Yohanes 13:34 - Tuntu i mPue ri Basa Taa

³⁴ Wali si’i-si’i Aku mangawaika komi porenta to bou. Etu semo, masiporayang. Ewa inikangKu mamporayang komi, ewa see seja danuika ngkomi masiporayang.

Sura Magali Nuntu Ngkatuwu

³⁴ Seʼi songka dawoʼu anu da Kutoʼoka komi: Ndipombepotowemo komi sambaʼa pai sambaʼa. Ewambeʼi Kupampotowe komi, ewanceʼe seʼe da pombepotowemi.

Yohanes 13:34 Referans Kwoze

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Yohanes 15:17

Wali porentangKu resi komi, etu semo masiporayang.”

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

1 Yohanes 3:23

Wali si’i semo porenta i mPue Allah resi kita: To uyunya, aya AnaNya, i Yesu Kerisitu, pasi yako etu, masiporayang ewa to roomo nato'oka i ngKerisitu kita.

1 Yohanes 4:21

Wali ngana-nganangku, anu kita mangalulu porenta to nato'oka i ngKerisitu kita. Ia manganto'o, "Komi to mamporayang i Pue Allah, porayang seja a'imu." Wali anu kita samparia masiporayang.

Yakobus 2:8

Wali re’e porenta nu Makole ngkita to ratulis ri raya ntuntu i mPue Allah, Ia manganto’o, “Porayang yunumu ewa wimba nuika mamporayang koromu.” (Imamat 19:18) Wali ane komi mangalulu porenta etu, matao kojo.

1 Tesalonika 3:12

Pasi kami makai-kai mamporapika resi i Pue see Ia damangansawang komi see kanjo’u-njo’u tiduga-dugang komi masiporayang pasi mamporayang seja samparia tau, see tuwu-tuwuja bae kojo pamporayang ngkomi etu sewaju ewa pamporayang mami resi komi.

Roma 12:10

Anu kita mamporayang sa’e ewa taika mamporayang tua’i ngkoronta. Pasi anu kita pakadota mampobuuka sa’e to bae-bae angganya pei kita.

2 Yohanes 1:5

Wali si'i-si'i Indo aku mamporapika resi komi samparia see kita masiporayang. Pei porenta to kutulisika komi etu si'a porenta to bou. Porenta etu semo to nawaika i mPue Allah kita yako ri pamulanya kita mangaya.

Galatia 6:10

Wali anu kita sangkani pakayoaka mangika matao resi samparia tau, taa manto’o resi pua’i ngkita to samba’a pangaya.

Ibrani 13:1

Wali ne’e mandoo masiporayang ewa to masipato naika ntau to pua’i to samba’a pangaya.

2 Tesalonika 1:3

Wali a’i-a’i masipato kami manganto’oka i Pue Allah tarima matao apa saba komi. Masipato kami manganto’oka Ia tarima matao apa kanjo’u-njo’u karoso-roso pangaya ngkomi. Pasi kanjo’u-njo’u karoso-roso komi samparia masiporayang.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

2 Petrus 1:7

Pasi ri rayanya komi mangika lengko to mampakasanang i Pue Allah etu, dugangika wo’u pamporayang ngkomi resi pua’i to samba’a pangaya. Pasi ri rayanya mangamporayang pua’i to samba’a pangaya, dugangika wo’u pamporayang ngkomi resi samparia tau.

Kolose 1:4

Naka pei kami manganto'oka Ia tarima matao apa kami roomo mangandonge kareba mangkonong pangaya ngkomi resi i Kerisitu Yesu pasi mangkonong pamporayang ngkomi resi samparia tau to i Pue Allah Puenya.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Yohanes 17:21

Aku makai-kai resi Komi, Pa’a, see tau to damangaya etu, sira samparia damawali samba’a pampobuuka nsira sewaju ewa Kita. Apa Komi samba’a pei Aku, pasi Aku samba’a pei Komi. Wali Aku makai-kai see sira mawali samba’a pampobuuka pei Kita. Etu semo pokai-kaingKu, apa ane sira samba’a pampobuuka pei Kita, to lino to taa mangaya, sira damangansani monso pu’u Komi semo to nampokau Aku.

Matius 5:44

Pei Aku manganto’oka komi, porayang seja balimu, pei matao raika magombo resi tau to mampoja’a komi. Pasi ika matao resi tau to maja’a nakita komi, pasi pokai-kaika tau to mampakasala pasi to mangansesai komi.

Roma 13:8

Ne’e kita kainda resi sa’e kasimbalinya inda to re’e resi kita samparia. Etu semo kita taa maya taa masiporayang. Apa tau to mamporayang yununya, tau etu mangabanang porenta i Musa.

Roma 13:10

Wali ane kita mamporayang yununta, kita taa kojo damangika anu to maja’a resi ia. Wali see naka kita ane mamporayang yununta, kita mangabanang porenta i Musa.