Yohanes 14:28 - Tuntu i mPue ri Basa Taa

²⁸ “Komi roomo mangandonge Aku manganto’o, ‘Aku dayau, pei roo see Aku damawolili muni resi komi.’ Wali ane komi monso pu’u mamporayang Aku, to tao-tao komi mangepe ndende rayamu mampobuuka Aku dayau muni resi Pa’angKu. Apa Pa’angKu to nampokau Aku, Ia semo to bae-bae anggaNya pei Aku, wali bae kojo batuanginya resi Aku dayau muni resi Ia.

Sura Magali Nuntu Ngkatuwu

²⁸ Ndidongemo anu Kutoʼoka komi, ‘Yaku da malai paikanya Yaku da maʼi muni ri komi’. Ane ndipotowe Yaku, da mawongko rayami ane ronga ndeku Yaku ri Papa, maka i Papa anu meruu mpeawa-A painaka Yaku.

Yohanes 14:28 Referans Kwoze

Yohanes 14:18

“Wali tempo Aku mate yau, komi taa damawali ewa ana ilu to tamore tau to mampiara, apa Aku damawolili muni resi komi.

Yohanes 20:21

Wali i Yesu manganto’oka wo’u kami, “Pakarodo rayamu! Ewa naika mPa’angKu nampokau Aku ma’i mangika palaong to iwaikaNya Aku, ewa wetu seja Aku mampokau komi dayau mangika palaong to Kuwaika komi.”

Yohanes 20:17

Wali i Yesu manganto’oka ia, “Ne’e kongko Aku, apa Aku tawa mawolili muni resi Pa’angKu. Pei inta resi anagurungKu pei porata resi sira gombongKu si’i, manganto’o, ‘Tempo si’i Aku damawolili muni resi Pa’angKu, AllahngKu semo. Ia seja Pa’a ngkomi pasi Allah ngkomi.’ Wali etu semo gombo to danuporata ngkorom resi anagurungKu.”

1 Petrus 1:8

Wali kamonsonya tempo si’i komi tawa mangkita i Yesu Kerisitu etu, pei nempo ewa see komi tiroo mamporayang Ia. Pasi nempo komi tawa seja mangkita Ia, komi tiroo mangaya Ia, wali see naka ndende raya ngkomi. Pasi bae kojo kandende ndaya ngkomi etu. Wali taa gana ane ojo gombo ngkita to lino damampakanasa kabaenya kandende ndaya etu.

1 Korintus 11:3

Pei re’e wo’u to aku rani mampaponsanika komi. Wali ewa si’i. Ane tau to langkai kepalanya i Kerisitu, pasi to we’a kepalanya to langkai, pasi i Kerisitu kepalaNya i Pue Allah.

Yohanes 16:7

Pei Aku manganto’oka komi, monso pu’u to bae-bae batuanginya resi komi ane Aku yau, apa ane rapanya Aku taa dayau, ane ewa see to Pansawang taa dama’i resi komi. Pei ane Aku yau, Aku damampokau Ia dama’i mangansawang komi.

Yohanes 14:12

“Wali Aku manganto’oka komi, monso pu’u, i sema tau to mangaya Aku, tau etu danakoto seja mangika palaong to taa rapobiasa to Aku roomo mangika etu. Pei si’a ojo palaong to ewa wetu to ia damangika. Ia damangika palaong to bae wo’u batuanginya pei palaong to etu. Apa Aku yau damaroo resi Pa’angKu,

Yohanes 10:38

Pei monso pu’u Aku mangika palaong to nawaika mPa’angKu Aku mangika. Wali komi taa mangaya gombongKu tempo Aku manganto’o Aku semo Ana i mPue Allah. Pei nempo komi taa mangaya gombongKu etu, masipato komi mangaya apa saba komi mangkita palaong to taa rapobiasa to inikangKu etu. Apa ane ewa see, komi damawali manasa ri raya ngkomi pei komi damangansani Pa’angKu Ia samba’a pei Aku pasi Aku samba’a pei Ia.”

Yohanes 5:18

Wali ojo pangandonge nto Yahudi etu gombo i Yesu, sira maja’a kojo rayanya see naka mapari wo’u naika mangaliwu jaya damampopate yau Ia. Naka pei sira rani mampopate yau Ia apa sira mampobuuka Ia mangewa porenta nu agama nsira mangkonong Eo Rapandoo. Pei si’a ojo etu sabanya naka pei sira rani mampopate yau Ia. Sira rani seja mampopate yau Ia apa saba Ia re’e manganto’o i Pue Allah semo Pa’aNya, wali ane ewa see Ia mampoanika sewaju anggaNya pei i Pue Allah.

Matius 12:18

“Si’i semo to papolaongingKu to Aku roomo mangampilis. Ia semo to kuporayang pasi to mampakasanang kojo rayangKu. Wali Aku damangawaika Ia Nosa Mapasing yako resi Aku, pasi Ia damampakarebaka resi tau to si’a to Yahudi mangkonong songka to singkonong pei Aku.

Pangkita 1:11

pei manganto’o, “Aku semo Alpa pasi Omega, batuanginya Aku semo to pamulanya pasi to kapuranya. Wali oko buku pei tulis mangkonong palaong to danukita. Panewa buku etu danupokatuka resi tau to mangaya Aku ri pitu kota nja’u tana Asia. Wali kota to pitu etu semo kota Epesus, Smirna, Pergamas, Tiatira, Sardis, Piladelpia pasi Laodikia.”

Yesaya 42:1

Wali i Pue Yawe manganto’o, “Lo’aja! Si’i semo to PapolaongingKu to ipakarosongKu apa Ia semo to Aku roomo mangampilis, pasi Aku masanang kojo resi Ia. Pasi Aku damamampokau NosangKu yau damaroo resi Ia. Wali NosangKu etu damangansawang Ia tempo Ia damangabotus samparia bansa ntau to si’a to Yahudi see Ia damangika to kono kojo pasi to masipato raika resi sira samparia.

Masmur 68:18

Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Yohanes 7:33

Wali tempo to Parisi pasi yunu nsira mampokau tau etu, tempo etu i Yesu tongo-tongonya mampogomboka tau boros. Ia manganto’o, “Aku tamo masae kojo siwaka pei komi, Aku damawolili muni resi Ia to nampokau Aku.