Yohanes 14:18 - Tuntu i mPue ri Basa Taa

¹⁸ “Wali tempo Aku mate yau, komi taa damawali ewa ana ilu to tamore tau to mampiara, apa Aku damawolili muni resi komi.

Sura Magali Nuntu Ngkatuwu

¹⁸ Bareʼe da Kupalaika komi ewa ana ilu, Yaku da mewalili ri komi.

Yohanes 14:18 Referans Kwoze

Yohanes 14:3

Wali Aku yau damampasigenaka komi tampa, roo see Aku damawolili muni damangoko komi see komi maya maroo siwaka pei Aku.

Masmur 23:4

Wali tempo-tempo aku mangarata kasusa to mapari kojo to raporapaka ewa malinja ri lemba to mawuri ewa wuri kiji to re’e ri raya nu dayo. Pei nempo mangarata kasusa ewa wetu, aku taa meka mampobuuka bara kesaa to maja’a to damawali resi aku. Naka pei taa meka apa aku kunsani Komi, i Pue Yawe, re’e resi aku. Pasi ewa wimba kadota nto pangkampang domba mangajagang dombanya mangampake puki mpamobak pasi toko, ewa see seja kadota ngKomi mangajagang katuwungku. Wali see naka aku rapakalindo ri raya ngkasusangku etu.

Matius 18:20

Wali komi manasa pokai-kai ngkomi etu darapodongeka. Apa ane re’e tau to siromu apa saba mangalulu Aku, nempo ojo dua bara togo mba’a tau etu, Aku nja’u seja siwaka pei sira damangansawang sira.”

Yohanes 14:16

Pasi Aku damamporapika resi Pa’angKu, panewa Ia damangawaika resi komi to Pansawang to yusa, to damaroo resi komi rataka ri singkasaenya.

Matius 28:20

Pasi patundeka sira see sira damangika seja samparia anu to roomo kuporentangika resi komi. Pei ne’e nukalingan, Aku sangkani re’e resi komi rataka ri kapuranya temponya to si’i, pasi rataka ri singkasaenya.” Wali etu semo patuu i Yesu.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Ibrani 2:18

Wali apa saba Ia mawali to lino, see naka Ia nakurang kojo mangansawang kita ane kita mangarata panggoda, apa Ia semo to mangarata seja panggoda pasi kasesa seore.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

Yohanes 16:16

Wali yako etu i Yesu manganto’oka wo’u kami to anaguruNya, “Komi tamo masae tamo maya mangkita Aku. Pei roo see, taa masae kojo komi damangkita muni Aku apa Aku dayau resi Pa’angKu.”