusa yau, wali see naka Aku mampogalungika tau to madosa.”

Lukas 15:9

Panewa tempo ia mangarata doi etu, ia mampasiromunaka samparia galunginya pasi yununya to maroo ri awenya pei manganto’oka sira, ‘Pakandende raya ngkomi sindara-ndara pei aku, apa aku roomo mangarata muni doingku to tibute yau.’ Etu wo’u rapa.

Pilipi 1:25

Etu manasa kojo resi aku, wali see naka ane ewa pampobuuka to si aku, aku tawa damate ri tempo si’i. Pei aku tiroo datuwu sindara-ndara pei komi samparia see kanjo’u-njo’u karoso-roso raya ngkomi pasi tiduga-dugang kandende ndaya ngkomi apa saba pangaya ngkomi resi i Pue.

Epesus 5:18

Wali ne’e sampe kayangu manginu tule, apa palaong to etu ojo mampakaja’a katuwu ngkomi. Pei biaka i Nosa Mapasing mangawaika komi karoso ndaya to bae kojo.

Yohanes 3:29

“Palaong to mawali etu raporapaka ewa tau to marongo. Apa to langkai ia semo to rapasiwaka pei to we’a, wali to we’a etu ia puenya. Pei galung nto langkai etu, ia masanang ojo mangalo’aka pasi mampodongeka palaong to mawali ri tempo mpaparongo etu. Pasi ia ndende kojo rayanya tempo ia mangandonge gombo ngkai to rapaporongo etu. Wali i Yesu Ia ewa to langkai to rapaporongo etu pasi tau to mangalulu Ia, sira ewa to we’a to naoko nto langkai etu, wali sira Ia puenya. Pasi aku ewa galungiNya, see naka aku ndende kojo rayangku mangandonge Ia mampogomboka tau boros ri tempo si’i.

Lukas 15:5

Wali tempo ia mangarata domba etu ia ndende kojo rayanya mamposa’a

Lukas 15:23

Pasi oko ana nsapi to roomo rapakaboko pei sambale yau. Anu kita mangika roa pei mampakasanang!