Yohanes 14:13 - Tuntu i mPue ri Basa Taa

¹³ wali nempo bara kesaa to komi mamporapi resi Pa’angKu mangika, Aku damangikaka komi apa saba komi Aku puenya. Naka pei Aku damangika ewa wetu see Pa’angKu darabarong saba yako palaong to Aku, AnaNya, mangika etu.

Sura Magali Nuntu Ngkatuwu

¹³ Pai nunjaa ntano anu ndiperapi ri toʼo-Ku, inceʼe da Kupowiaka komi, da naka i Papa ndapapeawa mampoliu i Ana.

Yohanes 14:13 Referans Kwoze

Yohanes 15:7

Pei ane komi maroo masingkatao pei Aku pasi sangkani mampalaika gombongKu, ane ewa see nempo bara kesaa to nuporani ngkomi, porapi resi i Pue Allah, Pa’a, panewa Ia damangawaika komi.

Markus 11:24

Wali see naka Aku manganto’oka komi, nempo kesaa to nuporapika resi i Pue Allah tempo komi makai-kai resi Ia, ane komi monso pu’u mangaya, komi damangarata anu to nuporapika ngkomi etu.

Matius 21:22

Pasi nempo kesaa to nuporapika resi i Pue Allah tempo komi makai-kai resi Ia, ane komi monso pu’u mangaya, komi damangarata anu to nuporapika ngkomi etu.”

Matius 7:7

Yako etu i Yesu manganto’o wo’u, to’oNya, “Wali ane re’e to parluu ngkomi, ne’e mandoo marapi resi i Pue Allah see komi darawaika. Ane re’e to parluu ngkomi, ne’e mandoo mangaliwu resi i Pue Allah panewa Ia damangansawang see komi damangarata. Pasi ane parluu rasawang, ne’e mandoo mamporapi sawang resi i Pue Allah ewa naika ntau to mananya yau ri banua nu yununya damarapi sawang resi ia. Apa ane komi marapi sawang resi i Pue Allah, Ia damangansawang komi.

1 Yohanes 5:14

Wali kita tamo bata-bata rayanta mampotango i Pue Allah. Apa kita tansani nempo bara kesaa to kita mamporapika resi i Pue Allah, ane kita marapi singkonong pei pamporani to si Ia, ane ewa see Ia damampodongeka pokai-kai ngkita etu.

Yohanes 16:23

Wali ane ratamo temponya to etu tamo re’e to danuporapika resi Aku. Apa Aku manganto’oka komi, monso pu’u, kesaa to danuporapi resi Pa’angKu manganto’o, ‘Kami marapi resi Komi saba kami i Yesu puenya’, ane ewa see pokai-kai ngkomi, Ia damangawaika komi.

1 Yohanes 3:22

Pasi bara kesaa to kita mamporapika resi Ia, Ia damangawaika kita apa kita mampalaika porentaNya pasi kita mangika seja lengko to mampakasanang Ia.

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

Yohanes 14:14

Wali ane komi mamporapi resi Aku damangika bara kesaa, Aku damangikaka komi apa saba komi Aku puenya.” Wali ewa wetu gombo i Yesu mampakanasaka kami to anaguruNya sabanya naka pei kami danakoto mangika palaong to bae wo’u batuanginya pei palaong to taa rapobiasa to Ia roomo mangika etu.

Yakobus 5:16

Wali see naka pongakung dosa ngkomi samba’a pei samba’a, pasi masipokaika see komi maya rapakatao muni ane komi masaki. Apa pokai-kai ntau to lengkonya singkonong pei i Pue Allah, pokai-kai etu bae kojo kuasanya pasi bae seja batuanginya.

Pilipi 4:13

Etu semo, aku kunsani samparia to pamporani i mPue Allah resi aku paka kukurang mangika saba yako pansawang i ngKerisitu to mampakaroso rayangku.

Yakobus 1:5

Pei ane re’e tau ri oyo ngkomi to taa gana kapandenya mangkonong palaong to etu, to tao-tao tau etu makai-kai mamporapika resi i Pue Allah, wali i Pue Allah damangawaika ia kapande etu. Kita mangansani i Pue Allah damangawaika kapande etu apa Ia manoto kojo resi samparia tau pasi Ia taa manganseko tau to marapi sawang resi Ia.

Epesus 3:12

Wali saba kita samba’a pei i Kerisitu Yesu pasi saba kita mangaya Ia, see naka kita taa meka pasi taa seja bata-bata raya ngkita mampotango i Pue Allah.

Yohanes 16:26

Wali tempo etu komi semo to damarapi sawang resi Pa’angKu apa saba komi Aku puenya. Wali si’amo Aku to damamporapi resi Ia see Ia damangansawang komi,

Yohanes 10:30

Wali Aku pasi Pa’angKu, Kami samba’aja.” Etu semo pasono i Yesu.

