Yohanes 12:36 - Tuntu i mPue ri Basa Taa

³⁶ Wali monso pu’u Aku mampotundeka komi jaya to monso. Wali tempo Aku tiroowa re’e resi komi, sarumaka Aku see komi maya mawali tau to mangansani anu to monso. Apa ane ewa see komi raporapaka ewa tau to tuwu ri raya ngkareme.” Wali ojo karoonya i Yesu manganto’oka sira gombo etu, Ia mayoko pei maroo nja’u tampa to taa nansani nsira.

Sura Magali Nuntu Ngkatuwu

³⁶ Ntongo reʼepa ri oyomi da ndiayamo reme setu da naka komi mewali waʼa ana ngkareme.” Roo mompau ewanceʼe malaimo i Yesu ungka njairia bareʼemo mepapamara ri tau seʼe.

Yohanes 12:36 Referans Kwoze

Epesus 5:8

Apa tempo ruyu komi tawa mangansani i Pue see naka komi ewa wuri, pei si’i-si’i komi ewa reme apa saba samba’a pei i Pue. Wali ika lengko ngkatuwu to masipato naika ntau to ri raya ngkareme.

1 Tesalonika 5:5

Apa komi samparia paka ewa tau to maroo ri kareme pasi bae eo apa ane kita to mangaya, kita paka ana i mPue Allah pasi Ia reme semo. Kita si’a ana ngkawuri.

Yohanes 8:59

Wali ojo pangandonge nto Yahudi gombo i Yesu etu, sira maja’a rayanya mampobuuka Ia mampoanika i Pue Allah, wali sira mangoko watu daratasoka i Yesu, pei taa mawali apa Ia masaya yau pei miyai yako ri banua i mPue Allah.

Lukas 16:8

“Wali yako etu tau sugi mangandonge mangkonong palaong to naika nto papolaonginya resi tau to kainda etu. Tempo ia mangandonge, ia mampobuuka, ‘Kamonsonya ngkai etu mangantipu aku, pei gete, ia pande kojo mangampake kasugingku ri tempo si’i damampasilonga katuwu to si ia ri tempo to darata.’ Ewa wetu napobuuka ntau sugi.” Etu semo rapa to nato’o i Yesu. Roo see Ia manganto’o wo’u, “Wali tau to taa mangaya i Pue Allah, sira ojo mampobuuka katuwunya ri lino si’i, ewa naika nto papolaong to mantipu tau puenya etu. Wali tau to taa mangaya etu, sira semo to pande-pande mangampake kasugi nu lino sakowa tau to mangaya i Pue Allah to rato’oka ana nu reme.

Yohanes 11:54

See naka i Yesu tamo masuwu resi tau nja’u lipu nto Yahudi, pei Ia yau njo’u kota sanganya Epraim, to mosu ri pada bone. Wali Ia maroo-roo nja’u ria sindara-ndara pei kami to anaguruNya.

Yohanes 1:7

Wali i Yohanes to Pombaptis etu ma’i mawali matamanasa resi tau mangkonong i Tuntu to mangkeni reme etu. I Yohanes mampakarebaka resi tau see samparia tau maya mangandonge mangkonong Ia, to rato’oka seja i Reme, panewa tuwu-tuwuja sira damangaya kareba etu.

1 Tesalonika 5:8

Pei kita si’a raporapaka ewa tau to maroo ri raya ngkawuri etu. Kita raporapaka ewa tau to maroo ri bae eo. Wali anu kita manta’amaka rayanta. Pasi anu kita mangampake pangayanta pasi pamporayanginta damangajagai koro ngkita, ewa naika ntentara mangampake baju besi mangajagai dadanya. Pasi kita mansarumaka i Pue damampalaes kita. Wali anu kita mangampake pansarumakanta etu damangajagai pampobuuka ngkita ewa naika ntentara mangampake songko besi mangajagai wo’onya.

Yohanes 3:21

Pei ane tau to lengkonya singkonong pei anu to monso, tau etu masanang mangampago reme apa kareba yako resi i Pue Allah to raporapaka ewa reme etu, kareba etu mampakanasaka sira palaong to inikanya etu singkonong pei pamporani i mPue Allah.” Wali etu semo gombo i Yesu resi i Nikodemus.

Matius 21:17

Wali ojo karoonya i Yesu manganto’oka sira gombo etu Ia mampiyaika sira pei mayoko yako ri kota Yerusalem. Ia yau lo’u kota Betania pei yore la’u ria.

Matius 5:14

“Pasi komi raporapaka seja ewa pansona to mampakareme tampa to mawuri. Pobuuka kota to ndate rapa mpantana. Ane kota to etu taa maya rawuni apa remenya nakita ntau boros. Wali ewa see seja gombo ngkomi pasi lengko ngkatuwu ngkomi mawali ewa reme to taa seja maya rawuni pasi to mampaponsanika sa’e jaya damangarata katuwu.

Yohanes 8:12

Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

Yohanes 12:37

Wali boros kojo palaong to taa rapobiasa to roomo naika i Yesu ri pangkita nu mata nto Yahudi, pei nempo ewa see tiroo boros sira to taa mangaya Ia.

Yohanes 12:46

Wali Aku ma’i ri lino si’i damawali ewa pansona to mampakaremeka to lino jaya to monso, see samparia tau to mangaya Aku si’amo ewa tau to ojo malinja-linja ri raya mburi.