Yohanes 14:22 - Tuntu i mPue ri Basa Taa

²² Wali yako etu i Yudas, to si’a i Yudas Iskariot, ia manganto’o, “Pue, maka pei Komi damampakanasaka kami mangkonong koroMu, pei taa damampakanasaka to lino to boros?”

Sura Magali Nuntu Ngkatuwu

²² I Yudasi (banya i Yudasi to Karioti) meoasi ri Yesu natoʼo, “Pue, wenu painaka Komi da mampatongawa koro-Mi ri kami, banya ndipatongawa ri lino?”

Yohanes 14:22 Referans Kwoze

Palaong mPomakau i mPue Yesu 1:13

Wali tempo sira rata muni nja’u Yerusalem, sira mangampago banua to nakaroos nsira ri rayanya mangampeas sora to naparajanjika i mPue Allah, singkonong ewa to nato’oka i Yesu sira etu. Nja’u banua etu re’e wo’u songi to kadua ntampenya wali sira mapone ndate ria pasi siromu ndate ria semo. Sanga nsira to siromu etu i Petrus, i Yohanes, i Yakobus, i Andreas, i Pilipus, i Tomas, i Bartolomeus, i Matius, pasi re’e wo’u i Yakobus, ana i Alpeus, i Simon to mangangewa to Roma to mangamporentang to Yahudi, pasi i Yudas, ana i Yakobus.

Lukas 6:16

Pasi re’e seja i Yudas, ana i Yakobus pasi Yudas Iskariot to mamposora yau i Yesu resi baliNya.

Matius 10:3

Panewa re’e wo’u i Pilipus sira dua Bartolomeus, i Tomas, pasi aku, i Matius, to seore to pantagi asele. Pasi re’e wo’u i Yakobus, ana i Alpeus, pasi re’e seja i Tadeus.

I Yudas 1:1

Sura si’i yako resi aku, i Yudas. Aku semo to papolaong i Yesu Kerisitu pasi tua’i i Yakobus. Wali aku mangantulis sura si’i resi komi to napokio seja mPue Allah, to naporayang i mPue Allah, Pa’a, pasi to nararamaka i Yesu Kerisitu.

Yohanes 6:60

Wali boros anaguru i Yesu to mangandonge gomboNya etu. Tempo sira mangandonge, boros sira to manganto’o, “Gete, makasar kojo anu to Ia mampotundeka kita etu mangkonong mangkoni koroNya. Bara tare tau to nakoto mampodongeka!”

Yohanes 3:9

Wali i Nikodemus tiroowa bata-bata rayanya mangkonong rapoanaka wo’u kadua ngkaninya, see naka ia mampotanaka wo’u, to’onya, “Ewa wimba palaong to etu maya mawali?”

Yohanes 3:4

Pei i Nikodemus mampondayaka batuanginya gombo i Yesu etu mangkonong pangampoana to biasa, see naka ia ipu rayanya, ia manganto’o, “Gete, wimba danaika ntau to tu’amo darapoanaka wo’u kadua ngkaninya? Ia taa nakurang masua wo’u ri raya ngkompo nu indonya see darapoanaka wo’u!”

Markus 3:18

Panewa re’e wo’u i Andreas, Pilipus, Bartolomeus, Matius, Tomas pasi Yakobus. I Yakobus etu ia ana i Alpeus. Panewa re’e seja i Tadeus pasi i Simon. I Simon ia tau to seore nangewa to Roma to mamporentang to Yahudi. Pasi re’e seja Yudas Iskariot to mamposora yau i Yesu resi baliNya. Wali tau to sampuyu pei dua etu napilis i Yesu mawali anaguruNya.

Yohanes 6:52

Wali ojo pangandonge nto Yahudi gombo i Yesu etu, sira maja’a rayanya pei maroso loonya masibanta, sira manganto’o, “Gete, wimba danaika ntau si’i mangawaika kita koroNya datakoni?”

Yohanes 4:11

Pei tau we’a etu manganto’o, “Pa’a, mayombu kojo wayau si’i panewa la’u ue, pasi Korom tare kesaa to danusangkuka ue to la’u wayau to mayombu kojo si’i. Wali yako imbare pangarata mPa’a ue to mangawai katuwu etu?