Yohanes 14:17 - Tuntu i mPue ri Basa Taa

¹⁷ To Pansawang etu, Ia semo i Nosa to mampaponsanika komi anu to monso mangkonong i Pue Allah. Wali ane to lino to taa mangaya, sira taa rani nasawang i Nosa etu. Naka pei sira taa rani Ia mangansawang sira apa sira taa maya mangkita Ia pasi taa seja mangansani i sema kamonsonya Ia. Pei komi to mangaya, komi mangansani i sema kamonsonya Ia, apa Ia re’e maroo siwaka pei komi. Pei ane ri tempo to darata Ia damaroo ri raya ngkomi.

Sura Magali Nuntu Ngkatuwu

¹⁷ Siʼamo Inosa mPue Ala anu da mantotorakaka komi pepokono mPue Ala. Bareʼe da natarima lino seʼi Sira maka bareʼe nakita pai bareʼe naincani Sira, maka Sira da maroo-roo sangkani-ngkani pai komi pai da sambaʼa-mbaʼa pai komi.

Yohanes 14:17 Referans Kwoze

Yohanes 16:13

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

1 Yohanes 2:27

Pei komi roomo mangarata i Nosa Mapasing yako resi i Kerisitu, pasi i Nosa Mapasing etu re'e maroo ri raya ngkomi. See naka nempo tare tau to yusa to mampotundeka komi, pei komi mangansani anu to monso. Apa i Nosa Mapasing semo to mampotundeka samparia resi kita. Pasi anu to Ia mampotundeka kita etu paka monso samparia, si'a wuti. Wali see naka matao kita mangalulu samparia anu to napotundeka etu taa manto’o gomboNya to manganto’oka kita maroo masingkatao pei i Kerisitu.

Yohanes 15:26

“Wali Aku damampokau to Pansawang ma’i damangansawang komi. Ia dama’i yako resi Pa’angKu pasi Ia semo Nosa to mampakanasa anu to monso mangkonong i Pue Allah. Wali tempo Ia ma’i, tempo etu Ia damampakanasaka seja resi tau mangkonong i sema kamonsonya Aku.

1 Yohanes 4:6

Pei kami i Pue Allah Puenya. Wali tau to mangansani seja i Pue Allah, tau etu to masanang mampodongeka gombo mami. Pei tau to si'a i Pue Allah puenya, tau etu bo'onya mampodongeka gombo mami etu. Wali kita ojo mangalo’aka tau to imba to mampodongeka gombo ntau, panewa yako etu kita maya mampasisala gombo ntau etu bara to monso to yako i Nosa Mapasing, bara gombo to taa monso to yako i Kepala nto pantipu.

1 Korintus 3:16

Wali gete komi bara taa nunsani? Komi semo banua i mPue Allah, pasi i Nosa Mapasing re’e maroo ri raya ngkomi.

1 Korintus 2:14

Pei tau to tare i Nosa Mapasing resi ia, tau etu bo’onya mangantima anu to yako resi i Nosa Mapasing etu. Ia manganto’o, “Gombo etu ojo gombo ntau bea.” Wali ia taa nakurang mangansani apa gombo to yako resi i Nosa Mapasing etu, ojo i Nosa Mapasing semo to maya mampakanasaka ri raya ntau.

1 Korintus 6:19

Wali wimba komi bara room mangkalingan yau anu to rapotundeka komi seore? Etu semo to manganto’o, “Koro ngkomi mawali banua i Nosa Mapasing. Ia re’e resi komi apa nawaika i mPue Allah komi.” Wali Ia semo Pue ngkomi, si’amo komi ngkalio puenya

2 Timotius 1:14

Kita room nasarumakaka i mPue Allah mampotunde anu to monso. Wali yako ri kuasa i Nosa Mapasing to maroo ri raya ngkita, jagai kojo anu to monso etu.

Yohanes 14:16

Pasi Aku damamporapika resi Pa’angKu, panewa Ia damangawaika resi komi to Pansawang to yusa, to damaroo resi komi rataka ri singkasaenya.

