Yohanes 14:19 - Tuntu i mPue ri Basa Taa

¹⁹ Pei ane to lino to taa mangaya, tamo masae panewa sira tamo damangkita Aku. Pei komi to mangaya damangkita Aku. Pasi apa saba Aku datuwu muni, see naka darata temponya komi seja datuwu muni yako ri kapatemu.

Sura Magali Nuntu Ngkatuwu

¹⁹ Bareʼemo masae Yaku bareʼemo da nakita lino seʼi, paikanya komi da ndikita Yaku. Pai ua Yaku tuwu, komi woʼu da tuwu.

Yohanes 14:19 Referans Kwoze

Yohanes 16:16

Wali yako etu i Yesu manganto’oka wo’u kami to anaguruNya, “Komi tamo masae tamo maya mangkita Aku. Pei roo see, taa masae kojo komi damangkita muni Aku apa Aku dayau resi Pa’angKu.”

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

Yohanes 7:33

Wali tempo to Parisi pasi yunu nsira mampokau tau etu, tempo etu i Yesu tongo-tongonya mampogomboka tau boros. Ia manganto’o, “Aku tamo masae kojo siwaka pei komi, Aku damawolili muni resi Ia to nampokau Aku.

Yohanes 11:25

Wali i Yesu manganto’oka ia, “Aku semo to mangawangu muni tau yako ri kapatenya pasi to mangawai katuwu. See naka i sema tau to mangaya Aku, nempo ia tiroo mate yau pei yako etu ia tiroo datuwu.

1 Korintus 15:45

Palaong etu singkonong pei gombo to ratulis ri raya ntuntu i mPue Allah. Apa gombo etu manganto’o to lino to uyunya rapapowali, i Adam, ia napaponosa i mPue Allah see mawali anu to tuwu. Pei i Kerisitu, to rato’oka i Adam to purinya, Ia mawali nosa to mangawaika katuwu.

Yohanes 16:22

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Roma 5:10

Pasi matantu tempo ruyu kita bali i mPue Allah, pei apa saba kapate nu AnaNya see naka kita rawali see maya masingkatao pei Ia. Wali ane kita roomo masingkatao pei i Pue Allah, wali matantu wo’u saba yako katuwu nu AnaNya see naka kita darapalaes see tamo danahuku i mPue Allah.

1 Korintus 15:20

Pei monso pu’u i Kerisitu rawangu muni yako ri kapateNya. Ia raporapaka ewa so’o mpae to uyunya rapota apa Ia semo to uyunya rawangu muni see tamo damate wo’u. Wali see naka samparia tau to mangaya Ia to namate yau, to raporapaka ewa tau to yore, tau etu darawangu muni seja sewaju pei Ia.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 13:33

Wali ana-anangKu, Aku tamo masae maroo dasiwaka pei komi. Wali ewa Aku manganto’oka kepala-kepala nto Yahudi seore, ewa wetu seja Aku manganto’oka komi. Etu semo, komi damangaliwu Aku, pei komi tawa maya yau ri tampa to daKukayako.

Yohanes 12:35

Wali i Yesu mangansono, to’oNya, “Aku tamo masae kojo maroo ri oyo ngkomi. Aku maya raporapaka ewa pansona to mampakaremeka komi jaya to monso apa Aku mampotundeka komi jaya to monso etu. Wali lulu Aku tempo Aku tiroowa re’i resi komi see komi mangansani jaya to monso. Apa tamo masae Aku dayau, wali tempo Aku yau etu tamore pansona resi komi see naka kodi majoli komi ewa tau to malinja ri raya mburi. Pei ane tau to malinja ri raya mburi, ia taa maya mangkita jaya, wali ia taa mangansani bara imbanjo nakanjo’u.

Yohanes 8:21

Wali i Yesu manganto’oka wo’u sira, to’oNya, “Aku damampiyaika komi, pasi komi damangaliwu Aku, pei komi taa kojo damangarata Aku. Komi taa maya yau ri tampa to daKukayako apa komi damate re’e katawanya dosa ngkomi ralapas.” Ewa see nato’o i Yesu.

Palaong mPomakau i mPue Yesu 10:41

Pei si’a samparia to lino to rapapokitaka, ojo patanya kami to napilis yami i mPue Allah damawali matamanasaNya. Kami re’e mangkoni pasi manginu sindara-ndara pei Ia tempo Ia room mambangu muni yako ri kapateNya.

Pangkita 20:4

Wali ojo karoonya aku mangkita palaong etu, aku mangkita wo’u gadera-gadera makole. Pasi to matunda ri gadera makole etu, sira rawaika kuasa mawali to pobotus. Pasi aku mangkita seja tonii ntau to rapu’ak yau wo’onya. Naka pei rapu’ak wo’o nsira apa saba sira mampakarebaka mangkonong i Yesu pasi mangkonong tuntu i mPue Allah. Sira taa mampue resi binatang to maja’a bara resi tau-tau binatang etu, pasi sira taa seja mangantima tondong binatang etu ri kirenya bara ri palenya. Wali sira rapu’ak wo’onya pei i Pue Allah mampotuwu muni sira panewa sira maporenta sindara-ndara pei i Kerisitu sansowu nto’u kasaenya.