Yohanes 14:16 - Tuntu i mPue ri Basa Taa

¹⁶ Pasi Aku damamporapika resi Pa’angKu, panewa Ia damangawaika resi komi to Pansawang to yusa, to damaroo resi komi rataka ri singkasaenya.

Sura Magali Nuntu Ngkatuwu

¹⁶ Da Kuperapi ri Papa, da naka ndawaika komi Topompelae anu ntaninya, anu da todo maroo-roo mpaliu pai komi.

Yohanes 14:16 Referans Kwoze

Yohanes 14:26

Pei tempo to darata, Pa’angKu damampokau to Pansawang damangabolos Aku. To Pansawang etu, Ia semo i Nosa Mapasing. Wali Ia damangampotundeka komi samparia anu to bae batuanginya resi komi. Pasi Ia damampatiendoka komi mangkonong samparia gombo to room Aku manganto’oka komi.

Yohanes 15:26

“Wali Aku damampokau to Pansawang ma’i damangansawang komi. Ia dama’i yako resi Pa’angKu pasi Ia semo Nosa to mampakanasa anu to monso mangkonong i Pue Allah. Wali tempo Ia ma’i, tempo etu Ia damampakanasaka seja resi tau mangkonong i sema kamonsonya Aku.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

Palaong mPomakau i mPue Yesu 9:31

Wali yako etu tau to mangaya ri sambawo propinsi Yudea pasi Galilea pasi Samaria, sira masanang karoos nsira apa tamo re’e to mampakasusa sira. Wali sira ojo tidugang karoso ndayanya pasi tidugang seja kaborosinya apa i Nosa Mapasing mampakaroso raya nsira. Pasi ri raya ngkatuwu nsira, sira mampalaika kojo i Pue saba manga’angga Ia.

1 Yohanes 2:1

Wali ngana-nganangku, naka pei aku mangantulisika komi gombo si'i see komi taa damangika dosa. Pei ane bara re'e kita to mangika dosa, re'e tau to mamponsaruka kita ri tango i mPue Allah, Pa'a. To mamponsaruka kita etu, etu semo i Yesu Kerisitu to tare dosaNya.

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Matius 28:20

Pasi patundeka sira see sira damangika seja samparia anu to roomo kuporentangika resi komi. Pei ne’e nukalingan, Aku sangkani re’e resi komi rataka ri kapuranya temponya to si’i, pasi rataka ri singkasaenya.” Wali etu semo patuu i Yesu.

Pilipi 2:1

Wali komi seja samba’a pei i Kerisitu, see naka raya ngkomi rapakaroso, pasi pamporayangiNya mampakalindo raya ngkomi. Pasi see naka komi tuwu masingkatao pei i Nosa Mapasing, pasi masiporayang pei mangika anu to manoto resi yunu ngkomi samba’a pei samba’a.

Roma 5:5

Wali pansarumaka etu taa mangantipu kita. Apa samparia to kita mansarumaka etu paka damawali kojo. Apa i Pue Allah room mangawaika kita i Nosa Mapasing, pasi i Nosa Mapasing etu mampaponsanika ri raya ngkita ewa wimba kabaenya pamporayang i mPue Allah resi kita.

Palaong mPomakau i mPue Yesu 13:52

Pei anaguru i mPue Yesu to re’ewa ri kota Antiokhia etu sira tiroo ndende kojo rayanya pasi bae kojo karoso ndaya to nawaika i Nosa Mapasing sira.

Yohanes 17:15

Wali Aku makai-kai resi Komi si’a marapi see Komi damangkeni yau sira yako ri lino si’i. Aku ojo marapi see Komi damangararamaka sira naka ne’e sira dananangi i maja’a, etu semo i Kepala nto pantipu.

Yohanes 14:18

“Wali tempo Aku mate yau, komi taa damawali ewa ana ilu to tamore tau to mampiara, apa Aku damawolili muni resi komi.

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Yohanes 14:14

Wali ane komi mamporapi resi Aku damangika bara kesaa, Aku damangikaka komi apa saba komi Aku puenya.” Wali ewa wetu gombo i Yesu mampakanasaka kami to anaguruNya sabanya naka pei kami danakoto mangika palaong to bae wo’u batuanginya pei palaong to taa rapobiasa to Ia roomo mangika etu.

Yohanes 17:20

Wali i Yesu mampakapolas pokai-kaiNya, Ia manganto’o wo’u, “Wali si’a ojo anagurungKu etu to Aku mampokaika. Aku mampokaika seja samparia tau to damangaya Aku ri tempo to darata saba yako kareba to nakeni nu anagurungKu etu.

Yohanes 16:22

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

Yohanes 7:39

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Palaong mPomakau i mPue Yesu 1:4

Pasi ri rayanya opo mpuyu mbengi etu, tempo Ia re’ewa sindara-ndara pei anaguruNya Ia mamporentangika sira, Ia manganto’o, “Ne’ewa mampiyaika kota Yerusalem si’i. Karoo ruyu rire mangampea sora to naparajanjika mPa’angKu komi, to Aku roomo mampakanasaka komi.

1 Yohanes 2:27

Pei komi roomo mangarata i Nosa Mapasing yako resi i Kerisitu, pasi i Nosa Mapasing etu re'e maroo ri raya ngkomi. See naka nempo tare tau to yusa to mampotundeka komi, pei komi mangansani anu to monso. Apa i Nosa Mapasing semo to mampotundeka samparia resi kita. Pasi anu to Ia mampotundeka kita etu paka monso samparia, si'a wuti. Wali see naka matao kita mangalulu samparia anu to napotundeka etu taa manto’o gomboNya to manganto’oka kita maroo masingkatao pei i Kerisitu.

2 Yohanes 1:2

Naka pei kami mamporayang komi apa anu to monso etu re'e maroo ri raya ngkita pasi dasiwaka pei kita rataka ri singkasaenya.