Yohanes 14:23

Wali i Yesu mangansono, Ia manganto’o, “Ane tau mamporayang Aku, ia damampalaika gombongKu. Wali Pa’angKu damamporayang ia, pasi Kami dama’i maroo resi tau etu.

1 Yohanes 3:24

Wali i sema-sema tau to mampalaika porenta i mPue Allah etu, tau etu maroo masingkatao pei Ia. Pasi i Pue Allah maroo masingkatao pei tau etu. Wali naka pei kita mangansani i Pue Allah maroo masingkatao pei kita apa saba yako i Nosa Mapasing to Ia roomo mangawaika kita. Wali ane ewa see, monso pu’u kita maroso rayanta mampotango i Pue Allah.

1 Yohanes 4:4

Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

Epesus 3:17

Pasi aku makai-kai see i Kerisitu damasanang maroo ri raya ngkomi pasi masingkatao pei komi apa saba pangaya ngkomi. Apa ane ewa see, komi danapakaroso yako pamporayangiNya see komi mawali ewa kaju to maroso kalenya pasi ewa banua to maroso pondasinya.

Galatia 4:6

Wali apa saba komi roomo mawali ngana i mPue Allah, see naka Ia mampokau Nosa nu AnaNya ma’i maroo ri raya ngkomi see manasa kojo komi anaNya. Pasi yako Nosa nu AnaNya etu see naka komi mangansani manganto’oka i Pue Allah, “O Baba, Komi semo Pa’angku.”

2 Korintus 13:5

Wali paresa raya ngkomi samba’a pei samba’a see daransani bara monso pu’u komi mangaya i Kerisitu bara taa. Pakanasa ri raya ngkomi samba’a pei samba’a. Wimba, komi bara taa nunsani i Yesu Kerisitu re’e maroo ri raya ngkomi? Pei ane taa monso pangaya ngkomi, Ia tare maroo ri raya ngkomi. Pei ane ewa pampobuukangku, komi monso pu’u mangaya.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Epesus 2:22

Wali batuanginya komi to si’a to Yahudi seja rapasimba’a pei i Kerisitu wali komi seja saga banua. Komi rawangu sindara-ndara pei samparia tau to mangaya to yusa damawali banua to nakaroo i mPue Allah. Wali kita maya manganto’o etu banua to nakaroo i mPue Allah, apa i Nosa Mapasing re’e maroo nja’u ria, ri raya ngkita to mangaya.

Matius 10:20

Apa tempo etu gombo to danuto’o ngkomi si’a yako ri pampobuuka ngkomi. Nosa mPa’a ngkomi to ndate saruga, Ia semo to damagombo mangampake nganga ngkomi.

Pangkita 2:17

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku damangawaika sira mangkoni santila pangkoni mana to rawuni. Pasi Aku damangawaika seja tau etu sampa’i watu to buya samba’a pei samba’a. Watu etu nja’u ratulis sanga to bou. Sanga to bou etu tare to yusa mangansani, ojo patanya tau to mangantima mangansani.’”

2 Korintus 6:16

Wali wimba, bara masipato ane tau to mangaya i Kerisitu pei mampue tau-tau? Gete, taa! Apa koro ngkita roomo mawali banua to nakaroo i mPue Allah to tuwu, wali taa kojo masipato mangampake banua i mPue Allah mampue resi tau-tau! Wali palaong etu singkonong pei gombo i mPue Allah to ratulis ri raya ntuntuNya, to manganto’o, “Aku damaroo ri raya nsira pasi datuwu masingkatao pei sira. Aku damawali Allah nsira pasi sira damawali taungKu.” (Yehezkiel 37:27)

1 Korintus 14:15

Wali ane ewa see kesaa to dakuika? Ewa si’i dakuika. Aku damakai-kai magombo ri raya basa to yusa to nawaika i Nosa Mapasing aku, pei aku damakai-kai seja magombo ri raya basa to nansani nsa’e. Pasi ewa see seja ri tempo manyanyi mangabarong i Pue Allah. Tempo etu aku damanyanyi ri raya basa to yusa pei aku damanyanyi seja ri raya basa to nansani nsa’e.