Epesus 2:18

Apa yako to naika i ngKerisitu mampansaruka kita, see naka kita samparia maya mampotango i Pue Allah, Pa’a. Pasi kita samparia mampotango Ia paka yako ri kuasa i Nosa Mapasing anu to samba’aja etu.

Kolose 3:17

Pasi bara kesaa to nuika ngkomi, bara magombo, bara to nupolengkoka, ika samparia ewa to masipato naika ntau to mangalulu i Pue Yesu. Pasi ri rayanya komi mangika palaong, to'oka i Pue Allah, Pa'a, tarima matao apa saba to inika i mPue Yesu resi komi.

Yohanes 7:37

Wali yako etu ratamo eo to pangkaroonya Roa Tenda. Eo etu semo to bae kojo batuanginya ane ri roa etu. Wali tempo etu i Yesu makore ri tango ntau boros, Ia maroso looNya mangaligi sira, to’oNya, “I sema tau to mamporani ue to mangawai katuwu, to tao-tao ia mai mangalulu Aku panewa Aku damampapoinuka ia ue to mangawai katuwu etu.

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 12:44

Wali i Yesu maroso looNya manganto’o, “I sema tau to mangaya Aku, si’a ojo Aku to ia mangaya. Tau etu mangaya seja Ia to nampokau Aku.

Lukas 11:9

“Wali Aku manganto’oka komi, ane re’e to parluu ngkomi, ne’e mandoo marapi resi i Pue Allah see komi darawaika. Ane re’e to parluu ngkomi, ne’e mandoo mangaliwu resi i Pue Allah panewa Ia damangansawang see komi damangarata. Pasi ane parluu rasawang, ne’e mandoo mamporapi sawang resi i Pue Allah ewa naika ntau to mananya yau ri banua nu yununya damarapi sawang resi ia.

1 Petrus 2:5

Pei ane kita to mangaya, kita seja raporapaka ewa watu to iwaikaNya katuwu, apa kita semo saga to napake i mPue Allah mangika banuaNya. Pasi kita mawali to pampue to i Pue Allah puenya. Wali kita mampampueka pampue to nato’oka i Nosa Mapasing kita mampampueka. Pampue etu mampakasanang i Pue Allah apa i Yesu Kerisitu to mamponsaruka kita.

Yohanes 5:19

Wali i Yesu manganto’oka to Yahudi etu, “Aku manganto’oka komi, monso pu’u Aku, Ana i mPue Allah, taa maya mangika bara kesaa ane ojo yako pamporani to si Aku. Pei ewa naika nu ana kodi mangalo’a pa’anya mangika palaonginya roo see ana etu mangika seja palaong sewaju ewa pa’anya etu, ewa see seja Aku. Wali ojo palaong to Aku mangangkita Pa’angKu mangika, palaong to etu semo to Aku maya mangika.

Ibrani 13:15

Wali ane mangkonong pampue, kita re’e mangkenika i Pue Allah pampuenta yako pansawang i Yesu. Pei pampue ngkita etu, etu semo gombo ngkita mangabarong Ia pasi manganto’o, “Tarima matao, Pue Allah.”

Ibrani 4:15

Wali Ia mawali to pampue to bae anggaNya to mamponsaruka kita ri tango i mPue Allah. Pasi Ia si’a to pampue to taa nakurang mangepe seja kayu’u ngkita. Ia mangepe kojo apa Ia room seja mangarata samparia ngaya mpanggoda to kita mangarata, pei Ia tare mangika dosa.

Epesus 3:14

Wali etu sabanya naka pei aku mambokotu ri tango i mPue Allah, Pa’a i Yesu Kerisitu, Pue ngkita.

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Yohanes 4:10

Wali i Yesu manganto’oka ia, to’oNya, “Ane nunsani ngkorom mangkonong sora to nawai i mPue Allah, pasi ane nunsani ngkorom i sema kamonsonya Aku to mamporapi ue resi korom si’i, ane ewa see, korom damamporapi resi Aku panewa Aku damangawaika korom ue to mangawai katuwu.

Yohanes 16:7

Pei Aku manganto’oka komi, monso pu’u to bae-bae batuanginya resi komi ane Aku yau, apa ane rapanya Aku taa dayau, ane ewa see to Pansawang taa dama’i resi komi. Pei ane Aku yau, Aku damampokau Ia dama’i mangansawang komi.

Yohanes 13:31

Wali payu i Yudas yau, i Yesu magombo resi kami to anaguruNya to yusa mangkonong kapateNya pasi mangkonong pambanguNya muni yako ri kapateNya etu, Ia manganto’o, “Ratamo temponya tau damangansani Aku, Wiyaa nto Lino, Aku masipato rabarong. Pasi yako palaong to damawali resi Aku, see naka tau damanasa seja i Pue Allah Ia masipato rabarong.

1 Korintus 14:13

Wali see naka tau to magombo ri raya basa to yusa to tao-tao makai-kai resi i Pue mamporapi kapande see nakurang mampakanasaka yununya batuanginya gombonya etu.